Samsærisheilar Íslands í fjórða gír

Sjúklegir samsærisheilar keppast nú við að sjá samsæriskenningar í milljónum lekinna skjala Mossack Fonseca, sem Morgunblað Suður-Þýskalands, Süddeutsche Zeitung bárust á alveg "svaaaakaleeeega gruuuuunsamlegan hátt"  buuuuhuhuhuhuhu!!!

Bandaríkin, Rússar og gyðingar standa vitaskuld á bakvið fall SDG, ef trúa skal íslenskum samsærishausunum. Hávær krafa innan Framsóknarmanna um formannskjör er örugglega líka runnið undan rifjum útlendinga. Áhuginn á íslenskum forsætisráðherra, sem aldrei hefur gert neitt af gagni, nema að stinga upp á endurgerð Selfoss í miðaldastíl, er vitaskuld óhemjulegur út í heimi, og var það jafnt fyrir sem eftir endanlegt fall hans í íslenskum stjórnmálum. "Það hlýtur að vera einhver á bak við þetta" baula beljurnar í Suðursveit.

Egill Helgason veðjar á Mossad

Stóra-vitleysa, Egill Helgason, velti fyrir sér samsæriskenningum í gær enda hefur hann þegar sjálfur viðrað samsæriskenningu. Hann heldur að Mossad standi á bak við allt.

Þegar Egill skrifaði um daginn um fyrirtækið í Panama, kallaði hann það Mossad Fonsecka. Eftir gagnrýni og orð í eyra frá stjórnarmönnum á fjölmiðli þeim sem hann vinnur hjá, sem eru vitaskuld allir undir hæl CIA (og Mossad), þurfti karlfauskurinn að breyta þessu hið snarasta sama daginn. Ekki tókst þó betur til en svo að hann skrifaði enn nafn lekafyrirtækisins í Panama rangt: Mossach Fonsecka. Sérfræðingar út í löndum sem plana og plotta til að fella glæsilega íslenska stjórnmálasnillinga eins og Sigmund Davíð Gunnlaugsson, útiloka þó ekki að Egill Helgason sé bara svo vitlaus og lesblindur, að hann geti ekki skrifað tvö orð á útlensku án þess að gera í þeim þrjár villur.

Best að útiloka ekkert. Aldrei er að vita hver stendur á bak við þetta blogg, sem þú lest nú, ef þú ert yfirleitt að gera það af frjálsum vilja. Ég er orðinn ansi hræddur um að það getir verið einhver annar en ég sjálfur. 

.

Mikið áfall

Það hlýtur að vera mikið áfall fyrir erkibiskupinn af Kantaraborg að uppgötva að faðir hans var enginn andans maður, heldur sonur ótínds einkaritara og róna sem vandist flöskunni hjá Winston Churchill. Einkaritari Churchills var svo heltekinn fíkill að hann sængaði hjá konum wiskísala kl. 11, til að hafa ráð á smá gini eftir hádegi. Er nema von að erkibiskupinn sé svekktur yfir niðurstöðunum úr raðgreiningunni?

Oft hafa farið ýmsar sögur af faðerni vinnuveitanda biskupsins. Móðir hans bar því við að Drottinn hefði komið yfir sig. DNA var ekki orðinn Guð á hans tímum, og svo minnst sé á Guð og ættir Jesús, gæti orðið harla erfitt að greina erfðaefnið úr því sæði sem orð hans eru. Hræddur er ég um að ekki séu miklar prósentulíkur á því að meistarinn sé sonur Drottins og eins víst er að orðið gæti verið hrein lygi, þó það sé hjá Guði. Hugsanlega gæti ein af 10.000 jarteiknatáa úr syninum i raun verið úr dóttur einhvers  páfans eða erfðaefnið bent til þess að Jesús hafi verið samkynhneigður.

Ég hef til fjölda ára reynt að fullvissa Jón Val Jensson um að gagnkynhneigðir gyðingar um þrítugt dvelji ekki saman með öðrum mönnum í klúbbi þar sem talað er signt og heilagt um silfur og svik.

Ég er þó nokkuð viss um að það hafi verið Guðs vilji að erkibiskupinn hafi komist að hinu rétta. Vegir Guðs og DNA eru órannsakanlegir. Eða eins virtur rabbíni á Bretlandseyjum segir um viðbrögð erkibiskupsins: “It is a good example of how to deal with unexpected or difficult news - being open and frank - while it also recognises the reality that family life can often be wonderful and enriching, but is equally capable of being messy and complex. (sjá hér)

Myndin efst var tekin í Vatíkaninu þegar Justin Montague Browne erkibiskup sýndi nýlega Páfa hve einfalt það er að sækja um erfðagreiningu hjá Íslenskri Erfðagreiningu - til að taka af allan vafa. Páfi er greinilega ekki uppveðraður. Hann hefur greinilega heyrt um guðspjallamanninn Kára Stefánsson.

Faðir erkibiskupsins ritari Churchill

Siegesmund Mossack Gunnlaug Alles von Sekur

Frenólogía heita fjarstæðukennd fræði sem ganga út á að tengja útlit manna eðlisfari þeirra og jafnvel heiðarleika, eða vöntun á því síðarnefnda. Langt fram á 20. öld töldu áhangendur þessara gervivísinda að hægt væri að finna glæpamenn út frá andlitsfallinu og jafnvel nefinu. Ég er hræddur um að útlit stærstu glæpamanna sögunnar hafi afsannað þetta rugl.

Um daginn tel ég víst að BBC hafi ruglað saman fráfarandi forsætisráðherra og alsaklausum fréttamanni útvarpsins, Gunnari Hrafni Jónssyni. Þarna var dulin frenólógía á ferðinni, en þar sem Gunnar Hrafn, þessi öðlingur, er engum líkum nema einstaka drykkfelldum teiknimyndafígúrum, er þetta tómt rugl, enda fór BBC mannavillt og ruglaði saman Gunnari og milljónum Panama pappíra.

Hins vegar fá fylgismenn frenólogíunnar byr undir báða vængi þegar í ljós kemur að grútspilltur forsætisráðherrann fyrrverandi á Íslandi er steyptur í svipað mót og fjárhirðir hans í Panama, Jurgen Mossack. Sá er ekki af suðrænum ættum frekar en Sigmundur. Gæti Mossack verið fjósamaður úr hvaða afdal á Íslandi sem vera skyldi. Líkt og Sigmundur á vafasaman föður sem seldi sjálfum sér ríkiseignir fyrir slikk, þá á Jurgen blessaður einnig fína að, því faðir hans var í SS Totenkopf, sem var á sínum tíma álíka heimsbölvun og ISIS og Taliban eru okkur í dag. Jurgen getur þó vitaskuld ekkert gert að því að faðir hans var nasisti, frekar en að faðir Jurgens, SS-maðurinn gat gert að því að sonur hans yrði aðalhjálparhella stórþjófa heimsins á okkar tímum.

Frenólógían er vitaskuld rugl, eins og myndin af Gunnari Hrafni sýnir okkur best. En enn meiri vitleysa er þegar maður sér fólk sem tók Sigmund Davíð Gunnlaugsson í dýrðlingatölu, því hann hafði sig frammi í InDefence hópnum. Þessir tilbeiðendur forsætisráðherrans fyrrverandi geta fyrir enga muni skilið að Sigmundur Davíð var loddari sem hafnaði ESB og evru, boðaði tilbeiðslu á krónunni, sem allt er gott og ágætt  -  en fór svo sjálfur með peninga sína og kerlu sinnar og faldi þá úti í heimi á góðum dollarareikningum og evruvildarbréfum.  Gaman væri að athuga hvort frenólógían passar á einfeldninga þá sem ærast á síðustu dögum vegna himnafalls dýrlingsins SDG, og trúa því einlægt að hann muni rísa upp frá dauðum eftir kosningar í haust.

Einn fremstur tilbeiðenda SDG er ofsatrúarmaðurinn Jón Valur Jensson, sem fór hamförum um daginn, gegn mér með fúkyrðum og staðlausum aðdróttunum fyrir að hafa skoðanir á SDG (sjá hér). Í þetta sinn var það ekki fyrir að ég var fyrsti Íslendingurinn sem á undan múslímum stakk upp á því að íslenskir múslímar reistu sér mosku sem fyrst.

Skoðum andlitið á Jóni Vali Jenssyni (sjá neðar) einum helsta sérfræðingi þjóðarinnar í "kynvillu", munnmökum og annarri "afbrigðilegri" hegðan. Þekkið þið aðra einfeldninga með öfgakenndar trúarskoðanir, sem eru líkir Jóni, sem umbreytast allir í framan eins og Kamelljón þegar pattaralegir englar sem hafa logið alla fulla falla af himnum? Ljótleiki þarf ekki að lýsa manninum undi skinninu, því oftast ef flagð undir fögru skinni, eins og við hin forljótu vitum öll. Hvað fær þennan fríðleiks og andans mann, Jón Val, sem tilbúinn er með skoðun og fordæmingu á öllu "afbrigðilegu", til að vera svo vondan og sakna manns sem hefur logið að honum?

Það er víst kölluð einföld trú. Frenólógían á víst engin svör við henni, nema að helgislepja og tvískinnungur lýsi sér á einhvern sameiginlegan hátt hjá líkamlega líku fólki.

More Disco Time = Muchos Dineros

Í tilkynningu forsætisráðuneytisins (Prime Disco) um daginn, sem stíluð var á hinn stóra heim, þar sem forsætisráðherra Íslands var settur á stall með stærstu þjófum og bófum veraldar, var sagt að platnaslagarinn Sigmundur færi í frí "for an unspecified amount of time".

Disco Brothers (DB, Dos Bananas) halda áfram. Showið er ekki búið. Þeir ætla að dansa og diska alveg fram á haust. Snúðarnir BB og Blaka og Cow Doggy Doctor eru þó greinilega komnir á síðasta snúning.

Fyrrverandi forsætissnúðurinn (og blessuð sé ekki minning hans), eða illa gefnir skósveinar hans eru greinilega ekki ritfærir á ensku í textasmíð sinni í rappinu. Og það þrátt fyrir sumarnámskeiðin í Cambridge. Vart hækkar sól Simma Sly Dinero á alþjóðavettvangi þegar alheimur les að tíminn á Íslandi sé veginn eins og dilkar eða kókaín, eða talinn eins þeir dollarar sem Simmy Sly felur með öðrum þjófum og bófum veraldar sem þénað hafa á Toyotum á ofurverði, konum sínum eða vopnasölu til hryðjuverkamanna.

Ég er viss um að ef Framsóknarmenn eru á annað borð talandi eða ritfærir á ensku, hefur það ávallt verið Pidgin-enska eins og hún er töluð á Tortólu og álíka eyjum, þó lítið sé þar skjalfest nema lygi. Svo álíta þeir tíma annarra vera peninga (amount of time), sem þeir stela og senda til Jómfrúaeyja, meðan þeir segja öðrum að lofsyngja og dansa kringum krónuna á vaxtalausum reikningum íslenskra banka. Því er enginn ástæða að gefa þeim tíma fram í október. Það verða dálaglegar summur sem tapast við það, a great period of money, eins og þeir segja á Tortólu. Nú verður framið efnahagslegt hryðjuverk (eyðslukeyrsla) í anda skyldleikaræktaða afdalafólksins sem vegna lélegs skilnings á íslensku kenndi sig við framsókn, þegar það í raun meinti afturhald, og sem segist hætta, þegar það heldur áfram. Slíkt fólk er hættulegt í umferðinni. Það kann engan mun á réttu og röngu. Þannig fólk hefur því miður stjórnað landinu, diskóóðu delluþjóðinni til algjörs ógagns. Það á ekki að hleypa DB brothers inn á aðaldiskóið við Austurvöll.

Gefum þessari sjálfskipuðu (ó)stjórn í diskótekinu Tortólu við Austurvöll, sem starfar á skjön við óskir almennings, engan frið. Það er þó óþarfi að kasta matvælum í ofalið liðið í örvæntingu sinni. Látið þá sjá um skítkastið. Það er þeirra sérgrein.

Stjórnin fái frið til að starfa

Sigmundur er aðeins einn af X þúsundum svikahrappa á Íslandi

Mossack Fonseca, glæpafyrirtækið sem aðstoðað hefur um 600 Íslendinga við að vanvirða reglur lýðræðisríka, er ekki stærsta "fyrirtæki" á sínu sviði í okkar rotna heimi.

Dellufólk á Íslandi, sem fór að leika sér í bankaleik með glæpafasistum í Úkraínu, Pútín hinum siðlausa, vopnasölum og dauðakaupmönnum og ólíusheikum og hryðjuverkakaupmönnum í Arabíu, gæti alveg eins átt falið fé sem önnur fyrirtæki en Mossack Fonseca hafa falið fyrir þessa gráðugu kynslóð. Mossack Fonseca er 5. stærsta "fyrirtækið" á sínu sviði.

Íslenskir viðskiptavinir svikamyllunnar í Panama eru hugsanlega aðeins brot af þeim "Íslendingum" sem falið hafa fé sitt í sandinum á pálmaeyjum og í öðrum skattaskjólum. Jafnvel fjármuni sem íslenskir bankaræningjar rændu frá saklausu fólki.

Slíkt fólk borgar ekki fyrir landsins gögn og gæði. Það á því t.d., sem skattsvikarar engan rétt á því að fá ókeypis læknisþjónustu. Sennilegast er einnig að það leiti hennar annar staðar áður en það fer með stolnum gullvagninum beint til helvítis.

Eitt af verkum nýrrar ríkisstjórnar á Íslandi verður að láta hefja skipulega leit af þeim sem ekki vilja taka þátt í uppbyggingu landsins. Þeir hafa stolið frá fólkinu sem ekki á fyrir kvöldmatnum og getur ekki sent börnin sín í frístundarstarf. Þessir ræflar, sem fela jafnvel stolið fé, eiga sök á því að gamalmennin, sem alltaf greiddu sína skatta, deyja úr lungnabólgu á göngum spítalanna. Þessir verstu þjófar Íslandssögunnar hugsa aðeins um sjálfa sig. Hegðunarmynstur eins þeirra, sem á einhvern furðulegan hátt gat orðið forsætisráðherra eftir Hrunið, þótt hann hefði m.a. logið um nám sitt erlendis, sýnir okkur sjálfsánægju þessa fólks og ofmetnað. Nú upplifir það vonandi allt nemesis sitt eftir linnulaust hybris.

Virðing Alþingis er í molum, ásjóna Íslands í heiminum er illa farin og afskræmd vegna þessa fólks. Nú verður að lækna sárin og höfða til fólks sem veit upp á sig sakir um að láta sig hverfa frá löggjafasamkomu landsins. Þar á siðlaust fólk ekki að starfa.

Með dramatískustu dögum í pólitík

Trikkspurning

Maður kastar matvælum í máttarstólpa samfélagsins. Innandyra í þinghúsi stjórnar annar maður sem veigrar sér frá samábyrgð lýðræðisþjóðfélaga og situr sem fastast, þó alþjóð og gáttaður alheimur óski þess að hann fari frá.

Sá sem sletti kvöldmatnum sínum er handtekinn og verður líklega dæmdur í sektir eða betrunarhúsvist sem terrorist light. En skattskvikarinn sem stjórnar í þinghúsinu sigar lögreglu á menn sem vilja spyrja hann einfaldra spurninga um lífshlaup hans og fjármál.

Spurningin er: Erum við í El Salvador, Colombíu eða Bolivíu?

Smáhjálp: Lögreglumenn eru ósjaldan krúnurakaðir í landinu.

Maður handtekinn vegna skyrsins

Spýtukarlinn í forsætisráðuneytinu

Sigmundur Davíð Gunnlaugsson, fornleifaráðherra með meiru, hefur haft nægan tíma til að sanna að greiddir hafa verið skattar af því sem hann og frúin stungu undan í Panama. Gráthlægilegt vottorð frá vafasömu endurskoðunarfyrirtæki er engin sönnun fyrir einu eða neinu. Hann getur ekki verið undrandi á þeirri vafasömu heimsfrægð sem hann hlýtur nú og skákar þar með Björk, sem auðvitað greiðir skattana sína eins og það sé hluti af eðlilegu Human Behaviour. Vafasöm er sú frægð Munda og dregur SDG íslensku þjóðina hugsanlega með sér í svaðið. Líklega er best fyrir sveininn að segja af sér, og ganga frá sínum málum í réttarsal en ekki úr pontu á Alþingi Íslendinga.

Fólk, sem ekki greiðir skattana sína, hefur nefnilega ekki eðlilegan áhuga á lýðræði. Lýðræði felst fyrst og fremst í sameiginlegri ábyrgð. Án hennar verða ekki byggðir spítalar og engir peningar koma til t.d. löggæslu. Ábyrgðarleysi SDG sýnir ekki lýðræðisvilja. Furðulegt er því að sjá að maður, sem lýsir frati á samábyrgð lýðræðisríkja, geti skipað lögreglunni í landi sínu að urra á norska blaðamenn sem vilja spyrja ráðherrann eðlilegra spurninga. SDG hefur í raun engan rétt til að leita til lögreglunnar, því hann greiðir ekki til hennar eins og aðrir þegnar þjóðfélagsins -- nema að hann geti sýnt okkur eitthvað annað en gúmmívottorðið frá endurskoðunarfyrirtæki með langan glæpaferil í fjölda landa.

Oft hef ég skrifað um undarlegt athæfi SDG fornleifaráðherra á blogginu Fornleifi (sjá t.d. hér). Maðurinn hefur í raun rústað minjamálum á Íslandi með brennuvargi sem stjórnar Þjóðminjasafninu. Því kemur mér það ekki á óvart að hann sé til vandræða annars staðar en í því sem ég þekki best. Ég tel mig vera örlítið til hægri við miðju í stjórnmálaskoðunum,en ég get ekki svarið af mér kratablóð í báðum ættum. Ég er einnig fullviss um að Sigmundur sé hvergi í stjórnmálum. Hann er þar bara fyrir sjálfan sig.

Ræða hæfi Sigmundar Davíðs

Föstudagurinn langi í lengra lagi

 

Sæl Guðrún Hálfdánardóttir,

ég var að ljúka við að lesa óhemjulanga grein þína um Níðingsverk í skjóli kirkjunnar, sem fjallar um kvikmynd sem ég vona að verði brátt sýnd í Danmörku þar sem ég bý. Sumum þykir grein þín, sem fjallar um svo margt annað en kvikmyndina, líklega eiga við á Föstudaginn langa. Ég er ekki alveg viss um það. Ef veist væri að veikleikum fylgjenda sumra annarra trúarbragða á svo mikilvægum helgidegi í þeirra trúarbrögðum, sem Föstudagurinn langi er kristnum, held ég einhver myndi láta í sér heyra. Þetta er þó ágæt samantekt, þótt sumar setningar séu úr samhengi hjá þér og setning með umsagnarlið í viðtengingarhætti sé hafin án skýringarsetningar: "Margsinn­is er þrýst á Robin­son að hætta að grafa. Nýi rit­stjór­inn sé aðkomumaður, gyðing­ur í þokka­bót og haldi að auki hvorki upp á hafna­bolta né Bost­on Red Sox."

Ég er búinn að lesa íslenska fjölmiðla of lengi til að láta setningarfræðina valda mér áhyggjum. Það gerir hins vega tilraun þín til að líkja saman glæpum í Boston og meintum glæpum á Íslandi. Þótt menn geti verið ósammála um það sem gerðist á Íslandi, þar sem m.a. liggja engar sannanir fyrir varðandi barnaníð í kaþólsku kirkjunni á Íslandi, þá finnst mér algjör óþarfi af blaðamanni að spyrða grun um það við sannaða glæpi sem lýst er í Hollywood-mynd.

 Ég var aldrei ánægður drengur í Riftúni. Myndina tók Fräulein Müller, sem ég óttaðist mjög, á Kodak Instamatic myndavélina mína.

Ég er, ólíkt blaðamönnunum í Boston, "ekki hluti af því kerfi" sem ég hef ritað um, þegar ég hef sagt frá reynslu minni af því fólki innan kaþólsku kirkjunnar sem dæmt er af fólki á götunni án sönnunargagna. Ég er ekki kristinn og allra síst kaþólikki og held hvorki með KR né Val (og þoli reyndar ekki knattspyrnu).

Ég var hins vegar barn að aldri í sumarbúðum kaþólikka á Íslandi og ég á til fjölda bréfa sem ég skrifaði þaðan og ljósmynda sem ég tók þar. Ég sá aldrei né upplifði neitt í þeim dúr sem erlendir starfsmenn kirkjunnar hafa verið ásakaðir um. Það vildi rannsóknarnefnd á vegum kirkjunnar ekki hlusta á vegna þess að Vatíkanið hefur fyrir löngu síðan ákveðið að fórna peðum, þegar slík mál koma upp. Öll önnur börn í Riftúni, nema tveir aðilar segja sömu sögu og ég. Hafðu samband við fólkið sem ekki upplifði það sem ásakendur gerðu. 

 

Börn dansa í Riftúni, sumarbúðum kaþólsku kirkjunnar í Ölfusi. Ég er þessi hrokkinhærði með stóra hausinn í köflóttu skyrtunni fremst á myndinni. Ég veit ekki til þess að börnin á þessari mynd hafi verið beitt kynferðisofsóknum af erlendum starfsmönnum kaþólsku kirkjunnar á Íslandi. En blaðamaður á Mogganum veit ef til vill meira en ég.

Nú er stefnan hjá Vatíkaninu að viðurkenna glæpinn og harma, þó að persónurnar sem liggi unnir sök séu látnar og geti ekki varið sig í réttarkerfinu. Það ógeðfellda í málinu á Íslandi var að rannsóknarnefndin hafði samband við hollensk-ættaðan biskup sem hafði gerst sekur um kynferðislega tilburði gagnvart börnum. Hann eldaði grátt silfur við séra George, og segja mér menn innan kaþólska safnaðarins á Íslandi að þeir hafi hatað hvern annan. Biskupi þótti George hafa of mikil völd sem skólastjóri. En biskupinn sem var það sem í daglegu tali á íslandi kallast nú "perri" var að séra George látnum látinn dæma prestinn.  Slík vinnubrögð við gerð skýrslu um glæpi eru forkastanleg og er því fólki sem skrifaði skýrsluna til ævarandi skammar og hneisu.  

Að mínu mati gengur þú, Gúðrún Háfdánardóttir, langt út fyrir velsæmismörk sem blaðamaður, þegar þú spyrðir saman ósannað og ódæmt mál sem tengjast kaþólsku kirkjunni á Íslandi og fullsönnuðum glæpum sem lýst er í kvikmyndinni Kastljós.

Ég  leyfi mér að benda á það sem ég hef ritað um málin á Íslandi. Ég sendi nefndinni sem rannsaka átti málið upplýsingar. Ekkert var notað, þótt að ég telji mig aðeins ábyggilegri heimildamann en þá einstaklinga sem sögðu "sögu sína" í fjölmiðlum. Fyrir hef verið ataður aur og fengið sendingar þar sem ég er m.a. á Eyjunni verið kallaður rassdrengur eða engill séra Georges og á Moggablogginu í einu tilviki vitorðsmaður hans. 

Í nöp við kaþólska  (skrifað 4.6.2009)
Mjög alvarlegar ásakanir  (skrifað 17.6.2011)
Á kaþólska kirkjan sök á því að menn eru í Vinstri-Grænum og Vantrú? (skrifað 20.6.2011)
Illmennska og múgæsing eru systur (skrifað 22.6.2011)
Af ýmis konar hysteríu (skrifað 23.6.2011)
Afsökunarbeiðnir vegna (meintra) glæpa (skrifað 29.6.2011)
Saga meints níðings og eins fórnarlamba hans (skrifað 29.6. 2011)
Feilnóta í Fréttatímanum ?  (skrifað 1.7.2011)
Vitnisburður Landakotsbarna í molum ?  (skrifað 4.7.2011)
Kaþólskir borga sig frá vandanum  (skrifað 17.3.2013)
Fórnir kaþólsku kirkjunnar  (skrifað 24.11.2013)
Nafn fórnarlambsins  (skrifað 27.11. 2013)
Hvar eru öll hin fórnarlömbin?  (skrifað 14.12. 2013)
Vitnið Gijsen var barnaníðingurinn (skrifað 12.4.2014)

 

Frá vígslu svefnskálans í Riftúni 6. júní 1964. Jóhannes Gunnarsson biskup gengur frá húsinu og séra Georg, meintur nauðgari, gekk í humátt á eftir með vígt vatn. Illugi Jökulsson þoldi ekki svipinn á sér Georg og taldi hann þess vegna líklegan til illverka - þegar Georg var látinn. Ég vil ekki tjá mig um svipinn á Illuga.

 

Að lokum, Guðrún, langar mig að minna þig enn einu sinni á, að þú líktir saman málum sem dæmt hefur verið í og máli þar sem dómstóll götunnar dæmdi látið fólk. Slík vinnubrögð eru því miður allt of algeng í stétt þinni - en enginn dæmir ykkur fyrir, jafnvel þótt þið hafið oft á röngu að standa. Því þótti mér henta, því syndlaus er ég heldur ekki, að kasta í þig nokkrum smásteinum til að minna þig á skyldur þínar - í von um að þú eigir áfram góðan dag á dauðdægri Meistara þíns.

Myndina efst tók ég í Riftúni sumarið 1969. Engin barnanna á myndinni hafa mér vitanlega ákært presta eða aðra starfsmenn kirkjunnar fyrir barnaníð.

Níðingsverk í skjóli kirkjunnar

Two Norwegian artists stone a young girl to death

The Pacific Lutheran University (PLU) on Park Avene in Tacoma, in the great state of Washington, is such a peaceful place. Here the nice Scandinavian, Lutheran legacy has been cherished since 1890, when the university was founded by some great Norwegian pioneers. Hardly anything bad can be said about Scandinavian humanitarian legacy of the Nordic Lutherans, which is promoted intensively to predominately blond and blue eyed kids at the PLU.

A month ago, on 13 January 2016, an exhibition was opened at the Scandinavian Studies Department of the Lutheran University. It was entitled "Forgotten Nordics: Ethnic Diversity and National Narratives". At that exhibition one could see a photograph of a young girl, who was denied asylum in Norway in 2013. She was allegedly sent back to Iran, her home country, where she was killed - stoned to death. This was at least the information which the curator of the exhibition got from two famous Norwegian artists Håvard Vikhagen and Helga Bu. The curator's colleagues and all the guest believed the story, for what is bad in the minds of many Americans? Any Government for sure, and certainly criminal states like Iran, which undeniably have stoned women to their death until recently. 

Stoning is certainly a hideous acts, so unlike anything Nordic and Scandinavian, where women haven't been burned on the stakes since the 17th century and for instance Jews in Denmark haven´t been expelled by the Danish Lutheran Government to Nazi Germany since 1943.  Even the worst hate-crimes in Tacoma seem to fade in comparison to this horrific Norwegian-Iranian joint venture. What is an arson attacks on the local synagogue in Tacoma compared to a stoning in Iran.  The attacks on Temple Beth El, happened right after Sept. 11 and just before the Jewish High Holy Days. Someone spray-painted "Zionism plus U.S. equals 5,000 dead" on the parking lot (See here). One can just hope that such acts are not born out of the Lutheran mindset.

When I read about the exhibition and the refugee girl on the blog (also here; The text of the blog has been slightly modified since January 2016) of an American-Icelandic Scholar, who is now working at the Lutheran University in California, I could not recall any incidence in Norway, where an Iranian girl had been denied asylum, and expelled to meet hear certain death by stoning.

I contacted the author of the blog 50/50, Elisabeth Ida Ward, and got in touch with the Norwegian authorities, who had no information on such an atrocity, committed in a joint venture by the Norwegian government and the regime of the Ayatollahs in Tehran. Finally I found the e-mail address of Helga Bu, one of the artist responsible for the photograph at the exhibition in Tacoma. I wrote her and asked who the girl on the picture was: This is Hega Bu's short response:

Hei!

Dette arbeidet som fremstiller en ung jente er bare en illustrasjon.

Vi ville gjennom dette portrettet sette søkelyset på asylpolitikken.

Beste hilsen fra Helga Bu

Translation:

Hi! This work, which shows a young girl, is only an illustration.

We wanted through this portrait to highlight the asylum policy.

Best regards from Helga Bu

There we have it folks. The awful truth was fortunately much nicer than the "reality" of the two Norwegian artists. They were simply working in the Scandinavian tradition of dark fiction, where the main issue is to blame everything bad in the world on decisions and policy in one's own part of the world - and the Jews too of course. The stoning of a girl in Iran after an expulsion from Norway was a simply a bad saga to fool the Americans. But it was successful, because everyone in Tacoma believed it. Didn't they?

Fortunately the girl in the picture, whoever she is, wasn't stoned due to a Norwegian expulsion, nor Iranian terror. She was stoned by two artists who believe that a cheap trick is a good way of illustrating for gullible Americans the "horrors" of asylum policy in Norway.

If anyone knows the girl in the picture, who was killed by art, peace and understanding, sometimes practised in Scandinavia behind a rather sleazy humanitarian mask, please let her know that the law in Norway and in USA makes her bound for a considerable compensation. Artists cannot go around stoning innocent girls to death without facing the consequences.

Ísrael lokar landmærum, en það gera Svíar einnig

Í gær þurfti ég að fara til tannlæknisins míns í Málmhaugum (Malmö). Eins og menn vita eru Svíar búnir að loka landamærum sínum fyrir óæskilegu fólki. Fólki, sem flest er að reyna að bjarga sér undan villidýrum.

Í gær fór ég með lest og vissi að vegna lokana Svía lengdist ferðatíminn til Malmö til muna. Ég steig á lestina á aðalbrautastöðinni í Kaupmannahöfn og þegar ég kom 15. mínútum og seint til flugvallarins í Kastrup, þurfti maður að flytja sig um set og fara yfir á brautarpall 1 þar sem fór fram skoðun á skilríkjum sem dönsk yfirvöld hafa falið illa menntuðu fólki og dónalegu frá Securitas að framkvæma. Ég sýndi íslenskt ökuskírteini og það hafði blessuð konan sem skoðaði mig aldrei séð, svo hún notaði drjúgan tíma til að skoða það áður en hún tók mynd af því á gemsa.   Ég sá að hinir starfsmennirnir tóku myndir af öllum skýrteinum. Ég komst með lestinni sem beið og ákvað að taka ljósmynd með gemsanum mínum af starfsfólki Securitas þar sem það var að eftirliti fyrir dönsk yfirvöld. Þegar ég hef tekið eina mynd ræðst að mér lestarstarfsmaður af balkönskum uppruna og segir að ég mætti ekki taka ljósmyndir á "hans lest" . Ég spyr hvaða reglur hann hafi um það og bið hann um þær, þar sem þær seú ekki í lestinni á lestarstöðinni né á miða mínum. Þá fer hann að hóta mér að ég megi ekki fara með lestinni. Ég bendi honum á að þegar sænsk lest sé í Danmörku gildi dönsk lög og dönsk lög banni ekki að maður taki ljósmyndir út um dyr á lest. Ég bendi honum vinsamlegast á að ef hann hóti mér frekar muni ég kalla á danska lögreglu. Þá hætti kauði (sem sést á myndinni efst) og lög hans og starfskonu Securtias danskrar sem var farin að skipta sér að voru skyndilega fallin úr gildi.

Þegar til Svíþjóðar var komið var lestin stöðvuð á lestarstöðinni í Hylie og þar gengu um borð 12 vopnaðir, sænskir lögreglumenn sem einnig vildu sjá skilríki. Ekki voru þeir betur samræmdir en svo að þegar betjent Mårtensson, var nýbúinn að skoða skilríkin í þeim hluta vagnsins sem ég sat, þá komu tvær lögreglukonur af þeirri gerð sem ekki stíga í vitið. Þegar þær báðu aftur um skilríki benti hálfdrukkin Svíi sem greinilega var að koma úr safarífríi í Afríku, lögreglukonunum á þess ofvirkni. Kallaði hún þá á Mårtensson, sem staðfesti að hann væri búinn að skoða skírteinin.

Enn þurftum við að bíða drykklanga stund vegna ákvörðunar Svía um að loka landamærum sínum fyrir flóttafólki og öðrum óæskilegum ferðalöngum. Utan lestarinnar sá ég fréttaskjá á brautarpallinum, þar sem fárast var yfir lokun Ísraelsríkis á landamærum sínum. Ég hló innra með mér og hugsaði: "Nu er du i Forbudssverige i det feuderale EU, Vilhjálmsson". Komu lestarinnar til Malmö seinkaði um meira en 30 mínútur miðað við áætlaðan tíma. Brautarstöðin í Malmö var full af vopnuðum varðmönnum og lögreglu. Þegar út var komið tók sænskur veruleiki við. Betlarar frá Rúmeníu á hverju götuhorni sem gefa jafnvel hinum nískustu Svíum samviskubit eftir að þeir komust í gegnum nálaraugað.

Ég fór til tannlæknisins míns sem er gyðingur sem flýði ungur Pólland þegar stjórn Gomulka ofsótti gyðinga árið 1968. Við ræðum ekki flóttamannamál, ég og tannlæknirinn minn. Við þekkjum löndin sem við búum í.

En af hverju fárast sumir íslendingar yfir ósk ísraelsks forsætisráðherra um að vernda ríki sitt (sjá hér), þegar vart heyrist neitt í fólki yfir "verndarstefnu" Svía?

Svarið er einfalt. GYÐINGAHATUR.

Forsætisráðherra Ísraelsríkis talar um villidýrin sem hann vill loka á. Það fer líka fyrir brjóstið á sumum Íslendingum. En veit fólk ekki að í einu nágrannaríkja Ísraelsríki er ISIS að fremja þjóðarmorð og í öðrum nágrannaríkjum Ísraels er fólk sem hvetur til þjóðarmorðs á gyðingum í Ísrael.

Það eru eru kannski engin villidýr á Íslandi. En villidýr myrtu 6 milljónir gyðinga í Síðari heimsstyrjöld í Evrópu. Þá var í aðalhlutverki verki siðmenntuð þjóð, sama þjóðin sem engill flóttafólksins, Angela Merkel, tilheyrir. Villidýrin leynast víða.  Svíar lokuðu einnig þá landamærum sínum á gyðinga og opnuðu þau ekki fyrr en þeir leyfðu gyðingum frá Danmörku að komast til Svíþjóðar árið 1943, vel að merkja fyrst eftir að eftir að C.A.C.Brun fyrrverandi sendiráðunautur í Reykjavík, sem þá var í Washington tilkynnti Svíum að Danir myndu borga allan kostnað af veru gyðinganna í Svíþjóð (Sjá bók mína Medaljens Bagside).

Mikið eru Íslendingar heppnir að hafa engin landamæri! Á Íslandi er ekki laust við að Íslendingar séu sjálfir verstu villidýrin, þótt flestir séu sauðameinlausir.