Þjófar á gröfum

 

Er það ekki einmitt vandi Íslands. Gráðugir gröfumenn í bönkum, hér þar og alls staðar? Stórir strákar, sexí stjórar, miklir skaffarar, sem hafa verið góðir í sandkassaleik síðan þeir voru litlir. Þegar rigningin kemur hrynur allt hjá þeim. Í græðgi sinni keyra þeir yfir annað fólk og brjóta svo niður þegar þeir eru komnir á kúpuna. Miklir menn og litlir karlar. Mömmustrákar.

Húsbrjóturinn af Álftanesinu var hylltur sem hetja af Borgarahreyfingunni. Kannski ætti liðið í þeim flokki, sem einnig hyllir hryðjuverk út í heimi, að nota gráu sellurnar oftar - að minnsta kosti áður en þeir nota afleitar fyrirmyndir og örþrifaráð þjófs til að tala máli sínu.

Athugasemdir

[Hörður Halldórsson (IP-tala skráð) 19.6.2009 kl. 21:19]

Andofbeldi að hætti Gandi´s er mér meira að skapi. Sitja fastur í húsinu og láta lögregluna halda á sér út úr húsinu.Þarna er skemmdarofbeldi mannsins gegn skulda og lyga ofbeldi lánastofnunar.Ofbeldi gegn ofbeldi er skelfilegt.

[Helga , 20.6.2009 kl. 12:40]

Þarf nú ekki borgarahreyfinguna til.....  Held nú að flestir í þessari þjóð hafi samúð og samhug með gröfumanninum.  Almúginn hér heima er KÚGAÐUR  til að taka á sig afglöp og græðgi útrásarvíkinga og kúgarinn  er RÍKISSTJÓRNIN okkar  sem vinnur af heilindum að því að ganga frá fólki sem nýlega (sl 5-6 ár) hefur verið að kaupa sér íbúðarhúsnæði á yfirsprengdu verði  og á erlendum lánum sem var RÁÐLEGGING fagmanna í fjármálaheiminum.

[Predikarinn - Cacoethes scribendi , 20.6.2009 kl. 12:51]

Nu hafa tvær fjölskyldur stigið fram á völlinn og tjáð sig í fjölmiðlum um að þessi gröfumaður, sem braut niður húsið sitt, hafi stolið af þeim 10.000.000, kr. og 4.000.000, kr. sem þau hafa  um langa hríð reynt að innheimta hjá honum, án árangurs. Gröfumaðurinn hætti að svara símanum þegar þau hringdu.

Hver var svo að tala um tvöfalt siðferði ?