Var Gunnar Gunnarsson nasisti ?

 

Um næstu helgi minnast menn mikils áfanga á Skriðuklaustri á Héraði. Rannsóknum á leifum klaustursins er lokið og haldið verður upp á það með pompi og prakt, nú er 500 ár eru liðin frá því að klausturkirkjan var vígð.

Dagsdaglega minnast menn hins vegar á Skriðuklaustri Gunnars Gunnarssonar stórbónda á Skriðu, sem lét reisa sér þar stórhýsi í bæverskum fjallastíl. Gunnarsstofa er rekin að Skriðuklaustri og margar upplýsingar er að finna um hann og ævi hans og list á www.skriðuklaustur.is 

Þrátt fyrir að mikið hafi verið ritað um ævi og störf Gunnars og að nýlega hafi komið út merk bók um hann, hafa þeir sem um hann rituðu tekist að sigla um skerjagarð heimaldanna án þess að rekast verulega utan í þann svarta klett sem inniheldur upplýsingar um blinda ást Gunnars Gunnarssonar á nasismanum. Þessir sjómenn í ölduróti heimaldanna neita því algjörlega að slíkt sker sé til og að Gunnar hafi nokkur sinni verið nasisti.

Stórhátíð á Skriðuklaustri er ágæt ástæða til að rifja upp upplýsingar um nasisma Gunnars og náin tengsl hans við stórmenni 3. ríkisins sáluga.

Sjá umræðuna á Fornleifi nú

Yfirmenn Gunnars Gunnarssonar í Nordische Gesellschaft

Athugasemdir

[Jón Valur Jensson, 16.8.2012 kl. 22:09]

Þú talar hér um "blinda ást Gunnars Gunnarssonar á nasismanum," en ætli það sé ekki réttara að tala um ást hans á Þjóðverjum og Germönum annars vegar og hlálega blindni gagnvart nazista-valdhöfunum hins vegar.

Svo á ég lengra innlegg á hinni vefsíðunni þinni.

[H.T. Bjarnason (IP-tala skráð) 16.8.2012 kl. 22:13]

Ég ætla rétt að vona að Gunnar hafi ekki verið aðdáðandi Passíusálmanna.

[Jón Valur Jensson, 16.8.2012 kl. 22:22]

Þeir eru nú meinhollir og lausir við allan racisma.

[Jón Valur Jensson, 16.8.2012 kl. 22:24]

Ég ætla rétt að vona, að H.T. Bjarnason leggi ekki niður bloggið sitt, þá myndi aths. hans hér hverfa og mitt innlegg nr. 2 koma mjög illa út!

[FORNLEIFUR, 16.8.2012 kl. 22:51]

Hér er heimildin sem þú spyrð um, og er hún ekki fengin hjá Yngva. Sumt af þessu hef ég fengið úr nýlegri danskri kandídatsritgerð um Nordische Gesellschaft.Ef eitthvað meira er til um fund Gunnars við Hitler, þætti mér, og vonandi forstöðumönnum Skriðuklausturs sem ekki greina frá neinu slíku www.skriðuklaustur.is, vænt um að heyra það.Arrivederci a (per) Lei, signore Giovanni Miðvikudagur 27. Apríl 1938.

MORGUNBLAÐIÐ

Gunnar Gunnarsson skrifar um sameiningu Þýskalands og Austurríkis í brjefi til „Nordische Gesellschaft" í Lübeck, kemst Gunnar Gunnarsson skáld,  svo  að orði: Leyfið  mjer fyrst  að  láta í   ljós  gleði  mína  yfir hinum mikla viðburði,  sameiningu    Austurríkis    við    Þýskaland. Þjer vitið, að jeg hefi um langt skeið  litið  á þessa sameiningu, sem sjálfsagða. Nú get jeg óskað yður hjartanlega til hamingju   með   það,   að   þetta gerðist jafn fljótt og raun varð á — og að það gerðist á friðsamlegan hátt. Hjer voru menn dálítið vandræðalegir og skildu þetta ekki! Menn höfðu í fullri alvöru   trúað    því,    að    þýskir menn  í   Austurríki,   sem  vildu hverfa   heim    til    Þýskalands, væru   aðeins   lítill   minnihluti. —   Getur   maður   vænst   skilnings af mönnum, sem ekki vita betur?  Mikið veður var gert út af „ofbeldinu", sem austurrísku  þjóðinni  hafi  verið sýnt, og órjettinum, sem henni hafi verið gerður. En ekki var talað um ofbeldi og órjettlæti, þegar Austurríki var á sínum tíma hindrað  í  því, að sameinast Þýskalandi. Hræsni hinná'gömlu „friðarpostula" veldur mjer meiri hugaræsingu,  en hitt, hvernig Þýskaland fór nú að ráði sínu".Sjá einnig hér http://timarit.is/view_page_init.jsp?pageId=1235827

[Vilhjálmur Örn Vilhjálmsson, 16.8.2012 kl. 22:53]

Hvað segirðu Jón, á ég að fjarlægja athugasemd H.T. og þína þriðju?

[FORNLEIFUR, 16.8.2012 kl. 23:11]

Gunnar andmælti aldrei gyðingahatri félaga sinna í Nordische Gesellschaft.

Þar sem ekki eru varðveittar allar ræður hans í Nordische Gesellschaft, getur maður ekki útilokað að hann, eins og aðrir, hafi komið inn á hatur sitt gagnvart gyðingum.

[Jón Valur Jensson, 16.8.2012 kl. 23:23]

Nei takk, Vilhjálmur, taktu þær athss. ekki út!

Ertu viss um, að Nordische Gesellschaft hafi sem slíkt boðað opinskátt Gyðingahatur? Vitaskuld voru bæði SS-foringinn Himmler og Rosenberg siðlausir Gyðingahatarar og virkir í því, en það leiðir samt ekki af sjálfu sér, að þar með hafi Nordische Gesellschaft verið opinskátt í boðun Gyðingahaturs. En þú ert kannski með uppl. um það (ef einhver er!).

Já, þessi texti hans Gunnars um innlimun Austurríkis er fáránlega infantíll, ekkert minna, og í raun óskammfeilinn, það getur ekki hjá því farið.

[FORNLEIFUR, 17.8.2012 kl. 00:05]

Norðulandadeild Nordisches Gesellschaft lék sér mest að þönkum um hið Norræna. Tal um gyðinga fyllti ekki fundi í Danmörku, en ýmsir rithöfundar og fræðimenn í þessum félagsskap á  Norðurlöndunum voru sannfærðir gyðingahatarar eins og t.d. hinn sænski Fredrik Böök.

Annað mál var með fundi í Þýskalandi. En þar sem Gunnar Gunnarson var oft í höfuðstöðvum Nordisches Gesellschaft í Lübeck hlýtur hann að hafa orðið var við það og jafnvel við meðferð gyðinga í bænum og í Þýskalandi.

Nordic League á Bretlandseyjum var mynduð sem deild af Nordisches Gesellschaft. Þar voru menn ekkert að fela gyðingahatur sitt og allt vitist snúa um andúð á gyðingum.

[Jón Valur Jensson, 17.8.2012 kl. 00:19]

Göring var nú ekki beinlínis grannvaxinn á efri árum!

[Jón Valur Jensson, 17.8.2012 kl. 02:21]

Æ, þetta innlegg átti víst að vera á hinni síðunni þinni! Þér er velkomið að taka það (og þetta) út hér, ef þú vilt.

[FORNLEIFUR, 17.8.2012 kl. 06:38]

Göring hjálpaði reyndar gyðingum að komast til Danmörku. Þetta kemur fram í bók Bent Blüdnikows, Som om de ikke eksisterede.

Svo vil ég nefna, að til er mynd af Gunnari Gunnarssyni er kann kemur af fundinum með Hitler. Bókin sem hún er í er því miður ekki til á Konunglega bókasafninu í Danmörku og svo virðist sem engir aðrir eigi þetta verk. Þar kemur fram að:  Der isländische Dichter Gunnar Gunnarson wurde im März 1940 vom Führer und Reichskanzler empfangen. Gunnarson und der Leiter der Nordischen Gesellschaft, Gauleiter Lohse, verlassen die Reichskanzlei (geleitet von einem Offizier der Leibstandarte SS Adolf Hitler);

Lohse þessi var Hinrich Lohse frá Kiel, sem m.a. bar ábyrgð á gettóinu í Riga í Lettlandi.

Gunnar gekk meðal morðingja! 

[Ómar Ragnarsson, 17.8.2012 kl. 12:45]

Menn verða að setja sig inn í veruleika þess tíma þegar Gunnar, Halldór Laxness, Jóhannes úr Kötlum og ótal aðrir listamenn voru uppi og sýndust oft meira og minna hallir undir nasisma og kommúnisma, Stalín og Hitler.

Sem dæmi má nefna að Benjamino Gigli, sem var sem óperusöngvari talinn arftaki Carusos, átti undir högg að sækja fyrst eftir stríð af því að Mussolini hafði, eins og aðrir Ítalir, miklar mætur á Gigli og sýndi honum margvíslegan heiður.

[FORNLEIFUR, 17.8.2012 kl. 13:30]

Ómar var Gigli ekki búinn að missa röddina eftir stríð? Hann gaf út bókina Confidenze, þar sem hann skrifaði að "Hitler og ráðherrar hans Himmler og Göbbels hefðu heiðrað sig með vináttu sinni".

Þetta minnir mann eiginlega mest á ítalska ofurstahanann í Allo, allo þáttunum, sem heilsaði "Heil'a Mussolini".