Saltnámur ríkisstjórnarinnar

 

Nú er örugglega einhver samsærisklíkan í rétttrúnaðarkirkju ríkisstjórnarinnar sem heldur að of mikið „iðnaðarsalt" hafi sprengt botnlangann á Velferðarguðbjarti. Um leið og ég óska ráðherranum góðs bata, er best að slá því föstu að Guðbjartur er ekki fórnarlamb iðnaðarsalts, frekar en nokkur annar Íslendingur. En saltið verður samt örugglega fyrsta mál á þingi eftir jólafrí. Ekkert er mikilvægara en að rugla um sama saltið með mismunandi nafni og pakkningum.

Saltæðið, sem gripið hefur um sig á Íslandi, lýsir íslenskri þjóð afar vel. Það er allt of mikið af velsöltuðum vitleysingum á Íslandi. Ég bloggaði um saltmálið í síðustu færslu minni og reyndi að koma þeim sem vilja í skilning um að iðnaðarsaltið svo kallaðaða, sem nú ærir sumt fólk, veldur ofsjónum og hita hjá enn öðrum, er sama saltið og t.d. Jozo salt sem selt er á Íslandi og sem kemur frá sama framleiðanda, Azko Nobel. Borðsaltið er bara betur sigtað, hefur verið geymt inni, til að það komist ekki raki að því, en "Industrisalt" Azko Nobel inniheldur ekki eins mikið joð og danskt borðsalt sem selt er í verslunum á Íslandi.

Matvælaiðnaður á Íslandi er væntanlega iðnaður og iðnaðarsaltið er gott að nota í þeim iðnaði.  

En kannski er matvælaiðnaður á Íslandi ekki iðnaður. Kannski vilja menn nota borðsalt með joði í pækil fyrir hangikjöt og borga 200% meira fyrir saltið.

„Vegasalt" væri annað mál, en mig grunar að vegsalt séu notað í gífurlega miklum mæli í leikskólum. Getur verið hættulegt.

Ég ræddi í morgun við talsmann og sölustjóra hjá Azko Nobel Salt i Mariager i Danmörku, Ole Cleemann, sem gat staðfest það sem ég hafði skrifað í gær. Hann hafði talað við fréttamann Útvarpsins og skýrt út fyrir henni málið. (Útvarpið eða sjónvarparið voru reyndar ekki að birta bréf Cleemanns, en greindu bara frá því meðan grátkórinn heldur áfram). Þetta er allt saman sama saltið eins og ég greindi frá á bloggi mínu í gær. Munurinn er pakkningin. En ég geri mér grein fyrir því að þetta mál á efir að ná langt áður en Íslendingar sjá hvernig leikið hefur verið með þá eins og fífl á fjóshaug.

Bráðlega (sjá neðar) kemur út yfirlýsing frá Azko Nobel Salt, sem ég mun setja hér á bloggið þegar hún kemur.

Munið svo, ekki meira en 6 grömm af salti á dag. Allt salt er óhollt í of miklum mæli. Reynið heldur að finna hið náttúrulega salt í matnum.

Vigga Hauks er að skilja þetta

Athugasemdir

[Ásthildur Cesil Þórðardóttir, 16.1.2012 kl. 20:53]

Gæti allt eins trúað því að hún hefði hitt naglann á oddin.... eða þannig.

[Gunnar Rögnvaldsson, 16.1.2012 kl. 23:08]

Já. Vigdís Hauksdóttir skilur vel hvaðan þessi geislaBaugur er kominn.

Takk fyrir þetta Vilhjálmur.

[Jakob Valsson (IP-tala skráð) 17.1.2012 kl. 00:24]

Sæll Vilhjálmur, ekki þarf ad spyrja ad þvi.  Nu var Landinn kominn af stad med frabaera hysteriu sem hefdi matt gera heilmikid mal ur, en þa þarft þu ad koma med þin godu og vel upplystu rok og eydileggja allt saman.  Hvad skal Landinn nu gera?  þessi umraeda hefdi getad enst langt fram eftir ari, en það verdur þvi midur ekki svo þokk se þer!  Ef þu haettir ekki þessum skrifum þinum fljotlega er eg hraeddur um ad Politiska-Retttrunadarkirkjan muni fljott senda a þig utsendara sina i þeim tilgangi ad þagga nidur i þer fyrir ad trua ekki hverju sem er.  Takk fyrir ad eydaleggja þetta allt saman!  Kvedja fra Vesturheimi.