Silly konur

Fagurkerafélag íslenskra karla krefst þess nú þegar, að birtar verði skrár yfir íslenskar konur með gervibrjóst. Það á ekki að líðast að konur með iðnaðartúttur, allar vellandi í sílikoni, villi á sér heimildir.

Ef konur hafa látið stækka á sér brjóstin með iðnaðarsílikoni, geta þær sjálfar borgað fyrir að láta skipta um bobbingana í börmum sér. Iðnaðarslys í börmum þeirra getur ekki talist vandamál íslensku þjóðarinnar. En ef svo er, þá ber auðvitað að birta lista yfir allar konur á Íslandi sem vilja láta ríkið borga fyrir brjóstaskipti og aðra duttlunga sína og hégóma.

Undanþegnar þessari kröfu fagurkerafélagsins eru að sjálfsögðu konar sem vegna slysa eða sjúkdóma hafa fengið brjóstafyllingar.

Athugasemdir

[Axel Jóhann Hallgrímsson, 31.1.2012 kl. 21:20]

Þarf þá ekki seinna en þegar að birta lista  yfir íslenska gervigyðinga?

[Erla Magna Alexandersdóttir, 31.1.2012 kl. 21:36]

Mikið  ÆGILEGA eru karlar heppnir ! Þeir eru fæddir fullkomnir og þurfa engar    lýtalækningar !!!!

[Vilhjálmur Örn Vilhjálmsson, 31.1.2012 kl. 22:40]

Erla, í fæstum tilvikum geta gervibrjóst kvenna á Íslandi talist lýtalækningar. Í mörgum tilfellum er þetta hégómi og mér skilst að sumar konur fái sér jafnvel fyllingu í brjóstin til að þóknast körlum sínum. Slíkt getur ekki flokkast undir lækningar að mínu mati. Jú, karlar þurfa oft lýtalækningar, en sumir fá sér sér einnig sílikon á rassinn og aðra líkamshluta, og láta teygja á sér typpin, en það eru ekki lækningar, heldur hégómi sem í mörgum tilvikum getur reynst hættulegur heilsu manna.

Axel, þú þarft kannski að leita hjálpar lýtalæknis, en enn sem komið er er ekki hægt að fá góða gerviheila úr sílikoni.