Andlegur kvóti á Íslandi

 

Fjölmiðlamógúllinn Illugi Jökulsson fárast nú út af því, að einhver skipstjóri í Eyjum sjái sömu örlög hjá fólki á Íslandi og hann les um í sænskri skáldsögu um gettóið í Lodz í Síðari heimstyrjöld.

Þótt samlíking skipstjórans í Eyjaum sé alveg út í hött og vitasiðlaus, og lýsi því kannski best að skáldskaga Sandbergs um Lodz gettóið gefi ekki nógu góða mynd af hörmungunum, þá saknar maður þess óneitanlega, að fjölmiðlamaðurinn Illugi fárist ekki yfir því að menn samstíga honum í hugsjónunum séu að líkja Ísraelsríki við Hitler-Þýskaland og hryðjuverkabælinu Gaza við Varsjá gettóið 1940-43.

Sögufróðir menn eins og Illugi gleyma, að gettóin sem gyðingum var smalað í voru um1140 talsins í Síðara stríði. Mér þykir þess vegna í raun gott að heyra, að einhver skipstjóri í Eyjum lesi um Lodz, þó hann skilji ekki söguna betur en þeir sem tala um Gaza sem gettó um leið og þeir gera gyðinga að nasistum.

Maður hefur óneitanlega saknað þess að Illugi, og aðrir hreinir menn undir stýfða vinstri vængnum, mótmæltu ekki lystiferðum íslenskra gamlingja til morðingjaríkjanna Sýrlands, Íran og Líbýu á síðastliðnum árum. "Vorið" hefur víst sett babb í þá útgerð. 

Svo er heldur ekkert nýtt að menn í sjóbissnessinum á Íslandi hafi verið að líkja örlögum sínum við sjávarsíðuna og gjaldþrotum við örlög gyðinga. Maður nokkur fyrir vestan, sem eitt sinn skrifaði blogg á Moggabloggið, skrifaði ófá blogg um kvóta og sjávarútvegsmál sem hann skreytti með myndum frá síðust stóru morðöldunni gegn gyðingum Í Evrópu. Þessi kona sér í einhverri örvæntingu hliðstæðu með örlögum manna í gettóum og því hvernig Jóhanna Sigurðardóttir fer með Íslensku þjóðina. Við sjáum slíkar samlíkingar hjá fólki um alla Evrópu, hjá fólki sem er fyrir löngu búið að missa trúna á ESB.

Auðvitað er það siðlaust að heimfæra Lodz upp á Heimaey og Warsjá á Gaza, en það eru svo margir aðrir sem eru siðlausir móralistar, eins og t.d. Illugi sjálfur, sem ekkert sá athugavert við að Íslendingar álpuðust með mömmu hans í huggulegheitaferðir til Amadinejads í Íran, Assads á Sýrlandi og Gaddavís sáluga í Líbýu.

Athugasemdir

[Vilhjálmur Eyþórsson, 28.3.2012 kl. 13:29]

Illugi er trúlega allra, allra heilagasti vandlætari og siðapostuli landsins. Hann sýndi m.a. siðferði sitt í verki þegar hann var á DV þegar þjóðin gerði uppreisn gegn blaðinu vegna svívirðilegs, beinlínis siðlauss fréttaflutnings, sem varð til þess að menn frömdu sjálfsmorð. Hann var líka nýlega í Sýrlandi hjá vini þeirra mægðina, Assad og svo undarlegt sem það er, hefur hann ekkert viljað segja ljótt um ástandið þar. Þetta er merkilegt í ljósi þess hve móðureyra hans er þunnt þegar hægt er að bera einhverjar ávirðingar upp á Bandaríkjamenn eða Vesturlönd. Hann er að sjálfsögðu gamall liðsmaður Alþýðubandalagsins, flokks stuðnings- og jámanna gúlags og alreæðiskúgunar samhliða lýðræðis- og mannréttindahjali. En siðapostular af hans tagi eru því miður allt, allt of margir í landinu.

[Jón Steinar Ragnarsson, 28.3.2012 kl. 13:38]

Ég er einmitt að lesa þessa bók og er sammála þér um að samlíkingin er absúrd. Það getur enginn gert sér í hugarlund það blinda óréttlæti og hömlulausu grimmd, sem þar er lýst. Það að manneskjan geti komist á þetta stig er meira en ég get náð utanum í mínum takmarkaða haus.

Lýsing fiskvinnslumannsins er móðursýkisleg en ég skynja í gegnum hana vissa undiröldu örvæntingar hér á Íslandi. Blint óréttlæti og kúgun svifur hér líka yfir vötnum. Ákveðin útrýmingastefna, valdhroki og sturlun. Verð meira og meira var við þennan tón í fólki. Ráðleysi, örvænting og alger óvissa um framtíðina. Undrast ekki að skötuhjúin í stjórnarráðinu skuli vera komin með lífvörð 24/7.

Ég legg til að menn sæki sér samlíkingar annað, tillfinningum sínum til fulltyngis. Sovét rússland væri nær. Þangað kom ég nokkrum sinnum og sé óhugnanlegar paralellur hér. Það er ekki langt í að eitthvað bresti hér allavega.

[Vilhjálmur Eyþórsson, 28.3.2012 kl. 14:47]

Og talandi um siðapostula: Mér finnst dálítið fyndið þegar sá landsfrægi  vörður um siðferðið, Þráinn Bertelsson, heimtar að annar heilagur siðapostuli og vandlætari úr Alþýðubandalaginu, Ólafur Ragnar, setji sér siðareglur. Margur heldur mig sig, eða þannig.

[Jón Steinar Ragnarsson, 29.3.2012 kl. 02:28]

Annars eru þeir LÍÚ menn þekktir af því að fara overboard í áróðri sínum.  Í síðustu herferð gegn breytingum á kvótafyrirkomulaginu þá birtu þeir myndir sem sýndu sviðna jörð og líktu þessu við Hiroshima og Nagasaki. Má vera satt þegar snýr að alvaldi einstakra bubba á auðlindinni, en ekki fyrir landið og efnahaginn í heild.

Í upphafi snerist þetta annars ekki um að skattleggja þetta til fjandans eins og nú virðist málið, heldur um breytingar sem sneru að framsali kvóta, eignarhaldi, erfðarétti og slíku, sem í raun hafa aldrei verið lögfest hér. Menn hafa bara farið í kringum þær heimildir sem gerðar voru til þessa af praktískum ástæðum og láta nú sem þeir eigi þetta með húð og hári.

Kjaftæðið um eignarrétt þjóðarinar á þessari auðlind er spuninn einn. Þjóðin hefur alltaf átt þetta.  Sumir hafa bara hjálpað sér meira að gæðunum en aðrir og vilja nú líta á þetta sem eigin eign á grunni hefða. Það er nóta bene bara sannfæring þessara fáu aðila.

[Jón Steinar Ragnarsson, 29.3.2012 kl. 02:34]

Alvaldi þessara fáu er svo viðhaldið á einfaldan hátt. LÍÚ er í bælinu með Hafró sem passar vandlega upp á að framboðið opni ekki á nýliðun í greininni. Ef ekki væri fyrir þessi furðulegu tengsl, þá væri þetta sennilega allt í fínasta lagi.

Hefur þú heyrt LÍÚ fárast yfir lokunum og takmörkunum Hafró á veiðum? Þú sérð sjómenn ærast út í þá stofnun og hata hana eins og pestina, en aldrei LÍÚ. Þannig passa pólitíkusarnir upp á vini sína í útgerðinni, sem hygla þeim á móti með alskonar blandi í poka, sem ekki má nefna.