Lausnir á vanda

 

Áður en ég fer í smá frí, ætla ég að koma með lausn á tveimur vandamálum sem ég sá í fréttatíma RUV í gær. 

Hljóðið í Ríkharðshúsi á Hjalteyri: Hefur einhver reynt að svara og banka á móti? Ef þetta er ekki skrattinn að morsa til Íslendinga um að ganga í ESB, er ég viss um að byggingameistarinn á húsinu hefur verið danskur eða danskmenntaður. Ef byggingarmeistara húsa í Danmörku er ekki haldið reisugilli þegar hús er fokhelt, hefur það þekkst að þeir múri flösku eða einhvern sívalning innan á skorstein hússins. Í smávindi hvín í þessu og klúkkar. Gætti þetta verið skýringin á hinu undarlega hljóði á Hjalteyri? Eða er þetta bara tilgangsleysi hlutanna undir hjúp hégómans á Íslandi, sem er að láta í sér heyra

Atvinnulausi Englendingurinn á Seyðisfirði: Blessaður maðurinn á samúð mína alla, en það á íslenska kirkjan ekki. Hún sér sér aðeins fært að veita þessum manni og öðrum í sömu stöðu 3 x15.000 króna lán á ári - á sama tíma og þessi helv..is samkunda sendir peninga til svæða í heiminum sem stjórnað er af hryðjuverkasamtökum. Jesús þyrfti víst að fara að banka upp á hjá biskupsstofu? Íslenska ríkið er auðvitað líka máttlaust og allslaust og getur ekki aðstoðað fjölskyldumann í neyð, því það sendir einnig milljónir til hryðjuverkasamtaka, þegar það er ekki  að bjarga bönkum og ESB-aðild. Það er víða sem hljóð heyrist úr iðrum jarðar. 

Kannski er hljóðið dularfulla á Hjalteyri tómahljóð úr ríkiskassanum.

Athugasemdir

[Sigurður Þór Guðjónsson, 20.7.2009 kl. 16:49]

Ef Kristur bankaði upp á hjá biskupsstofu yrði honum sparkað öfugum út út úr húsinu. En ef skrattinn bankaði þar upp á með horn og hala yrði hann umsvifalaust gerður að gjaldkera og hæri hönd biskups. Það held ég nú. Það er nú líkast til. En farðu varlega í fríinu!

[Vilhjálmur Örn Vilhjálmsson, 20.7.2009 kl. 17:10]

Neh, ég held að biskupsstofa myndi bjóða Kristi í Gevalia kaffi, og svo myndu þeir hryngja í félagsmálayfirvöld og lögregluna.

Ætli Jesús myndi vilja ESB? Ég held ekki, hann var gyðingur og þeir eru þekktir fyrir að vera efasemdarmenn. Þeir létu hvorki bugast fyrir Kristni og Íslam og Hallelúja.

[Jón Garðar (IP-tala skráð) 20.7.2009 kl. 17:19]

Heyrðu snillingur ertu ekki til í að láta eitthvað af þinni hendi rakna til þessa Englendings? Ég skora á þig að senda honum nú smá summu og birta svo kvittanirnar fyrir því á blogginu þínu.

[Hólmfríður Pétursdóttir, 20.7.2009 kl. 17:24]

Vilhjálmur, njóttu þess að vera í fríi.

[Ragnhildur Kolka, 20.7.2009 kl. 20:39]

Ecce homo.

[Sigurður Þórðarson, 20.7.2009 kl. 21:43]

Sæll félagi, áhugaverð pæling hvort Jesú myndi vilja í ESB.

Jesú var ekki gyðingur því hann var kristinn þ.e. trúði á Krist. En hann var þó Gyðingur allavega í móðurætt en hún er ávalt áreiðanlegri. Menn mega ekki gleyma því að það var "ástand" í Ísrael með gríðarlega mikinn fjölda erlendra hermanna.

En Kristur var "víst  kóngur klár" og alltof klár til að vilja ganga í EB svo mikið er víst.

Gakktu á Guðs vegum og hafðu það sem allra best í fríinu með þínu fólki, hvar sem þig ber niður. 

[Aðalbjörn Leifsson, 20.7.2009 kl. 21:49]

Þetta er örugglega skrattinn enda er hann danskur, (danska er víst töluð í víti) tjallinn er blankur vegna icesave sparnaðar. Biskupinn er kannski "Júðahatari" og myndi ekki taka við Jesú!!

[Arnar Guðmundsson, 21.7.2009 kl. 16:47]

ALVEG SAMMHÁLA ÞESSU

[Mr. Jón Scout Commander (IP-tala skráð) 22.7.2009 kl. 16:09]

Hérna á undan kemur fram að Kristur hafi verið kristinnar trúar.

Var til einhver kristin trú á tímum Jesú?

Var það ekki Jesú Kristur sjálfur sem ruddi brautina og kristin trú var síðan stofnuð í framhaldi af HANS lífi?????????