Hólaræða Steingríms í hnotskurn

 

Nú gefur ríkisstjórnin möguleika á því að menn biðjist afsökunar á syndum sínum fyrirvaralaust. Sérstakir skriftastólar Fjármálaráðuneytisins verða settir upp um land allt, á Tortolu og í London.  Steingrímur  mun gefa mönnum syndaflausn, ef þeir eru ekki að blanda sér í opinbera umræðu. Nú þurfa þeir sem syndgað hafa ekki að fara til helvítis, þótt að meginþorri íslensku þjóðarinnar sé á leiðinni til ESB, vegna duglausra stjórnmálamanna og bankaræningja. "Með Lögum Skal Land Byggja, en látum þau liggja", segir séra Steini. 

Athugasemdir

[Finnur Bárðarson, 17.8.2009 kl. 17:15]

Þó það væri kölski sjálfur sem biðist afsökunar tæki ég hana ekki til greina. Bara beinharða peninga ekkert annað og að sjálfsögðu refsingu við hæfi t.d. eins og Kaninn áætlar sem hæfilegt.

[Gústaf Níelsson, 17.8.2009 kl. 21:20]

Er ekki rétt að hr. Ólafur Ragnar Grímsson ríði á vaðið og biðjist afsökunar? Svo geta kannski hinir fylgt í kjölfarið, bankastjórastéttin fyrst.

[DanTh, 18.8.2009 kl. 08:31]

Hvað svo???  Hverju heldur Steingrímur að það skili þjóðinni að þessir menn biðjist afsökunar?  Við erum öll meir og minna í fjárhagslegu tjóni eftir þessa menn og þúsundir heimila orðin, eða að verða eignalaus.  Það á að elta þessa fáráða um allar grundir og hætta ekki fyrr en búið er að taka af þeim allan þann auð sem þeir hafa sankað að sér með fölsuðum árangursskýrslum og öðru plotti. 

Ég vil sjá þessa menn skila illa fengnum auð sínum upp á hverja krónu áður en nokkur afsökun kemur.  Hér hafa embættismenn og ráðamenn alltaf komist upp með að segjast "axla ábyrgð" á misgjörðum sínum en það hefur alla tíð verið marklaust orð í munni þessarar þjóðar.  Dettur nokkrum í hug að þessir menn séu beygðir af samviskubiti út af ranglætisverkum sínum?  Þeir telja sig einfaldlega ekkert hafa gert rangt.  Afsökun frá þessum mönnum verður þúsundum landsmanna engin friðþæging.  Þetta er glæpahyski og þannig á að taka á þessu liði. 

[Jakob (IP-tala skráð) 18.8.2009 kl. 10:22]

Ætlar Steingrímur sjálfur að skrifta, biðjast afsökunar???

[Hrafna (IP-tala skráð) 18.8.2009 kl. 13:07]

Steingrímur ætlast til að fá afsökunarbeiðni frá glæpamönnunum sem settu þjóðina á hausinn en berst svo sjálfur manna harðast fyrir því að koma skuldunum þeirra yfir á þjóðina.

 Þvílíkur hræsnari.