Post Mortem hjónaband Bobby Fischers

Skákbrúðkaup eru mjög i tísku í Japan.

 

Árið 2008 sagði maður nokkur, að hann hafði verið vitni við brúðkaup Robert J. Fischers og Miyoko Watai í fangelsi í Japan árið 2004. Árið 2005 talaði sami maður, sem lengi kallaði sig umboðsmann Fischers, um Watai sem unnustu (fiancé) Fischers í viðtali við útvarpsstöð í Ástralíu.  Ég hef skrifað um þessa og aðrar mótsagnir í erfðamáli  Fischers og bendi mönnum á að lesa það aftur.

Litla trú hef ég á því að Fischer hafi kvænst Watai og tel að íslenskt dómskerfi hafi látið leika illilega á sig. Ef svo er ekki, tel ég að héraðsdómur Reykjavíkur hljóti að vera lygilega hlutdrægur í máli þessu.  

Hvað sem það er, sem japönsk yfirvöld hafa skrifað upp á, þá er það ekki sönnun þess að Fischer hafi kvænst Watai. En ætli háttvirti héraðsdómur Reykjavíkur hafi haft samband við vitnið sem var viðstatt brúðkaup Fischers og Watai í Japan árið 2004? - þótt hann hafi enn talað um Miyako Watai sem unnustu Fischers árið 2005. Það verða dómsyfirvöld á Íslandi að gera.

Heyrt hef ég í áreiðanlegum fréttum úr heita pottinum uppi á Íslandi, að frú Watai-Fischer hafi reynt að fá Sæma Rokk (Sæmund Pálsson fv. lögreglumann) til að vitna um fyrir rétti að þau hefðu gifst, og að Sæmi hafi hafnað því, þar sem hann vissi ekki til þess að Fischer hefði kvænst kerlu og var heldur ekkert viðstaddur neina athöfn.

Watai langar hér rosalega að rokka með Sæma, en eitthvað virðist Sæmi tregur

Ein grundvallarspurning: Hvaða heilvita fólk týnir giftingavottorðum sínum, nema að hjónabandinu hafi verið slitið? Jú, Bobby var ekki eins og fólk er flest, og mig grunar að frú Watai sé dálítið sér á báti. Í Japan eru slík vottorð gefin út, enda Japanar þekktir fyrir skriffinnsku í tíriti. Hvað hefur orðið um upphaflegu vottorðin? Blessuð "hjónin" hafa kannski notað bakhliðina til að hripa niður nokkra góða leiki úr hjónabandinu?

Ný skjöl réðu úrslitum

Athugasemdir

[Ragnhildur Kolka, 4.3.2011 kl. 09:58]

Góðir leikir Bobby Fischers hafa hingað til þótt vera umtalsins verðir og því synd ef þessir lenda í glatkistu sögunnar.

Annars finnst mér Miyoko fyllilega hafa unnið sér inn rétt á reytum Fischers, þó ekki sé fyrir annað en að vera gólftuska hans þessi síðustu ár. Sá oft til þeirra; hann skálmandi á undan, hún trítlandi á eftir. Minnist þess ekki að hafa séð þau tala saman.  

[Vilhjálmur Örn Vilhjálmsson, 5.3.2011 kl. 09:39]

Ragnhildur, thad hef ég ekki séd. Hún var sem sagt engin Yoko Ono ef dæma skal út frá thínum vedurathugunum? Talleysid má kannski skyra med hugskák theirra hjóna. En líklega hefur Watai verid typa Fischers. Agljör andstæda módur hans, sem hélt fyrir honum vöku á barnsaldri, thegar hún hélt sellufundi ad næturlagi, thar sem allir reyktu og hrópudu um byltingu í sama herbergi og drengurinn "svaf" í. Ekki skítid ad hann yrdi snillingur.

Kannski hefur héradsdómur hugsad eins og thú??

[Ragnhildur Kolka, 6.3.2011 kl. 17:27]

Vilhjálmur, ég ætla rétt að vona að dómarar dæmi eftir lögunum, en ekki eftir því sem þeir sjá út um eldhúsgluggann sinn.