Vængstýfður Össur

 

Ég hef lítið álit á Össur. Hann reddaði eitt sinn samflokksmanni sínum, einhverjum fuglaskoðara , sumarbústað á friðuðum fornleifum og í trássi við náttúruverndarlög og ráðleggingar fornleifafræðinga. Já, ég er að tala um sumarbústaðinn í landi Skáldastaða. Siðleysi í eina átt veit á siðleysi í aðrar áttir.

Nú friðar hann öfgaöfl, ránfugla heimsins, með því að láta íslenskar álkur úr utanríkisráðuneytinu sitja á hrafnaþingi og hlusta á grimm illfygli syngja sitt gyðingahatur og hlusta á stríðsyfirlýsingar eins helsta hryðjuverkafálka heimsins, meðan aðrar siðmenntaðar og háfleygari þjóðir flýja úr salnum.

Vilhjálmur Örn leyfir sér hér að gogga smá ráðleggingu að Össur.  Honum ber að yfirgefa salinn nú, og vappa út úr heimi stjórnmálanna. Vængstýfðir fuglar geta ekki flogið. Ríkisstjórn kjúklinga, feitra Ali-fugla og rauðbristinga, sem lagt hefur blessun sína yfir Amadinejad með því að sitja undir gargi hans, er ekki og verður aldrei lýðræðisstjórn.

Athugasemdir

[Snæbjørn Bjornsson Birnir (IP-tala skráð) 21.4.2009 kl. 06:55]

Kominn með Össur í þann stóra hóp, sem þú flokkar undir gyðingahatara. Þú ert alveg magnaður! Skil ekki hvernig þú getur ferðast á götum úti, með alla þessa gyðingahatara í kringum þig??

[Sigurður Þór Guðjónsson, 21.4.2009 kl. 10:57]

Kommon sens segir mér nú að það að hlusta á málflutning eins manns sé ekki það sama og leggja blessun sína yfir hann.

[Tómas Ibsen Halldórsson, 21.4.2009 kl. 16:23]

Er ekki búið að leggja utanríkisráðuneytið Íslenska undir hið norska ?  þeir allavega virðast ráða för og það á fleiri sviðum en utanríkis-málum, þeir fara með peningamálin okkar og síðan fær Brusselvaldið restina.

Bestu kveðjur,

[Sigurður Þór Guðjónsson, 21.4.2009 kl. 18:27]

Vel á minnst, burtséð frá öllum skoðunum, finnst mér þessi Íransforseti, algjör töffari að vera alltaf bindislaus þó hann sé þjóðhöfðingi.