Spurning til forsætisráðherra

Jóhanna, er framtíð þjóðarinnar trúnaðarmál?

Jóhanna, opnaður þig nú, leystu frá skjóðunni, beraðu málbeinið og notaðu tunguna. Vertu dálítið frökk. Segðu okkur allt af létta í stað þess að vera í þjónustu erlendra stórvelda sem krefjast trúnaðar um leið og þau hlekkja okkur við staur. Þú ert ekki embættismaður í Hollandi, Bretlandseyjum, þú ert þjónn okkar, en ekki þeirra. Þú getur ekki sagt NEI við okkur (eða Egil Helga) eða vænt umboðsmenn meira en helmings Íslendinga á Alþingi um trúnaðarbrest. Þú ert ekki yfirmaður á ríkisstofnun sem ávítar starfsmenn sína fyrir gagnrýni. Þú er forsætisráðherra og ættir að geta tjáð þig öðruvísi en með hótunum við þína eigin þjóð þegar á móti blæs.

Við sitjum uppi með óstjórn. Ekki er þetta félagshyggjustjórn. Það vottar ekki fyrir neinu slíku á Íslandi, nema ef menn kalla setu forseta ASÍ í skúffufélagi á Tortólu félagshyggju.

Nei, vinstrimenn sem eru svekktir yfir trúbræðrum sínum í ríkisstjórn og öðrum stjórnunarstöðum, verða að gera sér grein fyrir því, að það er ný gerð af fasisma sem núverandi ríkisstjórn er heltekin af. Nú verður þjóðin nefnilega barin til hlýðni af manneskju sem virðist vera ólæknanlegur sósíófób. Það er ekki nóg að vera "openly gay", þegar maður er snigill sem hefur harðlæst kuðunginum. Það er engin ástæða að halda um pung þegar maður er ekki með neinn. 

Jóhanna er hrædd við að segja þjóð sinni allt af létta í einu vandasamasta máli sem þjóðin hefur komist í. Þess vegna er hún farin að hóta okkur, þá sjaldan að hún talar.

Forsætisráðherra landsins og ríkisstjórn hennar eru orðnir að landráðamönnum, því þeir ganga erinda erlendra ríkja, sem vilja hneppa saklausa þjóð í þrældóm. Ríkisstjórnin vinnur gegn þjóðinni vel vitandi að kröfur erlendra ríkja varða aðeins þá sem ollu fjármálakreppunni. Þeir einir eru sekir! Við höfum stjórn sem ætlar sér að skella skuldinni á þjóð sína, án þess að þjóðin hafi stofnað til skuldarinnar. Það er landráð. Heilvita maður setur ekki þjóð sína í vanda. En fasistar eiga það til. Það er þannig stjórn sem er á Íslandi nú.

Trúnaðarbrestur stjórnarandstöðu

Athugasemdir

[Ragnhildur Kolka, 19.9.2009 kl. 10:19]

Kærar þakkir, Vilhjálmur. Sannari orð hafa ekki verið sögð.

[Guðbjörn Guðbjörnsson, 19.9.2009 kl. 12:22]

Í svipuðum anda og blogg mitt í gærkvöldi!

Það skiptir einu hvort maður er til hægri, vinstri eða á miðjunni, þetta er bara ekki hægt!!! 

[Helga Kristjánsdóttir, 19.9.2009 kl. 13:20]

Tek undir allt sem er skrifað hér og þakka fyrir það.

[Snorri Bergz, 19.9.2009 kl. 19:33]

Sammála. Ég hef sagt frá því í sumar, að þetta væri fasistastjórn. Verð alltaf meira og meira sannfærðari um að það er rétt.