Betlað á Strikinu

Næstum því þannig túlkar Politiken heimsókn Steingríms í Kaupmannahöfn í gær, í fréttaflutningi sem er mun betri en margra fjölmiðla á Íslandi, sérstaklega betri en fréttir áróðurvefs ríkisstjórnarinnar, Eyjunnar, og RÚV. Vefsíða Politikens birtir flennistóra mynd af betlaranum í hornsófa, sem á smekkleysunni lítur út fyrir að vera í einhverju horni á Íslandi.

Betl virðist vera orðið aðalstarf Steingríms og man ég ekki betur en að ég hafi skrifað blogg um betlistaf Steingríms áður, sem ekki gaf mikið í aðra hönd. 

Auðvitað er Claus Hjort Frederiksen jafn illa upplýstur og venjulega, enda er þetta maður að sömu skúffu og íslenska ríkisstjórnin. Hann er þó ekki sauðakrati eða nákommi, en hann er alltaf tilbúinn að trampa á lítilmagnanum og fólki í vanda eins og stjórnin á Íslandi.

Í gær var úthlutað hinum virtu Cavling-verðlaunum til blaðamanns í Danmörku. Þau komu í hlut ungs blaðamanns hjá danska Ríkisútvarpinu, Jesper Tynell, sem gróf ofan af glæpsamlegu athæfi Hjort Frederiksens i starfi. Hjort Frederiksen segir við Politiken í gær, fullur iðrunar en fokvondur út í blaðamanninn, að það sé kraftaverk að hann siti ekki inni vegna þess máls sem blaðamaðurinn svipti hulunni.  Nei, það er skandall að lagabrjóturinn og fautinn Claus Hjort Frederikssen sitji ekki inni. Það sýnir óeðli og sora stjórnmálanna í dag að svo er ekki. Lýðræðið er á undanhaldi og sérstaklega í löndum ESB. Það er ekki nema von að stjórnarliðar á Íslandi vilji ólmir inn í þann djöflasöfnuð.

Glæpamaður í ríkisstjórn: Claus Hjort Frederikssen

Öllu þessu greinir RÚV auðvitað ekki frá, þegar þeir segja frá sneypuför Steingríms. Þeir segja aðeins frá merki ráðherra í Danmörku, sem er að básúna sig um lán við nærri glæpsamlega gleyminn ráðherra á Íslandi sem er farinn að rugla óhóflega mikið. Hann segir þjóðinni eitt og stjórmálamönnum erlendis annað.  

Það er óneitanlega skrítið að sjá Dana heimta að sérhver Íslendingur eigi að borga fimm sinnum meira í "skaðabætur" en hver Þjóðverki eftir Fyrri heimsstyrjöld, sérstaklega þegar þar er haft í huga að Danir slepptu Þjóðverjum óþarflega snemma úr skaðabótaskyldunni eftir Síðari heimsstyrjöld. En Danir græddu nú líka dável á skítugri samvinnu sinni við Þýskaland nasismans í því stríði. Sami hugsunarháttur og fyrir 70 árum er enn ríkjandi hér í Danmörku. Undirlægjuháttur. En þegar maður sparkar í lítilmagnann í Danmörku, sama hvort það er heima eða að heiman, þá sparkar maður rækilega!

Athugasemdir

[Þórdís Bára Hannesdóttir, 9.1.2010 kl. 10:38]

Neyðarlegt fyrir Steingrím og okkur öll og allt í boði forseta vors.

[Vilhjálmur Örn Vilhjálmsson, 9.1.2010 kl. 10:47]

Nei, þetta misskilur þú Þórdís. Þetta er einvörðungu neyðarlegt fyrir Steingrím og ríkisstjórnina, sem vilja virða óskir þjóðarinnar að vettugi. Forsetinn gerði aðeins það eina rétta.

[Vilhjálmur Örn Vilhjálmsson, 9.1.2010 kl. 10:49]

Vona ég svo að þú að þú sýnir lýðræðislegan skilning og birtir athugasemdina sem ég gerði við blogg þitt rétt áður en þú gerðir þína athugasemd.

[Þórdís Bára Hannesdóttir, 9.1.2010 kl. 10:56]

Ég er fegin að Steingrímur hefur vit fyrir þjóðinni og reynir að halda lánalínunum opnum.

[Þráinn Kristinsson (IP-tala skráð) 9.1.2010 kl. 10:58]

Er ekki einhver allegoría hér sem vert er að skoða?

Þjóðverjar hernámu Danmörku með friðsamlegum aðgerðum. Á hernámsárunum unnu dönsk fyrirtæki fyrir þýsku stríðsvélina, danskir embættismenn og stjórnmálamenn höguðu sér eins og hlýðnir hundar gagnavart hernámsvaldinu, allt með "þegjandi" samþykki fólksins sem lét örfáa andspyrnumenn um baráttuna gegn hernáminu.

En eftir stríð var skálduð upp saga um þjóð sem stóð saman gegn hernámsvaldinu og stjórnmálamenn og gráðugir fyrirtækjaeigendur látnir sitja uppi með skömmina fyrri samarbejdspolitikken.

[Vilhjálmur Örn Vilhjálmsson, 9.1.2010 kl. 11:08]

Þráinn, innrás er ekki og verður aldrei friðsamleg aðgerð, en annars er allt hitt rétt og ekkert í mótsögn við það sem ég skrifaði og hef ritað um í heilli bók. Sú hegðun sem þú lýsir svo vel einkennir ríkisstjórnina á Íslandi nú.  Hvað orðspor hennar verður eftir að hún fellur veit enginn, en ég býst ekki við að það verði glæsilegt. Stjórn sem hjálpar milljónaþjóðum til að koma skuld á herða Íslendinga sem þeir eiga enga sök á, fær vart góða dóma hjá afkomendum okkar.

[Vilhjálmur Örn Vilhjálmsson, 9.1.2010 kl. 11:15]

"Að halda lánalínum opnum". Hvað þýðir það, Þórdís? Ef Danir greiða okkur lán, þá getum við borgað 10% af Icesave skuldinni. Uffe Ellemann Jensen hefur hagfræðiprófessor við HÍ fyrir því að þegar "búið sé að rukka allt fyrir bankana "okkar" erlendis", þá verði hægt að greiða 90% af Icesave-fjárkúguninni. Ef Uffe hefur rétt fyrir sér, sem hann hefur auðvitað ekki, þá gætu Íslendingar greitt það sem eftir er, aðeins fyrir það sem Danir vilja lána okkur.

Flestir Íslendingar telja hins vegar ekki ástæðu til að greiða fjárkúgun Breta og Hollendinga. Ef svo verður leita þeir réttar síns, sem er nú orðinn frekar bágborinn, og við þurfum ekki einn eyri frá "frændum" okkar Dönum. Þeir þurfa líklega meira á peningunum að halda til að senda ungmenni sem fallbyssufóður til Afghanistan.

[Jón Steinar Ragnarsson, 9.1.2010 kl. 11:51]

Þórdís er varla með fullum fimm. Ég kíkti á bloggið hennar og það er engu líkara en að hún sé í einhverjum sértrúarsöfnuði. Á einum stað fagnar hún hástöfum yfir því að 70% hafi lýst sig andvíga samningnum og telur það sigur fyrir þá sem vilja samþykkja hann.  Það sé nefnilega "þögull meirihluti" sem sé sammála henni.

Hún telur líka að 15 mánaða samningaþóf hafi verið út í loftið af því að Geir Haarde hafi verið búinn að semja um þetta og skuldbinda þjóðina. Ég veit varla hvort maður eigi að hlægja eða gráta við lesturinn. Ég h ef sjaldan séð nokkuð jafn galið.

Hér telur hún það hafa eitthvað með snilli Steingríms að gera að afstaða norðurlandanna er jákvæð í okkar garð. Hún má vita að ef norðurlöndin væru sannfærð um ábyrgð okkar og skuldbindingar í þessu máli, þá myndu þau ekki virða okkur viðlits. 

Hún er félagsráðgjafi. Aumingja þeir, sem þurfa að njóta ráðgjafar slíkrar manneskju. Þetta er hreint ótrúlegt.

[Jón Steinar Ragnarsson, 9.1.2010 kl. 11:54]

Það er svo augljóst að hún las ekki bloggið áður en hún kommenteraði. Það virðist hún hvergi gera, heldur hendir inn svipuðum sneiðum eins og hráviði um bloggið og gerir sig sjálfa um leið að fífli.

[Vilhjálmur Örn Vilhjálmsson, 9.1.2010 kl. 12:56]

Jón Steinar, ertu að segja að Þórdís sé klappstýra Steingríms og Co? En það er rétt hjá þér að mikið er um möntrur hjá henni, og það virðist orðið það eina sem stuðningsmenn Icesave-ánauðar geta látið frá sér fara.

[Ásthildur Cesil Þórðardóttir, 9.1.2010 kl. 13:39]

Já Samfylkingarfólk vill greinilega láta hugsa pólitíkina fyrir sig, græða á daginn og grilla á kvöldin eins og fleiri trúarsöfnuðir.

[Rauða Ljónið, 9.1.2010 kl. 13:41]

 ,,Danir segjast vera reiðubúnir að lána Íslendingum meira fé að því gefnu að þeir standi við skuldbindingar sínar gagnvart Hollendingum og Bretum vegna Iceasave reikninganna."
Ég spyr hvað er hér á ferðinni Claus Hjort Frederiksen, fjármálaráðherra er þá búin að ræða við Steingrím eitthvað loforð er á milli þeirra sem komið er í höfn hvaða loforð?.

Claus Hjort Frederiksen ,, segist hafa fulla trú á því að Íslendingar muni standa við skuldbindingar sínar. En verði lögin felld úr gildi megi ekki skilja það öðruvísi en svo að forsendurnar hafi breyst."

Og hér hnykkir hann aftur að þessu loforði eða er einhver samningur komin í höfn ?

Síða setum maður varla svona virðulega mynd af Steingrími í þessu tilefni maðurinn breiðir úr sér eins og hann sé búinn að semja um þetta betl.

Kv. Sigurjón

[Guðrún (IP-tala skráð) 9.1.2010 kl. 18:34]

Takk fyrir póstinn þinn Vilhjálmur Örn, vonandi stöndum við af okkur þessar óheilla krákur samanber þessa Þórdísi og flesta í ríkisstjórninni, sem vinna á móti þjóð sinni. Þjóðin verður að standa saman sem einn maður þá verður okkur ekkert að vanbúnaði.

[Jon (IP-tala skráð) 9.1.2010 kl. 20:12]

Sæll.

Ég rakst nýlega inn á bloggið þitt og líkar stórvel það sem ég les eftir þig, gaman að lesa blogg eftir menn eins og þig sem eru vel að sér.

Menn almennt séð blaðra sífellt um lán og lánalínur. Hvers vegna dettur engum í hug um að efast um alla þessa lánsfjárþörf okkar? Er ekki einmitt lærdómur undanfarinna ára sá að lán þarf að borga til baka? Veit enginn að það kostar að fá lánað og að skulda? Erum við ekki að borga um 4-5 milljónir króna á dag bara fyrir fyrsta IMF lánið sem situr bara á reikningi seðlabanka USA í NY. Robert Aliber benti á það fyrir nokkru síðan að það myndi ekkert slæmt gerast þó við afþökkuðum lán IMF. Bara vaxtakostnaðurinn af þessu fyrsta láni er í kringum 1500 milljónir á ári. Það er nálægt því sem skorið var af LSH. Svo ætlar samspillingin að henda öðrum 2 milljörðum í aðildarviðræður við ESB sem eyðir meiru í auglýsingar en Coca Cola.

Svo er annað varðandi Icesave sem Steingrímur telur mikilvægt að koma á okkur. Rökin fyrir því að veita ríkisábyrgð (af hálfu ríkisstjórnarinnar) eru m.a. þau að þá getum við hafið endurreisnarstarfið. Að segja það nauðsyn að drekkja okkur í skuldum til að hefja endurreisnarstarf er í besta falli sjálfsblekkingar og í versta falli lygi. Það veit enginn hver heildarreikningurinn vegna Icesave verður. Skrifar einhver heilvita einstaklingur upp á óutfylltan tékka eða víxil?

[Theódór Norðkvist, 9.1.2010 kl. 21:48]

Tilraun.

[Theódór Norðkvist, 9.1.2010 kl. 21:50]

Látum ekki Dani fjárkúga okkur.

[Gunnar Skúli Ármannsson, 9.1.2010 kl. 22:43]

Góð og athyglisverð færsla hjá þér Vilhjálmiur.

[Ragnhildur Kolka, 10.1.2010 kl. 10:03]

Danskur húmor stendur alltaf fyrir sínu. Hann er þó óvenju napur húmorinn hjá þessum blaðamanni Politiken þegar betliferð Steingrím Joð  er lýst sem "nordisk charmeoffeansiv".

Það er þó nokk meiri heimsbragur á þessu orðalagi en karlrembutöktum Steingríms: "bretta upp ermar, moka flórinn, stinga út úr fjárhúsunum". En honum er vorkunn. Hann þarf einhvern veginn að breiða yfir þá staðreynd að hann getur bara tekist á við eitt verkefni í einu.

Mesta furða hvað femínistunum í flokki hans tekst að líta fram hjá þessu "stórkarla" orðalagi.