Dúkkuleikur

 

Vigdís fyrrverandi forseti hunsaði Sigrúnu Pálínu í partíi í Kaupmannahöfn og er Sigrúnu Pálínu það  alls ekki að skapi. Reyndar voru það vonbrigði, já, mikið áfall, ef nota skal orð hennar sjálfrar.

Ég veit orðið ekki hvað ég á að halda, eða hverju trúa skal, en ég get ekki fengið mig til að trúa því að hún Vigdís okkar hafi verið með hund við konu sem hefur orðið hefur fyrir kynferðislegu aðkasti frá manni, sem sem síðar varð biskup Íslands og sem nú er beltissylgja andskotans í Southpark. Hvar stendur það í samræmi við kvennabaráttu forsetans fyrrverandi. En kannski fáum við afsökunarbeiðni frá Vigdísi á morgun, þar sem hún harmar hunsið í sér. En ég tel Vigdísi hafa góða dómgreind.

Ég er að selja Barbídúkkur hér í hallærinu, og tek á móti pöntunum. Hún Barbí blessunin, hefur nú lengstum verið talin frekar lélega kvenímynd, heimsk ljóska með furðulega líkamsbyggingu. Ekki líkleg til að verða forseti. Ég hef þess vegna reynt að færa Barbí í siðlegra mót. Ég kalla hana heilaga Barböru. Ég á hana til sem prest, predikara, nunnu, biskup, fornleifafræðing og lesbíu.  Með fylgir kaleikur, oblátur, messuvín, tic-tac töflur, grafskeið, hæðamælingartæki og ýmislegt annað. Ég sé fram á að þessar dúkkur verði mjög vinsælar meðal femínista og dætra þeirra. Þær sýna okkur framtíð kirkjunnar á Íslandi.

Til að koma í veg fyrir algert kvenveldi í nýju Barbí-línunni, er ég einnig að velta mér fyrir mér, að setja Ken á markað undir nafninu síra Lárentíus. Fyrirmyndin er sóknarprestur í Hafnarfirði, sem er miklu skilningsríkari en Vigdís þegar að konum kemur. Ég mun blanda honum saman við Yves heitinn Saint Laurent með smá Carlos Ferrer sem krydd. Síra Lárentíus er skilningsmikill maður, sem hlustar gjörla á það sem menn segja, hunsar engan og tollir í tískunni. Hans fylgihlutir verða biblía, riffill, þota, rakspíri, rúgskinnsskór og umsókn til biskupsembættisins, sem glóir í myrkri. Það góða við þetta val er að Barbí getur notað hluti Lárentíusar og Lárentíus getur gengið í fötum prestmaddömunnar. Heilög Barbara verður því ekki eins mittismjó og hin syndsamlega, barmastóra Barbí.

Síra Lárentíus?

Síra Lárentíus?

Ég var reyndar að hugsa um að búa til Samfylkingar- og VG Barböru, en hætti skiljanlega fljótlega við það, en ég er að hugsa um að búa til Jón Bjarnason sem vúdúdúkku fyrir meðlimi ríkistjórnarinnar og Jón Baldvin Hannibalsson. Þau eru öll á nálum hvort sem er.

Hafið samband ef þið viljið eignast Heilaga Barböru, Síra Lárentíus Guðríðarson eða Jón Bjarnason. Ég á þau líka í limited edition. Hafið bara samband á [e-mail]

Athugasemdir

[Dingli, 31.8.2010 kl. 21:23]

GÓÐUR!

[Kristján Sveinsson (IP-tala skráð) 31.8.2010 kl. 21:30]

Himinhrópandi snilld! Renni mér bæði á sírann og sýruna þegar ég kem yfirum til þín bráðum.

[Sveinn (IP-tala skráð) 31.8.2010 kl. 22:21]

Er hægt að fá lesbíu Barbí í albínóa version eða þarf maður að lita hárið sjálfur. Jón Bjarna er eðli málsins samkvæmt bara til í einni týpu en kannski ættirðu að hugleiða að blanda honum líka saman við einhver t.d. Bruce Willis eða Beria gamla KGB - hvað um það gott væri að fá svar við þessum brennandi spurningum,

kveðjur Sveinn Úlfarsson

[Ragnhildur Kolka, 31.8.2010 kl. 22:23]

Sannkallaður gleðigjafi ertu, Vilhjálmur. En sértu á leið til landsins tel ég öruggast fyrir þig að skipta um nafn í vegabréfinu. Hér eru menn tjargaðir fyrir minna þessa dagana.

[Jón Steinar Ragnarsson, 1.9.2010 kl. 01:53]

Þessi á síðustu myndinni hlýtur að vera bróðir Marteins Mosdal.

Gott að þú skulir taka við af lærisveini mínum Jóni Gnarr að barbívæða kristindóminn.  Það fer honum vel eins og flestum öðrum þykistuleikjum.

Barbí og Ken eru eins vaxin niður. Hvorkinékyn. Það væri mikil blessun ef hægt væri að heimfæra það upp á kirkjunnar þjóna.

[Hólímólí (IP-tala skráð) 1.9.2010 kl. 01:56]

Er einhver magnafsláttur gefinn?

[Vilhjálmur Örn Vilhjálmsson, 1.9.2010 kl. 04:32]

Hólímólí, ég hef vart tíma til að svara þér, pantanirnar koma inn í beinum takti við fjölda þeirra sem segja sig úr þjóðkirkjunni. Börnin sem ég er með í vinnu í Hunnan héraði í Kína hafa varla undan við að pakka og binda dúkkurnar í pakkana með smá vírum. Börnin í Shjálung eru með eitrun. Eitthvað í plastinu. Ég hef hef samband í næstu viku, þegar lagertalning er möguleg.

Jón Steinar, ég hef nú aldrei skoðað Barbí eða Ken undir mitti, eða tekið á þeim þar. Á maður að gera það? Ætla mér ekki að lenda í neinum vondum málum, skilurðu. Tek orð þín trúanleg, og ef þau eru rétt, er þetta auðvitað gjöf af himnum ofan fyrir kirkjuna. Nú hanna ég Karl, sem segir afsakið þegar maður hallar honum og Vigdísi með hund, sem við köllum Snata. Það er svo þjóðlegt.

Ragnhildur, ég er hræddur um að ég hafi ekki skrifað þessa færslu, ég mun hafa samband við umsjónamann bloggsins til að komast úr skugga um hver hefur gert mére þennan ljóta hrekk. Ég er þegar kominn með annað nafn í vegabréfinu mínu. Hvers konar nafn er Vilhjálmur Örn Vilhjálmsson eiginlega? Kveðja Höskuldur Harrý.

Sveinn Úlfarsson, auðvitað "gerum" við lesbíurnar líka í albínó og snoðaðar. Hægt er að nota Supermann-dúkkubúninga fyrir þær gerðir og flugfreyjubúninga af Bratz-dúkkum.

Kristján Sveinsson, bara eina af hverri? Kommon..

Dingli, ætlar þú að panta eða ekki?

Ég hafði nú, í einfeldi minni,  búist við því að Þjóðkirkjan keypti eins og tvö dúsín fyrir minjagripaverslunina á Laugaveginum. Því nú þarf góðar viðskiptahugmyndir. Þjóðkirkju-Barbara og Síra Lárentíus, flekklaus!!

[Dingli, 1.9.2010 kl. 05:24]

Jaaa JÚ jú...Eignlega sko. Barso eritt að velja, allar æðislega sætar.  Þarf svo líka að hugsa um hverri krakkarnir gætu hrifist mest af. -   Getur vel verið að ég haldi Ólafsvöku fljótlega.

[Hólmgeir Guðmundsson, 1.9.2010 kl. 20:36]

"Hvílík snilld og hvílík unun! Og mikið má manni renna til rifja."