Reikistjarna

Nú á 1000 ára afmæli litháísku þjóðarinnar hefur litháískur listamaður, Stacys Banifacius Ieva, tekið upp á því undarlega athæfi að ganga með Davíðsstjörnu á bakinu um þjóðvegi Litháens.

Stacys segist ekki þekkja neitt annað tákn, sem hefur eins mikla þýðingu og vekur eins margar tilfinningar og Davíðsstjarnan, og segir hana gamalt tákn í Litháen. Tákn sem tilheyrir þjóð sem hafi búið í aldaraðir með Litháum. Hann langar að minna landsmenn sína á fyrrverandi nágranna og vini, gyðingana (sem hann nefnir þó ekki á nafn á heimasíðu sinni). Hann langar að fara með þetta tákn aftur til Litháískra þorpa og bæja, um akra og yfir skóg  ... til að spyrja sjálfan sig spurninga um framtíðina með hjálp fortíðarinnar. Það er aldrei vitlaust.

Kannski er þessi Stacy spámaður?  En líklegt er að hann sé krunkandi vitlaus ef dæma skal út frá vefsíðunni um þetta uppátæki hans. Er ekki einhver Grensásdeild í Litháen, sem hann getur gengið fyrir, með heilbrigðismálaráðherra Lithaugalands á bakinu? Ég vona að Litháar keyri ekki á hann, en mér sýnist að Davíðsstjarnan hans sé með endurskinsmerki.

Athugasemdir

[Aðalbjörn Leifsson, 8.7.2009 kl. 16:57]

Mér líst vel á þetta, í Danmörku er það Moses Hansen sem dregur krossinn, Keith í Tulsa OK og fleiri í USA.

Dolli & co voru með svastikuna og óskabarn þjóðarinnar, því ekki að nota og sýna Davíð stjörnuna.

Hversu margir ætli þeir hafi verið sem seldu Gyðingana í útrýminguna, þegar þeir voru orðnir uppiskroppa með fé?? Vona að einhverjir skammist sín og geri iðrun.

[Hólmfríður Pétursdóttir, 8.7.2009 kl. 17:51]

Mér þykir þessi gjörningur hans sterkari list en flest sem ég hef séð  nýlega af svipuðum meiði.

Það er oft mjótt bilið milli snilli og geðveiki og erfitt að skilgreina hvort tveggja.

[Ragnhildur Kolka, 8.7.2009 kl. 23:35]

Loksins fær maður að sjá þennan margumtalaða gangandi gyðing.

[Vilhjálmur Örn Vilhjálmsson, 9.7.2009 kl. 07:00]

Já það er sjaldséð sjón. Allir er þeir á bíl þessa dagana, nema kannski Bernhard Madoff.

[Sigurður Þórðarson, 9.7.2009 kl. 07:23]

Þetta er víst einhverskonar "gjörningur" og nær vafalaust þeim megintilgangi að vekja athygli og brjóta upp hversdagsleikann.  Þessir listastraumar komu til Íslands fyrir um 40 árum og vöktu mikla athygli og hneykslan sumra en flestir  ypptu öxlum og enn aðrir brostu. Ég er í síðastnefnda flokknum

[Vilhjálmur Örn Vilhjálmsson, 9.7.2009 kl. 10:17]

Ég er mest hræddur við að hann komi af stað nýrri bylgju af gyðinghatri, vegna þess að hann rispar bíla með þessu bakstirni sínu. Ég myndi hata hvaða þjóðflokk/trúflokk sem er í nokkur ár ef einn meðlimur hans myndi rispa bílinn minn með stjörnu, krossi, hálfmána eða með hamri og sigð.

[Sigurður Þórðarson, 9.7.2009 kl. 10:58]

Sætt aftur Vilhjálmur, mér finnst bara gaman af svona kynlegum kvistum  og  broslegum flotum á lífinu.

 Þeir sem hata einhvern kynþátt eða trúflokk, hljóta að vera mjög takmarkaðir og gleðisnauðir allavega húmorslausir  fyrir fjölbreytileika lífsins.

 Einu sinni þekkti ég mann (kennari minn) sem átti sumarbústað rétt fyrir utan bæinn sem hann fór í u.þ.b. 3 helgar á ári. Hann hefði farið miklu oftar ef það hefði ekki verið fyrir "bansetta skógarþrestina, sem vöktu hann blásaklausan á morgnana". Hann hataði sem sagt skógarþrestina og skaut nokkra og hengdi upp í tré öðrum til viðvörunar. Þannig gerði hann fuglunum, sér sjálfum og öðru fólki lífið dapurlegra. 

[Sigurður Þórðarson, 9.7.2009 kl. 11:00]

ÆÆÆ fyrirgefðu innsláttarvilluna í fyrsta orðinu sæll átti það að vera.

[Mr. Jón Scout Commander (IP-tala skráð) 12.7.2009 kl. 08:40]

Var að velta því fyrir mér hvort að fólk tengdi þessa Davíðstjörnu við Guðspekifélag Íslands.

www.gudspekifelagid.is

Mjög svipað merki en hefur ekkert með gyðinga að gera; með fullri virðingu fyrir þeim.

Sjá stefnuskrá félagsins.=Meira heimspeki/sjálfstæð og ólík erindi.

[Vilhjálmur Örn Vilhjálmsson, 12.7.2009 kl. 16:15]

Þetta tákn hefur verið notað í Japan, Kóreu, Kína, Persíu, Indónesíu og víðar.

Það myndast þegar maður setur saman tvo þríhyrninga. Einfalt en snjallt.

Krossinn er svipaður, "plús", tvær spýtur í kruss, sem hægt er að negla menn á og margt annað.