Illugi sér rautt

 

Siðapostulinn Illugi Jökulsson skrifaði pistil um daginn á blogg sitt sem hann kallaði bara Ísrael. Þessi fallegi og látlausi titill hans var næg ástæða fyrir mig til að vera viss um að ekki væri allt með felldu, og það sem fyrir neðan stæði væri vart ægifagurt, enda Illugi enginn sérstakur vinur Ísraelsríkis. Ég hafði rétt fyrir mér. Ég setti því þessa athugasemd hjá Illuga: 

Til skamms tíma var mikil ásókn Íslendinga til hinna "yndislegu" ríkja al-Assads, Ghaddafís og Amadinejads. Íslenskir ellilífeyrisþegar flykktust þangað undir skeleggri stjórn konu nokkurrar sem minnir mig alltaf ógurlega mikið á Illuga Jökulsson.

Í þessum löndum er útrýming Ísraels orðið að skólaefni. Í skólaatlösum landanna er þegar búið að útrýma Ísraelsríki af öllum kortum. Það var gert fyrir löngu.

Vinsælustu sjónvarpsseríurnar eru svo ógeðslegar í garð Ísraelsríkis og gyðinga, að þær skjóta óþverra 3. Ríkisins og gjörvöllu gyðingahatri kaþólsku kirkjunnar ref fyrir rass.

Í Palestínu þeirri, sem sumir Íslendingar hafa gert að gæluverkefni, eru slíkar sjónvarpsseríur afar vinsælar. Skrílslegar og rasískar skopteikningar í garð gyðinga og Ísraelsmanna hafa þar verið aðal skemmtiefnið allar götur síðan á 4. áratug síðustu aldar. Það voru þær líka í kommúnistalöndum Austur-Evrópu, þar sem óþverrinn úr Der Stürmer var endurunninn í Prövdu og Izvestia.

Hamas, sem Ísland er komið í stjórnmálasamband við með hjálp ofstækismannsins, Palestínupáfans og ESB-mógúlsins ÖS, hefur útrýmingu Ísraels á dagsskránni. Styðja óhugnanlega margir múslímar, sama hvaðan þeir koma, þann hatursboðskap.

Illugi Jökulsson verður að gera sér grein fyrir því, eins sögufróður maður og hann er, að gyðingahatur var til staðar í miklum mæli í löndum múslíma í Miðausturlöndum fyrir stofnun Ísraelsríkis - og það var það líka á Íslandi, eins og Illugi veit manna best.

Gaman var að fá að vita, hvaða sjónvarpsseríur Illugi Jökulsson "fílar", en skrítið að sjá mann sem ekki fílar Ísrael  þótt hann hafi sjálfur ferðast ógagnrýnið  með fyrrnefndri konu til landa fjöldamorðingjanna al-Assads, Ghaddafís og Amadínejads og þótt þar fínt og sætt.

Er ekki kominn tímt til að Illugi fari til Ísraels og uppgötvi sannleikann. Illugi er nefnilega haldinn blindu ofstæki í garð Ísraels eins og margir samflokksmenn hans á Íslandi.

Segðu mér eitt, Illugi, er ríki sem veitir yfir 100.000 Palestínumönnum frá Vesturbakkanum og Gaza læknisþjónustu sl. ár stjórnað af ofstækisfólki? Systir og mágur Ismails Hanyeh, foringja Hamas á Gaza, sóttu sér t.d. lækningu á sjúkrahúsi í Petah Tikva fyrr í þessum mánuði. Og þú talar um ofstæki... 

Athugasemdir

[Vilhjálmur Eyþórsson, 30.8.2012 kl. 12:20]

Aldrei þessu vant er ég þér innilega sammála.

[Sigurður Þór Guðjónsson, 30.8.2012 kl. 15:36]

Ætlarðu nú ekki að fara að koma a feisbúkk Vilhjálmur svo hægt sé að gjöra ærlegt at í þér?

[Tómas Ibsen Halldórsson, 30.8.2012 kl. 16:01]

Ég er sammála þér Vilhjálmur, það er með ólíkindum að þeir sem kenna sig við "lýðræðis ást" skuli bera jafn mikið hatur í garð eina ríkisins í miðausturlöndum þar sem lýðræði ríkir og allir borgarar eru jafnir fyrir lögum hvort heldur þeir eru gyðingar, múslímar, kristnir eða aðrir.  Ísraelskir arabar, hvort heldur þeir eru múslímatrúar eður ei, hafa sama rétt og gyðingar í Ísrael, en gyðingar og kristnir, jafnvel kristnir arabar, sem búa í múslímaríkjum eiga undir höggi að sækja, gott dæmi er kristna stúlkan í Pakistan sem er með daunsheilkennið.

[Hilmar (IP-tala skráð) 30.8.2012 kl. 19:44]

Ég rakst einu sinni á síðu sem safnar vinsælustu þáttunum þarna í miðausturlöndum, lýðræðisríkjum Jóhönnu og Illuga, og setur enska texta við.

Man sérstaklega eftir vandaðri heimildarmynd frá Íran, sem fletti ofan af stórkostlegu samsæri gyðinganna í Ísrael, sem stunda það að ræna fallegum írönskum börnum, og hirða úr þeim líffæri handa blóþyrstum Zíónistunum. Eitt átakanlegt atriði stendur hæst í minningunni, en það greindi frá litlum ofurfallegum írönskum pilti, sem varð fyrir þeirri skelfilegu reynslu, að missa augun sín fallegu, í hendurnar á Zíonistaóþverrunum.

Ég man ekki hvað þátturinn heitir, en Illugi gæti kannski kannað það, hvort hún leynist ekki í hans myndbandahillu.

Fleiri áhugaverð myndbönd voru á þessari síðu, og alger synd að lýðræðiselskandi fólk eins og Jóhanna og Illugi, geti ekki horft á þetta gæðaefni, í íslenskri þýðingu, í ríkisútvarpi allra Samfylkingarmanna.

[Jón Steinar Ragnarsson, 31.8.2012 kl. 01:03]

Skítt að hann skyldi ekki þyggja það að gerast Mossad agent þegar þeir buðu honum það á Hótel Borg forðum daga.  Þeir voru nú víst ekki uppýstari en það...en what the heck...það sakar ekki að reyna.

[Óskar Sigurðsson, 31.8.2012 kl. 11:08]

Góður! Algerlega sammála þér Villi.

[Rafn Haraldur Sigurðsson (IP-tala skráð) 31.8.2012 kl. 12:12]

Ég er líka sammála þér.

[Sleggjan og Hvellurinn, 31.8.2012 kl. 20:01]

goður pistill

[Ólafur Jóhannsson (IP-tala skráð) 1.9.2012 kl. 00:24]

Þakka málefnalega grein Vilhjálmur.
Gyðingahatur fer því miður vaxandi hér á Íslandi. Palestínuarabar hafa það hvergi eins gott í löndum araba eins og í Ísrael.

Ef Palestínumenn hafa það jafn slæmt sem Illugi og aðrir óvinir Ísraels segja, hversvegna heyrum við þá ekki um flótta þeirra frá Ísrael?

[Jóhannes (IP-tala skráð) 1.9.2012 kl. 09:58]

Það væri kannski hollt fyrir Íslendinga, a.m.k. suma, að rifja það upp hverjir mæltu fyrir stofnun Ísraelsríkis á þingi Sameinuðu þjóðanna 29 nóv 1947.  Það voru Íslendingar.

[Einar Steinn Valgarðsson (IP-tala skráð) 9.9.2012 kl. 00:50]

Þakka hlekkinn, er forvitinn að tékka á Hafuim.

[Einar Steinn Valgarðsson (IP-tala skráð) 9.9.2012 kl. 00:51]

*Hafufim var það víst.