Gyðingahatur er enn leyft á blogginu

Það verður að viðurkennast, að fólk sem bloggar er flest með einhverjar lausar skrúfur. Sumir eru minna hertir en aðrir og sumir eru illa forskrúfaðir. Aðrir eru hins vegar alveg búnir að tína flestum skrúfum og fittingum og mikilvægir partar er jafnvel farnir að hrynja af.

 Þorsteinn Scheving Thorsteinsson 

Þetta versta stig á líklega við um Þorstein Scheving Thorsteinsson.  Nafnið hljómar eins og þarna sé á ferðinni einhver ættarlaukur með ljómandi og svalandi framtíð fyrir sér. Ekki þekki ég neitt til mannsins. En hann hefur greinilega eytt framtíð sinni í nýnasistarugl, firru Ku Klux Klan og fáránleika gyðingahaturs. Það voru vitanlega oft rotnir laukar í poka frá kjörbúð SS og ekki held ég að ættmenn Þorsteins séu mjög sammála Þorsteini frænda sínum á blogginu. Líklegra er að kóngulær haturs hafi vafið Þorstein í net sitt, eins og klámfætlan vefur öðrum um fætur sér. Veraldarvefurinn getur verið hættulegur þeim sem ekki geta greint á milli rétts og rangs, á milli sannleika og lygi. 

Þorsteinn stundar einkennilegt samlífi við hatursmenn Ísraels og gyðinga á blogginu. Í hvert sinn sem einhver skrifar um Ísrael - og oftast er það ljótt og hatursfullt - er Þorsteinn kominn með langar runur af tilvitnunum í hitt og þetta sem hann hefur villst í á netinu, og sem hann trúir sem nýslegnum túskildingi.

Þorsteinn vitnar t.d. í orð, sem hann heldur fram að Nóbelsverðlaunahafinn Menachem Begin hafi látið eftir sér.

Begin á að hafa sagt: Our race is the Master Race. We are divine gods on this planet. We are as different from the inferior races as they are from insects. In fact, compared to our race, other races are beasts and animals, cattle at best. Other races are considered as human excrement. Our destiny is to rule over the inferior races. Our earthly kingdom will be ruled by our leader with a rod of iron. The masses will lick our feet and serve us as our slaves."

Þetta hefur Menachim Begin aldrei sagt. Þessi orð tilheyra Texe Marrs, sem er öfga"kristinn" gyðingahatari og helfararafneitari í Bandaríkjunum. Þessi fölsuðu orð Menachims Begins birtust fyrst á heimasíðu Marrs. Þar er að finna alls kyns falsupplýsingar um gyðinga, sem Marrs hatar eins og pestina. Marrs hefur aldrei sagt mönnum hvar Begin á að haf látið fyrrgreind orð falla, og Þorsteinn, sem er afar sólginn í allar "upplýsingar" Marrs, getur heldur ekki upplýst neinn um það. 

Marrs vitnar reglulega í falsrit frá 19. öld, sem íslenskur jafnaðarmaður, já alíslenskur jafnaðarmaður og Alþingismaður, Jónas Gumundsson, lét prenta  árið 1951 undir heitinu Samsærisáætlunin mikla; Siðareglur Zíonsöldunga). Það rit notuðu m.a. rússneskir keisarar og rússneska kirkjan til að ofsækja gyðinga, myrða þá og hrekja þá á braut. Í opinberri yfirlýsingu Hamas hryðjuverkasamtakanna frá 1988 er reyndar einnig vitnað í þetta rússneska falsrit gyðingahatara frá lokum 19. aldar (þekkt á ensku undir heitinu The Protocols of the Elders of Zion). Sjá frekar hér.

Marrs hefur einnig lagt mörgum öðrum gyðingum orð í munn, t.d. Nóbelsverðlaunahafanum Elie Wiesel, sem nasistum tókst ekki að útrýma. Elie Wiesel hefur helgað líf sitt upplýsingunni um helförina. Nú reynir Þorsteinn Scheving Thorsteinsson á Íslandi að útrýma Elie Wiesels á moggablogginu með svínaríi frá einum frumstæðasta forarpytti BNA. Enginn grípur inn í þetta og fjölmargir bloggarar leyfa meira að segja Þorsteini Scheving Thorsteinssyni að valsa með hatur sitt á síðum þeirra. Nokkrir eru jafnvel sammála honum, og þar á meðal svokallaðir gæðabloggarar Moggabloggsins.

 

Fangar í Buchenwald. Elie Wiesel er lengst til hægri í efri bás. Þorsteinn Scheving Thorsteinsson er með lygaáróðurum Elie Wiesel á Morgunblaðsblogginu.

Þorsteinn Scheving Thorsteinsson sem stundar gyðingahatur og svívirðingu á trú gyðinga, gefur í skyn að helförin (Shoah) hafi ekki átt sér stað og sem telur Osama bin Laden vera fórnarlamb samsæris gyðinga er enn að á Morgunblaðsblogginu. Er það ekki næg ástæða til að útiloka Þorstein Scheving Thorsteinsson frá blogginu?  Menn hafa verið reknir héðan af moggablogginu fyrir að vitna beint og orðrétt í Kóraninn. En um gyðinga má greinilega segja allt og skrifa á Íslandi, sér í lagi á Moggablogginu. Getur þetta verið rétt?

Þorsteini er eins og nasistum Þýskalands og einfeldningum nútímans, sem styðja hópa sem vilja útrýma Ísraelsríki, gjarnt á að tala um gyðinga sem Guðs útvöldu þjóð.  Nú leggja gyðingar reyndar ekki sömu merkingu í orðin Am Nivchar ,"Guðs útvalda þjóð", og hatursmenn gyðinga. Gyðingahatarar hafa lagt rasíska meiningu í þessi orð, eftir að kristnir gyðingahatarar tönnluðust á þeim í aldalöngu hatri sínu. Ég hef margsinnis bent hatursfullum áhangendum Hamas og Hizbullah á Íslandi, sem einnig eru uppteknir af hinni "Útvöldum þjóð" (sem þeir stefna að því að eyða), á að kynna sér túlkun gyðinga á Am Nivchar. En þegar hatrið er annars vegar, er skilningurinn sljór. Vel menntaðir menn og prestar á Íslandi hafa einnig verið með háðsglósur gegn gyðingum og Ísraelríki. Hvar eru mannréttindaljósin á Íslandi? Ja, sumir þeirra taka reyndar þátt í níðingssöngnum um "Guðs útvöldu þjóð".

Þorsteini er einnig margtalað um Khazara. Kenningin um Khazara, sem eiga að vera ættfeður Ashkenaz gyðinga er fyrir löngu fallin um sjálfa sig. Margir Khazarar tóku gyðingatrú á 9. öld, en þeir eru ekki ættfeður gyðinga í dag nema að mjög litlu leyti. Gyðingar, sem eru Ashkenaz, eru náttúrulega stoltir af því að sumir forfeður þeirra voru Khazarar og að sumir Khazarar reyndust gyðingum vel, miklu betur en t.d. Íslendingar á fjórða áratug síðustu aldar.  Markmið Þorsteins með því að vifta Khazarkenningum, er að halda því fram að gyðingar sem í dag búa í Ísrael séu ekki afkomendur þeirra gyðinga sem hraktir voru frá landi sínu fyrr á öldum; Að þeir eigi þess vegna engan rétt til búsetu  í Palestínu. Palestínuvinirnir geta vart haldið vatni yfir þessari speki Þorsteins. Þorsteinn á t.d. ungan Moggabloggvin af góðum Sjálfstæðismannaættum, sem tók þátt í "friðarráðstefnu" múslímska bræðralagsins í Kaíró, sem hefur útrýmingu Ísraelsríkis á dagsskrá sinni.

Erfðafræðirannsóknir hafa sýnt, að Khazarakenningin á ekki við nein rök að styðjast. DNA rannsóknir hafa reyndar líka sýnt, að þeir sem bera nafnið Ashkenazi og lík nöfn, eins og landsmaður okkar, píanósnillingurinn Vladimir, eru flestir hverjir komnir af þeim meiði gyðinga sem geta rakið ættir sínar til Spánar og Portúgal, til Norðurafríku og Austurlanda nær.

Þorsteini er einnig annt um að greina okkur frá því, að til séu gyðingar sem ekki eru zíonistar og sem séu mótfallnir Ísraelríki. Því er ekki hægt að neita, að fámennur hópur Satmar-gyðinga, skyldleikaræktaðs ofsatrúarsafnaðar frá Rúmeníu langar helst að búa áfram í gettóum í svörtustu Austur-Evrópu í fötum frá 18.öld og láta kósakka og nasista slátra sér eða nauðga. Satmar-gyðingar, sem ekki viðurkenna Ísraelsríki, eru ekki einu sinni komnir af Khazörum.

Fyrir utan þá rasísku frasa sem Þorsteinn veður í,  ræðst hann með fúkyrðum, lygum og ósóma á trúa gyðinga og trúarrit.

Ég bið virðulega umsjónamenn Morgunblaðsbloggsins og lögfræðing blaðsins að hafa samband við Þorstein Scheving Thorsteinsson og kynna honum lagaramma hegningarlaganna og biðja hann að fara með ósóma og hatursræðu sína um trú, trúarrit, uppruna, orð og ríki gyðinga annað en á Moggabloggið.

Við lifum á 21. öld og Morgunblaðið verður að fara að fylgjast með. Það telst hvorki til  mannréttinda né ritfrelsis að svína gyðinga til. Mannréttindasáttmáli SÞ varð m.a. til í minningu 6.000.000 gyðinga, sem voru fórnarlömb manna sem hötuðu gyðinga og trú þeirra og kyn. Er mönnum stætt að trampa á minningu fórnarlamba Helfararinna á Morgunblaðsblogginu?

Athugasemdir

[Aida., 22.3.2009 kl. 11:08]

Sko eins og allt Ísland er þá fer það eftir hver það er sem skrifar, þá ætturu að skoða maggadora.blog.is sem er Margrét St Hafsteinsd henni er leyft að svívirða mönnum bak og fyrir sérstaklega fyrir Kristni trú. Síða mín var lokuð vegna þess að ég sagði Guð elska alla menn vegna kæru frá henni og bloggvini hennar en þeim er leyft að úthúða okkur sem telja okkur vera Kristnir.

Hún er greinilega alveg eins og Þorsteinn"inn".

En hvað er nýtt, Ísland Mafíuríki. Ertu inni eða úti það er spurningin.

[Jón (IP-tala skráð) 22.3.2009 kl. 12:10]

Fólk, ekki falla fyrir lygum Vilhjálms um Þorstein. Þorsteinn ætti að kæra Vilhjálm fyrir rógburð og ærumeiðingar.

[TARA, 22.3.2009 kl. 13:19]

Ég er eiginlega alveg sammála þér að það virðist ekki vera sama ''hver skrifar hvað'', eða eins og máltækið segir, ''Það er ekki sama hvort þú ert Jón eða séra Jón.''

Fólk er útilokað af blogginu fyrir minni og saklausari orð og það hef ég séð og þekki dæmi um. Þetta er auðvitað ekkert annað en brot á málfrelsi og mannréttindabrot.

[conwoy (IP-tala skráð) 22.3.2009 kl. 13:58]

Það fer ekkert á milli mála, að Kristnir hafa fengið svakalegustu útreið allra trúarhópa á mbl blogginu, og þykir það bara hið sjálfsagðasta mál frá bæjardyrum bloggstjórnenda séð ! ( Eða svo virðist vera )

Bíð ennþá eftir að einhver útskýri fyrir mér, af hverju fullt skotleyfi sé alltaf á Kristna á blogginu . 

[Vilhjálmur Örn Vilhjálmsson, 22.3.2009 kl. 15:24]

Þorsteinn Sch. er nú að klaga á síðu Sigurðar Þórs Guðjónssonar yfir þessari færslu minni og segir að ég loki á hann. http://nimbus.blog.is/blog/nimbus/entry/831745/#comments

Sigurður hefur beðið hann að halda sig í burtu með gyðingahatrið. 

Það er reyndar ekki rétt að ég loki á Steina. Þorsteinn er ekki á bannlista hjá mér og hefur reyndar heldur ekki gert neina athugasemd hjá mér í dag, nema ef hann hafi sent tvær slíkar undir dulnefninu "Jón".

[Halldór Halldórsson, 23.3.2009 kl. 09:05]

Ég þakka Guði mínum fyrir í hvert skipti þegar ég sé að menn eins og Vilhjálmur Örn Vilhjálmsson skuli velja að búa utan Íslands. Þeir eru þó því miður nógu margir hér heima, eins og sést þegar glittir í fasistaáróðurssjónvarpsstöðina Omega.  Mikið vildi ég að Vilhjálmur ákveddi nú að fleygja íslenska vegabréfinu sínu og segja skilið við okkur "gyðinga-hatarana"!

[Vilhjálmur Örn Vilhjálmsson, 23.3.2009 kl. 23:18]

Þess má geta að fyrir utan að halda því fram að gyðingar tilbiðji Satan, hefur Þorsteinn Sch. Thorsteinsson ásakað gyðinga á einn eða annan hátt fyrir: Svik, lygar, níðingshátt, falsanir, ofsóknir, kynþátthatur, nauðganir, morð, að vera aðrir en þeir segjast vera, þjóðarmorð, fórnarmorð, að standa á bak við fjármálakreppur, að standa á bak við stríð, að standa á bak við valdatöku Adolfs Hitlers. Þar fyrir utan hæðist hann að og gerir lítið úr trú og trúarritum gyðinga.

Hver getur varið áframhaldandi veru Þorsteins á Moggablogginu?

[Hlédís, 24.3.2009 kl. 08:02]

Sæll Vilhjálmur! Ég hef einmitt bent umsjón bloggsins á þann fáránlega sóðaskap sem þorsteinn þessi veður fram með á síðum annarra - Var ekki svarað hvað þá meir. Skil heldur ekki hve þolinmótt fólk hefur verið og leyft þessu að standa hjá sér. Hinsvegar hef ég séð bloggara eyða ófögnuðinum, ávíta Þorstein og jafnvel loka alveg á hann. Þó það nú væri.

[Hilmar Gunnlaugsson, 24.3.2009 kl. 22:07]

Það er óskandi að Þorsteinn læknist af sjúklegu og óhuggnarlegu hatri sínu í garð gyðinga með tímanum. Það gerir honum ekki gott að vera á blogginu tel ég og mikilvægt að brugðist sé rétt við ef sú niðurstaða fæst að hann sé að brjóta lög með skrifum sínum.

[Snorri Bergz, 27.3.2009 kl. 17:13]

Ég hef sjaldan lesið annan eins dónaskap og sóðaskap og í skrifum Þorsteins. Ég held þó að besta leiðin væri að reyna að hjálpa manninum.

En nú er fagurt yfir Reykjavík, þar sem ég sit á skrifstofunni minni og horfin yfir sundin blá, í átt að Esjunni og Laugarnesinu. Ekkert getur raskað ró minni, ekki einu sinni bombur, litlar eða stórar.

En ég get ekki hjálpað Þorsteini, enda á ég ekki einu sinni náttslopp.