Nú er það svart aftur, maður!

Ef "kerfið" á Íslandi hefur verið að flokka fólk sem "negríta", og hefur skráð hörundsdökkt fólk frá Afríku í þann flokk, er það bara enn eitt dæmi um furðulélega menntun á Íslandi, en einnig pólitíska rétthugsun sem farin er út fyrir allar villigötur.

Kona frá Suður-Afríku, eins og sú sem kvartaði yfir flokkun á sér í íslensku heilbrigðiskerfi, getur ekki verið negríti (Negrito), sem er flokkun á þjóðflokkum í Asíu, af mismunandi uppruna, sem sem eru dekkri á hörund en flestir aðrir á svæðunum umhverfis þá. Stundum eru negrítar í Asíu flokkaðir í mannfræðinni sem pygmear.

Illa menntað lið í læknastétt á Íslandi, sem þarf ekki lengur að læra latínu, hefur líklega ætlað sér að nota íslenskaða mynd af Negroid (negróíð) til að hitta á hinn rétta lit.

Aftur á móti er útí hött að banna sér og öðrum að nota ýmis lýsingarorð til að lýsa fólki sem er ættað eða frá Afríku og er dökkt á hörund.

Negrus á latínu og negros á grísku eru lýsingarorð sem fengin hafa verið að láni í fjölda tungumála. Ef menn vilja ekki að það orð sé notað um fólk frá Afríku, er til nóg af orðum sem enn er hægt að nota án þess að eiga á hættu málsókn. Annars endar þetta þannig:

Hann Óli er með konu, þú veist, sem er ekki eins bright og hann sjálfur.

Því miður hefur brunnið við, að amast sé yfir orðum sem hægt er að lýsa Afríkumönnum með. Einhvern tíma sá ég mikinn æsing hjá fólki sem ekki þoldi orðið þeldökkur. Það er hins vegar ekki hægt að nota einvörðungu fyrir fólk með Afríkuuppruna, því Indverjar og aðrir geta líka verið þeldökkir.

Konunni sem vitanlega leiddist að hún var orðin að negríto, þó hún sé bara frá Suður-Afríku en sé ekki pygmei frá Asíu, heitir upphaflega Surprise Manamela. Ætli það nafn hafi verið henni svo mikill fjötur um fót að hún varð að Evu Þóru Hartmannsdóttur?  Mína svörtu sál grunar ýmislegt.

Ef ég er hvítur eða bleikur, er Eva Þóra Hartmannsdóttir Manamela svört, eða brún. Ég er hvítingi, hún er svertingi. Ég vil þó ekki láta kalla mig blanco frekar en hún vill kallast negro.

En er ekki hægt að slappa dálítið af, þegar N-orðið er annars vegar og hægt er að segja Fuckin´ N, ef maður er sjálfur hörundsdökkur?

Nú vill svo til að ég er með 3% subsaharan gen. Ég heyrði einu sinni af manni einum sem "sá svart" og byrjaði á N-orðaæði er hann fékk að vita það sama um uppruna sinn og ég. 3% subsaharan genamengi, sem ekki var villa í raðgreiningunni, urðu til þess að hann fór að hlusta á jazz og bannaði svö öllum að kalla sig negra, enda rauðhærður með gegnsæja húð.

Eins gott að ég þurfi ekki að fara í sykurþolspróf, þó ég sé ó léttur.

Svarthöfði, fyrrverandi ritstjóri Morgunblaðsins, reyndi eitt sinn við asíata, eða var það mongólíti (mongoloid)? Reyndar var Svarthöfði vatnshöfði (hydrókeflvíkingur, samvæmt íslenska læknakerfinu). Plakat i eigu ritstjóra Fornleifs.

Kölluð negríti í kerfinu