Lögmaður Írana lögsækir Íslendinga

"Certain claims have been filed". Það var nú harla fyndið að heyra þennan spænskættaða lögfræðingsskratta sem Sjónvarpið var að flagga í fyrrakvöld.

Ekki var þetta nú sannfærandi ræða hjá Joseph Tirado, sem einnig er ráðgjafi Írana í innheimtumálum.  Já, maður sem þjónustar fyrir ógnarstjórnina í Teheran, er nú að þjónusta þá aurasálir sem ætla að sjúga blóðið úr íslensku þjóðinni fyrir erlenda banka vegna þeirra glæpa sem íslenskir kollegar þeirra frömdu í spilltu umhverfi alþjóðalegrar aurahyggju.

Joseph Tirado, þessi "Manuel" hjá Norton Rose, talaði um sameiginleg málaferli "40, 50, 60 banka" sem hugsast gæti að vildu sameiginlega höfða mál gegn Íslandi við íslenska dómsstóla. Hvaða Íslenskir lögmenn ætla að aðstoða þessa menn? Það verða örugglega einhverjir gráðugir skrattar til í það. 

Svo var einnig í fréttinni kynntur til sögunnar einhver Svíaómynd, sem er meðeigndi Norton Rose, og fullvissaði hann að ekki væri  verið að reyna að hnésetja Íslendinga.

Er RÚV vettvangur fyrir ókeypis hótanir lögfræðinga á Bretlandseyjum? Borgar Norton Rose fyrir þessar auglýsingar sínar? Er ríkisstjórnin kannski að fara að koma því inn hjá þjóðinni, að ef við greiðum Icesave, þá losnum við við þessar innheimtur?

Hvað eru þessir lagasnápar hjá Norton Rose og fyrirtæki þeirra annars að gera en að mata krókinn, að sjúga síðasta dropann?

En við þessu var að búast. Myndu Íslendingar sætta sig við að missa peninga í öðrum löndum?

Íslendingar geta aldrei staðið við ICESAVE-ánauðina með þessi boðuðu málaferli á herðunum.

Athugasemdir

[Guðjón Sigþór Jensson, 20.8.2009 kl. 18:58]

Tekurðu ekki fulldjúpt í árina Jón?

Mér finnst óviðkunnanlegt að rekast á mjög niðrandi orð eins og lögfræðiskratti. Væri  faríséi kannski ekki mun heppilegra þó svo að sitthvað sé lagaþrætumaður og faríséi.

Verðum við ekki að treysta núverandi stjórnvöldum? Þau hafa unnið nótt sem nýtan dag að bjarga því sem bjargað verður. Síðan þarf að siga Scotland Yard og Interpol á þessa þokkapilta sem komu auðnum í skattaskjól og gjalda skuldirnar að fullu sem sanngirni segir.

Mosi

Mosi

[Vilhjálmur Örn Vilhjálmsson, 20.8.2009 kl. 21:32]

Þú velur þín orð, ég vel mín. Þú breytir þínum stjórnvöldum. Næturvinnan hefur ekki gert gæfumuninn fyrir ríkisstjórnina. Scotland Yard hefur nú víst öðrum hnöppum að hneppa en en að eltast við íslenska glæpona.

Eins og lögfræðiskrattinn sem ég skrifa um, þá munu nefnilega allir koma og ráðast á hinn venjulega Íslending. Sama hvort Icesave sé siglt "í réttan farveg".