Gufuvélin frá Bessó

Forseti vor er iðinn við kolann. Hann er alveg gufaður upp frá ættjörð sinni og landsmönnum, sem líður eins og föngnum þjófi sem er verið að leiða að höggstokknum, og sem heldur að Gufumaðurinn frá Bessastöðum sé dómari sem muni koma í veg fyrir aftökuna á síðustu stundu. En gufumaðurinn er bara gamall flokksskiptingur og draugur sem finnst gaman að fljúga og ganga í tweedi og tvíhnepptum jökkum með lóða strikum. Seint fattar þjóðin.

Nú síðast sást til Ólafs á fljúgandi teppi  í fylgd með böðlum frá Íran yfir Vín. Fréttastofa böðlaríkisins Íran greinir frá nýjum tengslum sínum við Ísaland.

Nú bíðum við eftir því að óþarfa Íranar verði hengdir í krönum sem eru drifnir áfram af hreinni orku a la (gr)Islande. Það er nefnilega hægt að drepa þjóð sína með gufu. Um tíma var víst líklegt að íranski ráðherrann sem Ólafur gufaði á í Vín yrði fyrsti maðurinn sem hengdur yrði með hreinni orku, en hann hefur góð sambönd og er nú að díla við gufumanninn frá Íslandi.

Hrein ímynd Íslands smitar frá sér... Lengi lifi forsetinn og allt það sem hann gerir fyrir þjóð sína!

Athugasemdir

[Magnús Bjarnason (IP-tala skráð) 10.12.2009 kl. 09:28]

Forseti vor? býrð ekki í Danmörku í ríki Þórhildar.

[Vilhjálmur Örn Vilhjálmsson, 10.12.2009 kl. 09:43]

Já, Magnús, ég bý í ríki Þórhildar, en hún er ekki forseti vor. Það er Ólafur Gufa, sem eflir samskipti við stjórnvöld í landi sem Amnesty International segir að séu glæpsamleg. 

En Gufumaðurinn sér sér ekki stætt á því að hlusta á meirihlutavilja sinnar eigin þjóðar. Kannski væri ekki svo vitlaust að biðja Þórhildi að taka við gömlu arfleifðinni og láta Gufuketilinn blása út á afskekktum stað.

[Hilmar Hafsteinsson (IP-tala skráð) 10.12.2009 kl. 11:47]

... það kom að því að við urðum sammála VÖV. Auðvitað eigum við að biðja Þórhildi að taka við arfleifðinni sem hún var skírð inn í á sínum tíma. Þjóðhátíðardagur Íslendinga 17. júní 1944 er einn sorglegasti dagur í sögu þjóðarinnar, enda grét himnafaðirinn hástöfum þann dag. Bretar og Bandaríkjamenn voru vissir um að þessi þjóð gæti aldrei stjórnað sér sjálf - eins og kom á daginn.

[Rósa Aðalsteinsdóttir, 11.12.2009 kl. 00:21]

Sæll og blessaður

Vilhjálmur skrifar:"En gufumaðurinn er bara gamall flokksskiptingur og draugur sem finnst gaman að fljúga og ganga í tweedi og tvíhnepptum jökkum með lóða strikum. Seint fattar þjóðin."

Ég er hrædd um að Ólafur Ragnar verði jójó fyrir sinn gamla Alþýðubandalagsflokk-Kommúnistaflokk sem klofnaði í tvennt í Samfylkinguna og Vinstri Græna. Ef hann væri ennþá í pólitík, hvort væri hann Samfylkingarmaður eða Vinstri Grænn. Nú er hann algjör kapítalismi: Vilhjálmur skrifar:"sem  finnst gaman að fljúga og ganga í tweedi og tvíhnepptum jökkum með lóða strikum."

Guð veri með þér

Shalom/Rósa