Stuðningur við Palestínu

Þýskir nýnasistar unnu með Palestínumönnum að hryðjuverkunum í München árið 1972. 

Löng hefð er fyrir tengslum Palestínumanna við nasisma Þýskalands. Stórmúftinn í Jerúsalem hafði vægast sagt náin tengsl við Hitler, Himmler og 3. ríkið. Í dag má finna arabíska þýðingu á Mein Kampf eftir Hitler í öllum nágrannaríkjum Ísraels og fjölmiðlar í Miðausturlöndum nota sömu „skopteikningarnar" og andgyðinglegu minnin og nasistar og Pravda í Moskvu notuðu. Danskir nýnasistar og helfararafneitarar lýstu því yfir fyrir nokkrum árum, að þeir hefðu leitað til hópa ungra róttækra Múslíma í Danmörku. Þeir sem hata gyðinga og Ísrael eru einfaldlega vinir málstaðar Palestínumanna, og vinstriöfgamenn um allan heim eru þar á meðal.

Nú er komið í ljós að þýskur nýnasisti, Willi Pohl að nafni, mun hafa aðstoðað við undirbúning hryðjuverkaárásarinnar á ísraelska ólympíufarana í München árið 1972. Pohl hafði náin tengsl við heilann á bak við hryðjuverkaárásina sem var beint gegn ísraelska hópnum fyrir 40 árum. Fyrir frelsi Palestínu voru 11 íþróttamenn myrtir á hrottalegan hátt á leikunum.

Gögn BfV, Leyniþjónustu Þýskalands, sýna að Pohl hafði árið 1972 samband við Saad nokkurn Walli, sem var falskt nafn PLO hryðjuverkaleiðtogans Abu Daoud Oudeh, eins af skipuleggjendum árásarinnar í München sumarið 1972. Abou Daoud var einn af stofnendum Fatah, sem nú stjórnar nýstofnuðu öfgaríki sem hinn íslenski hryðjuverkastuðningsmaður Össur Skarphéðinsson og aðrir íslenskir kjánar hafa viðurkennt í vinstrisinnuðu gyðingahatri sínu. 

Pohl, Pless, Voss eru nöfn sem þessi hryðjuverkamaður hefur notað. Ætli ESB-stóreiningin Þýskaland sjái til þess að hann skrifi næsta krimmann sinn bak við lás og slá?

 

Haustið 1972 var Pohl handtekinn og dæmdur í tveggja ára fangelsi fyrir að hafa í fórum sínum sprengjuvörpur, ólögleg vopn og skotfæri. Óskýrt er af hverju honum var sleppt nokkrum mánuðum síðar og hann hélt til Beirut þar sem hann hélt sig um tíma. Dómur sá sem hann fékk sem hægriöfgamaður er hlægilegur sé hugsað til þeirra dóma sem vinstriöfgamenn fengu. Pohl mun, samkvæmt heimildum Spiegel hafa útvegað Abu Daoud fölsuð skilríki og verið bílstjóri hans um þvert og endilangt Þýskaland.

Í dag heitir Willi Pohl, Willi Voss og skrifar vinsæla krimma sem seljast eins vel og Arnaldur Indriðason í Þýskalandi. Willi Voss Pohl er víst næst því að vera vinstrisinnaður í dag. Þegar árið 1991 upplýsti annar nýnasisti, Harry Sinowczik, um tengsl nýnasista við hryðjuverkaárásina í München.

Hryðjuverkaleiðtoginn Abu Daoud sá ekki eftir neinu

 

Abu Daoud, vinur Willi Pohl Voss, lauk sinni aumu morðingjavist á jörðinni árið 2010 í Damaskus, bakgarði þjóðarmorðingjans Assads. Áður en Daoud geispaði golunni, lét hann hafa eftir sér að hann væri orðinn „of veikburða til að berjast gegn Ísrael, en að barnabörn hans myndu berjast og einnig barnabörn barnabarnanna". Palestínumenn elska greinilega alltaf börnin sín jafnmikið.

Ísraelar og fjölskyldur fórnarlamba hryðjuverkanna í München hafa í 40 ár reynt að fá alþjóðlegu Ólympíunefndina til að minnast fórnarlamba hryðjuverkaárásarinnar á Ólympíuleikunum 1972 með þögn á leikunum, en því hefur verið hafnað vegna hræðslu við Arabaheiminn. Það er nú ljóst að fórnarlamba blóðugrar „frelsisbaráttu" Palestínumann verður heldur ekki minnst við sérstaka athöfn í sumar. Ísraelsmenn gera það einir.   

Myndin efst er af dönskum öfgamönnum fyrir framan félagsheimili gyðinga í Kaupmannahöfn árið 1979. Danskir gyðingar, sem vart þora að hafa skoðun á málefnum Ísrael, voru dregnir til ábyrgðar fyrir erjur í Miðausturlöndum. Boðskapurinn var greinilegur.

Athugasemdir

[Bjarni Gunnlaugur (IP-tala skráð) 19.6.2012 kl. 08:43]

Maður les þessi einhliðu öfgaskrif þín alltaf með nokkrum fyrirvara, en fróðlegt samt.  Hvað ætli þetta sé eiginlega með rithöfunda og sprengivörpur?http://www.telegraph.co.uk/culture/books/booknews/8068135/Stieg-Larsson-trained-female-Eritrean-guerrillas.html

Verður ekki að fara að fylgjast með Arnaldi  ;-)

[Vilhjálmur Örn Vilhjálmsson, 19.6.2012 kl. 10:00]

Einhliða, varla, því ég er með allar þær hliðar sem eina hliðin (sú helga á vinstri hliðinni sem hallar) er ekki með.

Þakka þér fyrir að minna mig á sprengjuvörpur Stig Larssons. Það var gert allt of lítið úr því.

Hverju Arnaldur kastar er mér ekki kunnugt um, en hann er er fjári seigur að fá bækur sínar út á erlendum málum. Þær eru orðnar svo algengar að þeim er nær kastað í hausinn á manni þegar maður kemur í bókaverslun í Berlín. En þessir krimmar hans eru að verða dulítið einhliða. Nú bíðum við ólmir eftir ástarsögu eftir Farald Handriðason. 

[Helga Kristjánsdóttir, 19.6.2012 kl. 10:39]

Hryllingurinn er mér ávallt í minni.Ég mun minnast þeirra,ætla ekki að horfa á opnunarhátíðina.

[Vilhjálmur Örn Vilhjálmsson, 20.6.2012 kl. 06:34]

Sama segi ég, Helga. En hugaðu þér. Ólympíunefndin neitar að minnast fólks sem var myrt á Ólympíuleikunum vegna þess að nefndarmenn telja sig taka tillit til þeirra þjóða og ógnarstjórna sem hatast út í Ísraelsríki!

Menn eru enn að þjónkast við þau öfl sem komu með hryðjuverkin á leikana og eyðilögðu Ólympíuhugsjónina með blindu hatri.

[sir Humpfree (IP-tala skráð) 22.6.2012 kl. 02:04]

Mig langar kannski bara fyrst af öllu, eftir að hafa lesið þónokkuð af skrifum þínum varðandi gyðinga, ertu gyðingur?

[Helga Kristjánsdóttir, 22.6.2012 kl. 22:18]

Þeir eiga að skammast sín í Ólympíunefndinni,og ættu að minnast þessara ungu íþrótta manna,á þessum tímamótum. Það vantar ekki að breiddur sé út áróður og Israel gert allt upp,sem þurfa daglega að verja sig.