Myndalegir múslímar

Nýlega sendi vinur minn mér frétt um kanadískan blaðamann, David Menzies, sem lenti í þeim ósköpum að vera barinn í andlitið af múslímakomu, þar sem hann tók mynd af henni fyrir slysni. Hann var með syni sínum á Time Square i Toronto og var alls ekki að taka mynd af konunni, en það var hins vegar skoðun hennar. Hún gekk á manninn og sagði honum að hann mætti ekki taka mynd af sér, því hún væri múslími. Ekki var hlustað á rök David Menzies um að hann hefði ekki verið að taka mynd af konunni og hópur múslima byrjaði að veitast að manninum og var myndavél hans eyðilögð og hann barinn. Ekkert dugði fyrir Davíð að kæra málið til lögreglu, sem vildi ekki aðhafast neitt vegna þess að "augljóst var að konan vildi bara slá myndavélina úr höndum" Davids, að því er lögreglumaður nokkur tjáði David Menzies. (Sjá t.d. hér). Merkilegt er, að Kanadamenn leyfi mönnum að slá myndavélar úr höndum annarra. Ég vona að þetta hafi ekki hent frændur mína í Vesturheimi.

Vinur minn sendi mér þessa frétt sem hann rakst á, og aðallega vegna þess ég hafði sagt honum frá svipaðri upplifun sem ég varð fyrir með syni mínum í sumar. Betri helmingurinn og dóttir okkar voru í Barcelona svo við drengirnir, sem heima sátum, fórum á Víkingaskipasafni í Roskilde, sem er skemmtilegur staður heim að sækja fyrir fornleifafræðing og 8 ár son hans.

Um eittleitið leitaði á okkur svengd og keypti ég ágætis fæði á veitingarstað safnsins. Ég var nýbúinn að taka mynd af syni mínum að borða ís, að ég munda vélinni í átt að smábátahöfninni. Myndavélin mín stóð á sér við fókusleit, og þegar ég loks næ mynd, gengur fyrir myndefnið fríður hópur múslíma, sem þið sjáið hér að ofan og í betri upplausn með því að klikka á myndina nokkrum sinnum.

Viti menn, einn mannanna vatt sér beint að mér þegar að ég er að setjast niður við borðið og segir við mig. "Sir, did you take a picture of us?" Ég svaraði, "No, you actually walked into my picture" og sýndi honum. Þá segir hann mér að eyða myndinni. Ég sagði, að það gerði ég ekki og bað hann meira ákveðið að ganga þegar frá borðinu okkar. Það gerði hann þegar ég stóð upp. Sá ég svo nokkrum mínútum síðar að hópurinn stóð og mældi mig út og benti á mig, en stuttu síðar gengu þeir svo á braut.

Ekki vissi ég að ljósmyndun væri bönnuð samkvæmt Kóraninum og vissi ekki að samtímamenn Múhammeð hefði átt Canon eða Nikon. Er það réttur múslíma að slá myndavélina úr höndum manna eða skipa fólki að eyða myndum? Hér í den tíð þegar fólk fór til Marokko með Sunnu og Útsýn, var það frekar að maður væri rukkaður fyrir að taka myndir af mönnum.

Ég tek þær myndir sem mér sýnist, og mér finnst myndin sem ég "slysaðist" til að taka, nokkuð merkileg. Hún sýnir áhuga manna á menningarheimi annarra þjóða. Hún er af fólki sem fer á söfn. En hvað olli því að karlarnir urðu vondir þegar þeir héldu að ég hefði nælt af þeim mynd fæ ég kannski aldrei að vita, en mig grunar að hinn hvítklæddi sem setti fingurklút í munn hafi verið mjög guðdómlegur og var fylgilið hans (lærisveinar) mjög á verði í kringum hann.

©  Vilhjálmur Örn Vilhjálmsson

Athugasemdir

[Vilhjálmur Eyþórsson, 11.9.2011 kl. 17:50]

Þetta hyski vilja vinstri menn flytja inn, t.d. Egill Helgason, Illugi Jökulsson, Guðmundur Andri o.fl. Múslimar hata okkur innilega, en vilja þó hafa gott af okkur þangað til þeir verði nógu margir til að taka völdin. Dürrenmatt skrifaði fyrir löngu ágætt leikrit um „fjölmenningarsinnana“, t.d. Samfylkinguna, VG, Egil, Gnarrinn og aðra af þeirra tagi. Það nefnist Biedermann og brennuvargarnir og ætti að vera skyldulesning í grunnskólum.

[Vilhjálmur Örn Vilhjálmsson, 11.9.2011 kl. 18:22]

Dürrenmatt skrifaði ekki leikritið sem þú nefnir, heldur Max Frisch, og það fjallar um blindni okkar fyrir öfgunum, í Frischs tilfelli blindnina fyrir nasismanum. En það á vissulega við um blindni manna í dag fyrir öfgaíslamisma.

Nafni, ég tala ekki um múslíma sem hyski, og langar að vara þig við því að gera það. Múslímar eru mismunandi fólk eins og allir aðrir.

[Vilhjálmur Eyþórsson, 11.9.2011 kl. 18:22]

Dürrenmatt eða Frisch, það skiptir ekki máli, heldur innihaldið. Ég veit vel að hann var að tala um uppgang nasista, en það er einmitt það sem er að gerast með innflutningi þessa fólks. Ég veit vel að það er ljótt að tala um hyski, en hvað á að segja um trúarbrögð þar sem sá sem gengur af islam er réttdræpur og beinlínis skylda góðra múslima að drepa hann. Hatur þeirra á kristnu fólki kemur vel fram þegar þeir drepa dætur sínar telji þeir að þær hafi litið kristinn mann hýru auga. Vissulega eru til tiltölulega öfgalitlir múslimar, en þeir eiga mjög undir högg að sækja. Það voru líka til tilölulega öfgalitlir nasistar, en það breytir engu um stefnuna.

[Vilhjálmur Stefánsson, 11.9.2011 kl. 19:58]

Ég hef unnið niður í henni Aferíku meðal Múslima og þetta fólk er í altöðrumheimi en við og það er djöfulegt til þess að hugsa að þeir heimta að hér verði reist Moska sem þeir gala úr.Manslíf hjá þeim er ekki flugu virði,frekjan er með eindæmum hjá þeim==óþverar..

[Vilhjálmur Örn Vilhjálmsson, 11.9.2011 kl. 22:38]

Sæll nafni Stefánsson, ég skil vel. Palestínumenn dönsuðu t.d. margir af gleði þann 11.9.2001 og ef þú skoðar færslu mína hér á undan þessari, getur þú lesið um múslíma á Íslandi sem hata heiminn nógu mikið til að halda að það hafi verið Bandaríkjamenn og Ísraelsmenn beri ábyrgð á því sem brenglaðir trúbræður hans gerðu.

En maður verður að vona að úrhrakið sé í minnihluta og að öfgaíslam ráði ekki ferðinni og eyðileggi fyrir þeim múslímum sem vilja lifa í sátt og samlyndi við aðra - líka gyðinga og þá aðra sem múslímum er því miður kennt að hata gegnum trúarbrögðin. Því verður að hætta.

[Marinó G. Njálsson, 11.9.2011 kl. 23:33]

Ert þú, Vilhjálmur, illa haldinn af múslimahatri?  Ég veit það bara, ef einhver skrifaði svona um gyðinga, þá myndir þú öskra:  GYÐINGAHATUR!

[Vilhjálmur Örn Vilhjálmsson, 12.9.2011 kl. 06:45]

Marínó, hvar er múslímahatrið?

Ég veit vel að til er lítill hópur gyðinga sem bregst illa við myndatökum. Það er hlægilegt.

En hvar er múslímahatrið? Er það ekki bara í höfðinu á þér? Hefur þú bjargað manni og syni hans frá Íran úr klóm heljarstjórnarinnar í Íran, þannig að málið hefur verið tekið upp Alþingi? Nei, ég hélt ekki. Lestu hve mikill múslímahatari ég er Marínó :http://politiken.dk/indland/ECE122564/forsker-udvisninger-vor-tids-joedesager/

http://politiken.dk/debat/kroniker/ECE122561/rezas-historie/

Eftir skrif mín í Danmörku var málið tekið fyrir í utanríkismálanefnd danska þingsins og utanríkisráðuneytið var fordæmt og hefur síðan haft erfiðara við að senda íranska flóttamenn, múslíma, í dauðann.

Ég er mannvinur og hef óbeit á allri öfgastjórn, einnig þeirri sem er við völd á Íslandi, sem styður hryðjuverkasamtök.

[Vilhjálmur Örn Vilhjálmsson, 12.9.2011 kl. 07:26]

Marínó, maður sem skýrir 9/11 eins og þú gerir á þínu bloggi er ekkert annað en gyðingahatari, og nú veit ég það, að samkvæmt þinni uppskafningsheimsmynd er allt vont gyðingum að kenna.

[DoctorE (IP-tala skráð) 12.9.2011 kl. 10:56]

Gyðingar/Múslímar/Kristnir eru hópar fólks sem eru fórnarlömb ættbálkabóka Abrahams.
Þeir sjá ruglið í hinum ættbálkunum en ekki í sínum eigin.

Þeir þurfa að losa sig við galdrabækurnar, fá sér beikon saman og verða vinir

[Marinó G. Njálsson, 12.9.2011 kl. 11:05]

Vilhjálmur, hvergi í skrifum mínum veitist ég að gyðingum, heldur set ég sökina á alþjóðasamfélagið.  Ég bendi á hlutlausan hátt á þær deilur sem hafa staðið yfir og viðurkenni rétt gyðinga til lands.  Ég bendi á að illa hafi verið staðið að stofnun Ísraelsríkis enda var það gert í fljótfærni til að sefa samvisku Vesturlanda og varpa ég engri sök á gyðinga út af því.  Þú mátt kalla mig hvaða nöfnum sem þú vilt, en að stimpla einhver "gyðingahatrara" vegna þess að viðkomandi hefur skoðun sem ekki fellur að finni er í besta falli hjákátlegt og í versta falli til að hafa áhyggjur af þeim sem gerir slíkt.

[Skeggi Skaftason, 12.9.2011 kl. 11:36]

Myndin hefði nú ekki verið sérstaklega merkileg þó svo múslímarnir hefðu ekki "gengið inn í myndina" í þann mund sem þú smelltir af og tókst óvart myndina af þeim. Furutré skyggir á skipið og rass á feitum Dana þekur vænan hluta af forgrunni myndarinnar. Sumir lesendur gætu haldið að þú hafir alls ekkiætlað að taka mynd af smábátahöfninni, úr þessu ómögulega sjónarhorni, heldur einmitt að múslimarnir hefðu vakið forvitni þína og þú hefðir viljað ná af þeim mynd, eftir myndatöku á syninum.

En við skulum ekki rengja þig, þú varst ábyggilega að taka mynd bara af smábátahöfninni og (feita Dananum í forgrunni) og hafðir alls ekki í hyggju að taka mynd af mönnunum þremur.

[Vilhjálmur Örn Vilhjálmsson, 12.9.2011 kl. 12:04]

Marínó skrifar á bloggi sínu:

"Nú ætla ég ekkert að tjá mig um réttlæti þessarar ákvörðunar og mun ekki taka afstöðu til kröfu gyðinga til þessa lands. Hvorugt skiptir máli varðandi þessa færslu.  Nei, efni hennar er afleiðingarnar af þeim óleystu málum sem komu upp í kjölfar stofnunar Ísraelsríkis".

9-11 kemur stofnun Ísraelsríkis, íbúum þess ríkis eða gyðingum ekkert við. Skrif þín eru ósæmileg og heimssýn þín er brengluð að mínu mati. Í raun er það svo í dag, að fyrir utan fórnarlömb árásarinnar, sem mestmegnis voru Bandaríkjamenn, þá er það gyðingum og Ísraelsríki sem er kennt um 9-11 og það mestmegnis af múslímum og einföldu og sjúku fólki á Vesturlöndum. Það voru reyndar ekki Palestínuarabar sem flugu inn í Twin Towers, en margir þeirra dönsuðu reyndar með öðrum múslímum um heim allan, þegar atburðurinn átti sér stað. Hatur múslíma í garð Vesturlanda væri til þó svo að Ísraelsríki hefði ekki verið stofnað.

Skeggi Skaftason og DoktorE, þið eruð nafnleysingjar og þess vegna ekki hægt að ætlast til að einhver taki mark á ykkur.  Komiði fram undir eigin nafni og sýnið hvaða karl er á bak við ruglið, þá skal ég yrða á ykkur.

[DoctorE (IP-tala skráð) 12.9.2011 kl. 12:10]

Fyndið að þú talir um nafnleysingja... þegar biblían er að mestu skrifuð undir alias, vitnar í fólk sem enginn veit hver er.

Að auki fáum við að kjósa forseta,ríkisstjórn undir nafnleysi...

[Vilhjálmur Örn Vilhjálmsson, 12.9.2011 kl. 12:28]

Við erum ekki að tala um biblíuna DoktorE, og ekki skrifaðir þú hana. Ertu viss um að þú sért kominn á kosningaraldur?

[H.T. Bjarnason (IP-tala skráð) 12.9.2011 kl. 15:35]

Hafið þið virkilega ekkert annað þarfara að gera við tíma ykkar?

[Marinó G. Njálsson, 12.9.2011 kl. 17:15]

Vilhjálmur, eins og ég segi, þá efast ég stórlega um lesskilning þinn.  Ég segi hvergi að 11/9/2001 komi stofnun Ísraelsríkis ekkert við.  Ég tjái mig einfaldlega ekkert um það.  Áttir þú þig ekki á innihald færslu minnar, þá er erfitt að eiga í rökræðum við þig.  Hún er um hættustig í heiminum.  Hún er ekki um 11/9/2001 heldur hvort hættustig í heiminum hafi aukist eða lækkað við hryðjuverkin 11/9/2001.  Hún er um það hvernig hættustigið í heiminum hefur hækkað stöðugt vegna hinna óleystu mála fyrir botni Miðjarðarhafs.  Hún er ekki um Ísrael eða tilvist ríkisins, hún er ekki um gyðinga og alls ekki ísraelska gyðinga.  Hún er hvorki hliðholl gyðingum né andsnúin þeim.  Hún er um aðstæður í ríkjum múslima og á landsvæðum Palestínumanna sem hafa aukið á hættustigið í heiminum.

Það er einstaklega hallærisleg afstaða að segja:  "Fyrst þú styður mig ekki, þá ertu á móti mér."  Því miður fell ég ekki í slíka gryfju.  Ég get tekið afstöðu til hluta og málefna án þess að vera andsnúin heilum kynþætti eða trúarbrögðum fyrir vikið.  Stjórnvöld í Ísrael hafa eins og stjórnvöld í öllum öðrum löndum í heiminum gert mistök, verið með yfirgang og fótum troðið mannréttindi.  Það gerir mig ekki gyðingahatrara að sætta mig ekki við slíka framkomu hjá frekar en að það gerir mig múslimahatrara að sætta mig ekki við slíka framkomu hjá ríkisstjórnum í löndum múslima.  Slík uppnefning lýsir best þeim sem er með slíka sleggjudóma.

[Marinó G. Njálsson, 12.9.2011 kl. 17:17]

Það átti að standa:

Það gerir mig ekki gyðingahatrara að sætta mig ekki við slíka framkomu hjá stjórnvöldum í Ísrael frekar en að það gerir mig múslimahatrara að sætta mig ekki við slíka framkomu hjá ríkisstjórnum í löndum múslima.

[Vilhjálmur Örn Vilhjálmsson, 12.9.2011 kl. 18:18]

Marínó Njálsson, ég leyfi mér að efa að þú skiljir allt sem þú skrifar sjálfur.

Vandi Þjóðanna og hópanna sem búa í kringum Ísrael er ekki orðinn til vegna Ísraelsríkis eða gyðinga. Þessir hópar hafa það innbyggt í trú sinni og hefð, að kenna öðrum um sínar eigin eymd. Gyðingar hafa í árhundruð verið sú þjóð sem múslímum var kennt að hata. Sumir kristnir hafa þetta hatur með í farteskinu og vinstri menn og nasistar eru í sama leik.

Lærðu að hata minna, þá sérðu að söguskoðun þín er algjörlega brengluð. Ef þú ert kristinn maður, þá ættir þú þegar að hafa lært þetta.

[Guðjón Sigþór Jensson, 12.9.2011 kl. 23:06]

Við eigum sem einstaklingar í frjálsu ríki að forðast að aðhafast eitthvað sem aðrir taka illa. Ekkert bannar myndatöku á almannafæri þ. á m. fólki og gildir einu hvort um sé að ræða kristna, gyðinga, múslima, hindúa, búddatrúar eða þess vegna trúleysingja.

Tortryggni gagnvart myndatöku er gamalt. Þannig áttu indjánar erfitt með að skilja þessa áráttu hvíta mannsins að taka myndir af þeim sem þeir ofsóttu. Meðal þessara gömlu mynda eru í dag taldar ómetanlegar heimildir í sögu frumbyggja BNA.

Við skulum endilega reyna að draga úr þeirri spennu sem nú virkar víða sem hatur milli sumra þjóða, t.d. Ísraela og Palestínumanna. Einhver 3ji aðili er oft sá sem hvetur til illdeilna, t.d. vopnasalar. Eigum við að vera í slíkum hóp sem elur á sundrungu og hatri milli annara?

Í sumar sem leið hittust hópar Þjóðverja og Ísraela á gististað nokkrum úti á landi. Við matarborðið spurði einhver hvaðan fókið væri. Sem leiðsögumaður Þjóðverjanna fannst mér mjög merkilegt hversu vel fór á milli þessa mismunandi fólks. Þar ríkti glaðværð, virðing og skilningur en ekki þessi tortryggni sem ella hefði mátt ætla. Báðir ferðahóparnir voru að ferðast um eitt friðsamasta land heims, upplifa óvenjufjölbreytta náttúru og kynnast þjóðinni sem hér býr. Kannski að nú séu komnar fram kynslóðir sem líta öðru vísi á þessi mál sem oft reyndust erfið. Eða á að erfa um aldur og ævi misgjörðir og afglöp fyrri stjórnvalda sem tóku umdeildar ákvarðanir sem ollu hörmungum og dauða milljóna?

Við getum lært margt af sögunni til að létta fyrir okkur lífið. Af hverju að gera það erfiðara en nauðsyn ber?

Kristnin hefur marga góða kosti þ. á m.: umburðarlyndi, fyrirgefningu og virðingu fyrir öðrum. Flest trúarbrögð nálgast sömu eiginleika en oft eftir öðrum leiðum.

Góðar stundir

Mosi

[Marinó G. Njálsson, 13.9.2011 kl. 00:50]

Vilhjálmur, ég er alveg gjörsamlega laus við hatur, þannig að orð þín eiga ekki við mig.  Hvernig þér dettur í hug að segja svona við einstakling sem þú þekkir ekki neitt, er mér gjörsamlega óskiljanlegt, en það er aftur þitt vandamál og lýsa þinni hugsun en ekki mér eða minni hugsun.

Alhæfingar þínar um heilu hópana eru áhugaverðar, en aftur lýsa þær þér en ekki fólkinu sem tilheyrir hópunum.  Þær lýsa þinni hugsun og þinni heimssýn (sem þér er algjörlega frjálst að hafa), en hafa nákvæmlega ekkert með þá að gera sem þú alhæfir um.  Ég er samt alveg handviss um að einhverjir einstaklingar innan hópanna bera þetta hatur, en ekki hópurinn í heild.  Að blanda saman vinstri mönnum (ég reikna með nútímans) og nasistum í sömu setningunni er merkilegt.

[Marinó G. Njálsson, 13.9.2011 kl. 00:58]

Það er nú elsta trixið í bókinni að segja hinn ekki skilja, þegar menn eru ósammála um eitthvað.  Ég hef minn skilning og þú, Vilhjálmur, hefur þinn.  Þín heimsmynd er örugglega önnur en mín.  Segja má að við lifum hvor í sínum sýndarveruleika, þar sem hvorugur er raunveruleikinn af þeirri einföldu ástæðu að við horfum báðir á sama hlutinn, en vegna mismunandi reynslu okkar og þekkingar, þá upplifum við hlutina á misjafnan hátt.  Mér dettur ekki í hug að fullyrða við þig, að þú skiljir ekki eitthvað út frá stuttum samskiptum á bloggfærslu.  Ég hef enga forsendu til þess að segja slíkt.  En þú virðist búa yfir einhverjum yfirnáttúrulegum hæfileikum að geta dæmt skilning fólks eða skilningsleysi á örfáum línum.  Ég vona að þú nýtir þessa hæfileika vel og þér til framdráttar. Ég held að vísu að þeir hafi brugðist þér í þetta sinn.