Nýr Eyjubloggari: Davíð Oddsson

Nú bregður svo við að hálfir Bloggheimar eru á flótta undan Davíð Oddssyni yfir á Eyjuna. Menn bera sig illa og geta ekki skrifað fyrir leiða og vindverkjum. Menn sigla loks eintrjáningum og tuðrubátum hégóma síns að ströndum Eyjunnar fögru. Sumir vaða í land nærri dauða en lífi og eru varla skrifandi eftir róðurinn mikla.

Samtímis virðist Davíð vera orðinn albloggarinn þar, og er búinn að bumba Agli Helgasyni úr hásæti bloggaranna. Það er vart um aðra menn rætt þessa dagana á Eyjunni en hann Davíð, nema vera kynni um dugleysi Tyrkjabuddu og hinna vitleysingana í Ríkisóstjórninni. Öflugur Bloggari, Davíð. Kominn á Eyjubloggið, án þess að vera þar.

Athugasemdir

[Jenný Stefanía Jensdóttir, 5.10.2009 kl. 14:59]

Góður!

[Jenný Anna Baldursdóttir, 5.10.2009 kl. 15:08]

Já, helvíti góður.  Hahahaha.

[Vilhjálmur Örn Vilhjálmsson, 5.10.2009 kl. 15:11]

Nei, undur og stórmerki. Jenný Anna Baldursdóttir, Eyjubloggari gengin aftur á mbl.blog.is. UUUUUHHHHH - Spooky!

[Kristján Sveinsson (IP-tala skráð) 5.10.2009 kl. 15:23]

Hvað er þetta Davíð sem hefur sest að í kolli þínum og penna Vilhjálmur minn?

Síðast þegar ég sá þetta orð skrifað var það misritun fyrir heiti dívu nokkurrar sem tróð annað slagið upp opinberlega á kostnað skattgreiðenda en var svo tragísk og gól svo margar feilnótur að hún var hrópuð niður og lenti, segi ég og skrifa, lengst útí móa. Casta diva!

 Mundu að hlusta á Callas annað veifið heillakarlinn og mun þá allt vel fara.

[Jón Sveinsson, 5.10.2009 kl. 15:32]

ÞREFALT HÚRRA FIRIR DAVÍÐ.EINN KEMUR ÞÁ ANNAR FER

[Finnur Bárðarson, 5.10.2009 kl. 16:05]

Snilldarfærsla :)

[Guðsteinn Haukur Barkarson, 5.10.2009 kl. 16:31]

hehehehehe ... ég sé að þú ert rólegri núna! 

[Ásdís Sigurðardóttir, 5.10.2009 kl. 17:36]

Snilld hjá þér.

[Ragnhildur Kolka, 5.10.2009 kl. 18:08]

Frábær greinig. Davíð fer nú sigurför um bloggheima, ekki bara á eyjunni vænu heldur líka á visir.is. Mér sýnist þeir heldur ekki lausir við hann á dv en þar heitir bloggið fréttir.

[Jóhannes Laxdal Baldvinsson, 5.10.2009 kl. 18:45]

orð-heppinn

[benedikt (IP-tala skráð) 5.10.2009 kl. 22:07]

Hvaða bull er þetta um snilld, orðheppni, frábæra greiningu osfr., þetta er, eins og venjulega, bara orðskrúð og látalæti. Hvað gengur ykkur til?

Dæmi:

"Rúblusníki tókst heldur ekki að kría dollar úr Rússum"

"Lesblind þjóð las Baugsmiðla"

"Það leggur ekki lengur blómalykt fagurra loforða frá vitum kothjúanna Steingríms harðabónda og Jóhönnu þöglu á Allsleysu"

"...frosna pönnuköku og freðna smjörklípu á hausinn á Ólafi Haarde Geir Grímssyni."

Kommon! Þetta merkir ekki neitt. Bara uppskrúfaður texti til að sýnast, ekkert meir...engin greining, engin snilld.

Hér vantar þó, í þessa tilteknu grein, það sem stundum sést, ofsa-paranoja varðandi gyðingahatur og ... það sem sumir myndu telja andúð á öðrum kynþáttum, menningu, trú, stjórnmálaskoðunum osfr., dæmi:

"Ég ætla ekki að dæma friðartrúarbrögðin Íslam" - hæðni

"Þeir vesturlandabúar sem lýsa stuðningi við öfgaíslam"

"við erum öll apar, en Ahmadinejad losnaði seint frá þeim ættartengslum"

"Er almennt lestravandamál hjá vinstri mönnum..?"

"En Ahmadinejad er þó botnfallið. Gerjaður dropi af súpu dna-sullarans."

og svo mætti endalaust telja...

uppí orðskrúð og ...... (sjá ofantalin dæmi) er svo fyllt uppí með því að uppnefna þá sem kommenta ekki að skapi höfundar, og með óteljandi annars konar Ad Hominum rökum, sem segja auðvitað ekki neitt...

[Vilhjálmur Örn Vilhjálmsson, 5.10.2009 kl. 22:45]

Vá, alveg ekta bókmenntafræðingur er farinn að lesa, nei raðgreina bullið í mér. Eða er þetta gamla góða hugsanalögreglan? 

Það heita reyndar  ad hominem rök og ekki Ad Hominum rök, svona þegar minnst er á uppskrúfað orðskrúð og rósamál. Þakka þér samt fyrir Benedictus, ég skal reyna að bæta mig.

Ég verð að viðurkenna fyrir ykkur hinum, sem létuð blekkjast af orðskrípaleik mínum og tunguflúri, að ég dæmdur orðrefur og málníðingur. Orð verða aldregi söm eftir að ég hefur tekið þau ad hoc.

[Predikarinn - Cacoethes scribendi , 5.10.2009 kl. 22:53]

Þetta er stórkostleg greining hjá þér kæri dr. Vilhjálmur !

[benedikt (IP-tala skráð) 5.10.2009 kl. 23:17]

Þetta er typical, "alveg ekta bókmenntafræðingur", en það skiptir einmitt alls ekki máli hvort og hvað ég hef menntað mig í...eða hvort ég geti kallast hugsanalögregla eða ekki, eða yfirhöfuð hver ég er, heldur hvort skrif þín haldi vatni eða ekki.

..eða þá hvort ég skrifi Hominum í stað Hominem, skiptir engu máli,

og þarna kom það, "hmm, hvernig get ég nú sagt eitthvað sniðugt svona snöggvast, hann heitir Benedikt, best að segja Benedictus"..þetta með að uppnefna, snúa út úr nöfnum, breyta þeim osfr.

[Vilhjálmur Örn Vilhjálmsson, 6.10.2009 kl. 06:58]

Já, já,Benni boy (typical). Haltu þig þá bara á bloggum annarra og hættu að nöldra hér. Þá verða þessi typical túrverkirnir (typical) ekki svona helvíti erfiðir fyrir þig. Mikið getur þú æst þig yfir smá orðaleik um Davíð Oddsson (typical). Það mætti halda að þú værir Ad Hominum uggi í VG (typical). Ég raðgreindi þetta fyrir þig (typical).