Kötuskór

Menntamálaráðherra, Katrín Jakobsdóttir, flutti erindi á einhverju Málrembuþingi í HÍ í gær. Kallar hún erindið "Út í heim á íslenskum skóm". Ég var ég farinn að halda að hún væri að lýsa dýrum túrum sínum á sauðskinns- eða roðskóm inn í ESB.

Nú er hins vegar búið að setja inn ræðu ráðherrans við fréttina á mbl.is, og þá uppgötvar maður ýmislegt merkilegt. Glæpasaga Guðbrands Jónssonar, þar sem breskur dóni reynir að nauðga saklausri, íslenskri sveitastúlku, er skóhorn Katrínar. Enski dóninn er á fjallgöngustígvélum og blómarósin á roðskóm. Táknrænt fyrir vonda útlendinginn og saklausa Íslendinginn.

Andagiftin sem drífur ráðherra menntamála áfram á íslenskum skóm er frá Guðbrandi Jónssyni (1883-1953), komin.  Guðbrandur vitlausi, eins og sumir kölluðu hann, var prófessor og naut þess lengi að vera sonur Jóns Þorkelssonar.

Menntamálráðherra anno 2009 notar forneskjulega sögu fulla af útlendingahatri, eftir mann sem hallaðist undir nasisma, sem vildi gera eitthvert nasistagerpi að konungi á Íslandi og sem þýddi skjöl yfir á þýsku til brottvísunar á gyðingum frá Íslandi. Jú, mann sem var yfir sig hrifinn af Dachau-fangabúðunum, líkt og sumir skósveinar kommúnismans á Íslandi voru hrifnir af Gúlögum og fjöldaaftökum. Kannski skýrir þetta val Katrínar á skóm. Skór komma og nasista eru oft af sömu stærð.

Menningarlegt eða hitt þó heldur hjá Imeldu Marcos í menntamálaráðuneytinu. Sá veit gjörst hvar skórinn kreppir sem hefur hann á fætinum.

Athugasemdir

[Þráinn Kristinsson (IP-tala skráð) 15.11.2009 kl. 11:07]

Ráðherra menntamála, einsog saklaus sveitastúlka á sauðskinnskóm, talar um málstefnu íslensku ríkistjórnarinnar: hún sá ekki fyrir að Doktorinn færi í 7 mílna leðurstígvélin og hrópaði á torg að hér væri ráðherran í félagi við nazismann, kommúnismann, ESB og Imeldu Marcos!

Hvílík snilld!

[Árni Gunnarsson, 15.11.2009 kl. 14:07]

Voru þeir Davíð Oddsson og G.W. Bush forseti BNA ekki vinir? Ég man ekki betur og líka að Davíð sagði að "þetta væri staðfest!"

Svo var það almæli í alþjóðasamfélginu að Bússi væri sá maður sem heimsfriðnum stafaði hvað mest ógn af.

Davíð ógnaði nú aldrei beinlínis heimsfriðnum. Hann lét sér nægja að setja Seðlabanka Íslands á hausinn,

[Eiður Svanberg Guðnason, 15.11.2009 kl. 16:27]

 Því má ævinlega treysta að Vilhjálmur Örn sé málefnalegur  í skrifum sínum.