Össur would like to think, but does he?

 

Mikilmennskubrjálæði, veruleikaflótti eða greindarskerðing er það sem fyrst kemur upp í huga manns, þegar maður hlustar og horfir á Össur Skarphéðinsson í viðtali sem the Stream á Al-Jazeera átti við hann gegnum Skype. Takið eftir því hvernig hann segir að Ísland og Íslendingar hafi stutt Palestínu í 10 ár, hvernig hann heldur því fram, að á Íslandi hafi viðurkenning Palestínuríkis verið í bígerð í tvö ár, þ.e.a.s. að undirbúningur viðurkenningarinnar hafið hafist áður en Abbas sagðast ætla að lýsa yfir stofnun Palestínuríkis.

Sjáið einnig og heyrið hvernig Össur greinir frá því, að Ísland styðji líka Ísraelsríki; Og eins hvernig hann greinir frá því, án þess að það hafi nokkurn viti borinn tilgang í röksemdafærslu hans, að hann hafi ferðast til Palestínu í ár og undirstrikar að hann hafi vísvitandi ekki heimsótt Ísrael í þeirri ferð. Hvernig stendur á því að maður sem segist vilja friðarviðræður stríðandi fylkinga, vill ekki hlusta á rök Ísraels? Það er aðeins til ein skýring á því: Össur er Ísraelshatari og getur ekki hugsað sér að ræða við Gyðinga í ríki þeirra.

Takið eftir því hvernig Össur fer fram úr sjálfum sér þegar hann spilar út norræna kortinu og segir virðinguna fyrir mannréttindum á Norðurlöndunum sé ástæðan til þess að Norðurlandaþjóðirnar styðji Palestínu, því engir séu eins ofsóttir og Palestínumenn. Össur hefur greinilega ekki heyrt um mannréttindabrot Palestínumanna.

Ruglið í manninum setti þó fyrst nýtt heimsmet, þegar hann talaði um "the economical miracle" á Íslandi og var spurður af hverju Ísland vildi í ESB þegar efnahafsástandið þar væri jafnvel verra en á Íslandi.

Deginum áður en þetta makalaus rugl var sent um alla heimsbyggð öfganna, hafði samstarfsaðili Össurar á Gaza, sem hann reyndar heimsótti fyrr í ár, hvatt menn á  fjölmennum fundi til að fylkja liði í arabískum her til að frelsa Jerúsalem og Aksa moskuna. Stóð Hanieh á ræðupalli sem var í laginu eins og skip og eins og myndin sýndir er þessi stýrimaður Össurar þegar á leiðinni til að eyða Ísraelsríki. Össur og Íslendingar eru nú bátsmenn á árásardalli Hamas, hvort sem þeir vilja það eður ei. Össur er búinn að selja Íslendinga á fæti í hryðjuverkastríð Palestínumanna gegn eina lýðræðisríkinu fyrir botni Miðjarðarhafs, og á nú bara eftir að senda okkur nauðug í ESB. 

Já, ég veit ég bý í ESB, og ég er líka búinn að vera atvinnulaus í nærri 4 ár, síðan ég vann sem póstmaður, þótt ég sé með doktorsgráðu, en þær geta komið sér vel við lestur á umslög. 

Athugasemdir

[Helga Kristjánsdóttir, 20.12.2011 kl. 21:05]

Ég þoli ekii þennan mann,þess vegna hlustaði ég ekki á allt kjaftæðið. Hann hefur sýnt hvern mann hefur að geyma.

[Ragnhildur Kolka, 21.12.2011 kl. 10:29]

Ég segi nú eins og Helga hér að ofan að ég legg ekki á mig að hlusta á Össur. Tek þín orð fyrir satt, enda fyrirsjáanlegt allt sem hann segir.

Menn eins og Össur þrá svo heitt að eiga þátt í heimssögulegum atburði að allt annað víkur. Þess vegna er allt sem hann kemur nálægt "stórkostlegt, mikilfenglegt eða gríðarlega þýðingar mikið".

Hann er eins og hani á haug. Ekkert nema galið og fjaðrirnar og fullkomlega án innihalds.

[ThoR-E, 23.12.2011 kl. 11:10]

Úff Össur. Jæja.. no comment.

En segðu mér Vilhjálmur, hvernig myndir þú vilja leysa deiluna fyrir botni miðjarðarhafs?

"To state solution"? Eða ástandið áfram eins og það er? eða ...?

[ThoR-E, 23.12.2011 kl. 11:11]

Two state... átti þetta auðvitað að vera.