Ungliðar Rauða Krossins á afvegum

 

Nú eru tvö íslensk ungmenni, Gunnlaugur Bragi og Kristín Helga, á vegum Rauða Krossins i Palestínu, nánar tiltekið á Vesturbakkanum, þ.e.a.s. í Júdeu og Samaríu. Þessi ágætu ungmenni voru í gær í bænum Qalqylia, sem liggur mjög nærri Ísrael. Skrifuðu þau um það á bloggi sínu undir fyrirsögninni Innrás og Skotárás í Qalqylia: Eftir heimsóknir til fjölskyldnanna má segja að við höfum falið okkur í dýragarði borgarinnar en í dag komu her Ísraelsmanna inn í borgina og skutu þar nokkrum skotum. Dýragarðurinn í borginni er talinn nokkuð öruggur og því vorum við aldrei í neinni hættu. Alþjóða Rauða krossinn fylgdist með ferðum okkar og sá til þess að við kæmumst auðveldlega út úr borginni eftir heimsókn okkar í dýragarðinn. En garðurinn er mjög fallegur og þar eru fjölmörg dýr. Einnig eru þar þrjú ólík söfn.

Nú vill svo til, að ísraelski herinn var ekki inni í Qalqiylia í gær og skaut þar ekki.

Í dag hafði ég samband við Sólveigu Ólafsdóttur frá Rauða Krossinum, sem er fararstjóri ungmennanna, og gat hún ekki staðfest þessa frásögn ungmennanna og hafði á orði, að vera Ísraelsmanna hafi líklega vaxið þeim í augum. Hún vissi ekkert um skotárásir.

Danskir þátttakendur á vegum danska Rauða Krossinn í þessari ferð greina heldur ekki frá neinum atburðum í líkindum við það sem ungmennin frá Íslandi segja frá á bloggi sínu, en Danirnir greina frá ferð sinni á Facebook.

Hins vegar er móðir eins íslenska ungmennisins þegar búin að blogga um "árás" Ísraelsmanna. Það er Salvör Gissuraradóttir. Hún skrifar um Snjóflóð á Vestfjörðum, skothríð í Palestínu.  Hun segir m.a.: Ég er ekki mjög hrædd um Kristínu Helgu þó þarna sé skothríð og stríð. Ég held að Rauði krossinn passi vel upp á krakkana, þar er fólk sem veit alveg hvernig ástandið er og er vant að vinna á átakasvæðum. Ekki er Salvör samt alveg ósmeik, því á bloggi ungmennanna skrifar hún þetta: Ég er sem sagt núna bæði hrædd um ættingjana á Bolungarvík og svo elsku dótturina sem er í skotlínu átakasvæða heimsins þarna út í Palestínu.

Ég get fullvissað Salvöru um, að þarna var ekki skothríð í gær og þarna hefur úlfaldi verið gerður úr mýflugu, eins og oft gerist í óðagoti þeirra vesturlandabúa sem í raun styðja óhrjálegan málstað, sem á einn og annan hátt er hluti af viðleitni manna til að útrýma Ísraelsríki.

 

 

Borgarsjórinn i Qalqyilia á fundi með íslensku ungmennunum í gær

Ég get hins vegar uppllýst áhyggjufulla móður og móðursjúka stuðningsmenn hernaðarsamtaka Palestínumann, að íslensku ungmennin heimsóttu í gær borgarstjórann í Qalqylia sem er liðsmaður Hamas og hefur verið grunaður um aðild að hryðjuverkum. ESB skilgreinir Hamas sem hryðjuverkasamtök. Íslensku ungmennin ræddu því við liðsmann hryðjuverkasamtaka í gær.

Hve uppbyggilegt starf Rauða Krossins er í Palestínu, skal ég láta liggja á milli hluta. Rauði Krossinn er misnotaður og lætur misnota sig, eins og þegar þeir lána sjúkrabíla sín til Hamas. En það er líka alvarlegt mál, að fólk á vegum samtakanna eru að breiða út óra og jafnvel lygar um einn af aðilum í ófriði þeim sem hrjáir þetta svæði.  Menn mega ekki láta hatur sítt í garð Ísraels fara með sig, þegar menn eru að vinna í nafni blóðrauða krossins.

Hér má sjá hvernig Hamas notar það sem rétt er að þeim:

Athugasemdir

[Vilhjálmur Örn Vilhjálmsson, 4.3.2009 kl. 14:31]

Mig langar að vekja athygli á mjög áhugaverðri færslu Rúnars Kristjánssonar húsasmiðs á Skagaströnd um Rauða Krossinn, sem hann skrifaði í fyrradag:

http://undirborginni.blog.is/blog/undirborginni/entry/818122/

[Vilhjálmur Örn Vilhjálmsson, 4.3.2009 kl. 16:29]

Yfirskriftinni á bloggi því sem ég gagnrýndi hefur nú verið breytt án nokkurra skýringa

frá Innrás og Skotárás í Qalqylia til Meira frá Qalqilya

[Halldór (IP-tala skráð) 4.3.2009 kl. 17:11]

Voðalega eiga krakkarnir bágt að þjást svona í gyðingahatri sínu að bera Ísraelsher röngum sökum, mig grunar að þetta gæti verið brot á lögum þar sem þarna er vegið að æra Ísraelsku þjóðarinnar.

Svo gæti auðvitað verið að þau hafi óvart lent inn í Pallywood myndbandi. Kannski Mezzoforte hafi verið að taka upp nýjasta tónlistarmyndbandið sitt?

[Bryndís (IP-tala skráð) 4.3.2009 kl. 19:26]

kannski var það gert í því skyni að losna við óþarfa tuð frá mannvitsbrekkum sem telja það nauðsynlegt viðra sínar skoðanir hvar sem því er hægt að koma við... Maður spyr sig... Ég hefði sennilega gert slíkt hið sama.  Bryndís ósk

[Sólveig Ólafsdóttir (IP-tala skráð) 5.3.2009 kl. 04:39]

sæll vilhjálmur.

heldur finnst mér þú fara frjálslega með staðreyndir um samtal okkar í gær og gera ungmennin mín ótrúverðug.  ég sagði ungmennin aldrei hafa verið í hættu, og varð svolítið við fullyrðingar þínar um að þau hefðu á blogginu sínu sagst hafa orðið fyrir árás.  Rauði krossinn tjáir sig að öllu jöfnu ekki um hernaðaraðgerðir Ísraelsmanna á vefsíðum sem þessum, en ég get staðfest eins og ég gerði í símtali við þig að Ísraelsmenn komu með miklum herauka inn í Qualqilya í fyrradag þó ekki yrðum við vitni að beinni skotárás.  þú ferð því með rangt mál þegar þú segir að ég hafi sagt að ekkert slíkt hafi átt sér stað.

[Vilhjálmur Örn Vilhjálmsson, 5.3.2009 kl. 07:00]

Nú hefur þetta mál tekið nýja stefnu. Eftir að Gunnlaugur og Kristín, ungmennin í Qalqylila, breyttu titli færslu sinnar í gær skrifaði umsjónarmaður þeirra þetta á blogg þeirra:

sæll vilhjálmur.

heldur finnst mér þú fara frjálslega með staðreyndir um samtal okkar í gær og gera ungmennin mín ótrúverðug.  ég sagði ungmennin aldrei hafa verið í hættu, og varð svolítið við fullyrðingar þínar um að þau hefðu á blogginu sínu sagst hafa orðið fyrir árás.  Rauði krossinn tjáir sig að öllu jöfnu ekki um hernaðaraðgerðir Ísraelsmanna á vefsíðum sem þessum, en ég get staðfest eins og ég gerði í símtali við þig að Ísraelsmenn komu með miklum herauka inn í Qualqilya í fyrradag þó ekki yrðum við vitni að beinni skotárás.  þú ferð því með rangt mál þegar þú segir að ég hafi sagt að ekkert slíkt hafi átt sér stað.

Sólveig Ólafsdóttir (IP-tala skráð) 5.3.2009 kl. 04:43

Ég svaraði:

"Sæl Sólveig,

Ég greini svo frá samtali okkar án þess að fara í smáatriði:

Í dag hafði ég samband við Sólveigu Ólafsdóttur frá Rauða Krossinum, sem er fararstjóri ungmennanna, og gat hún ekki staðfest þessa frásögn ungmennanna og hafði á orði, að vera Ísraelsmanna hafi líklega vaxið þeim í augum. Hún vissi ekkert um skotárásir.

Titill færslu Gunnlaugs og Kristínar var í gær Innrás og skotárás í Qualqylia . Ekki get ég skilið það öðru vísi en að það hafi verið Innrás og skotárásí Qalqylia.

Þegar ég talaði við þig í gær sagðir þú að unga fólkið hefði "nú yfirdrifið dálítið þar" og að þú ætlaðir að tala við þau "að þau yrðu að breyta þessu".  Þú greindir mér frá því að Ísraelsmenn hefðu verið þarna "eins og þú veist til að gera sig sýnilega".

Það gerðist greinilega. Fyrirsögninni hefur verið breytt í  gær : Meira um Quaquilia. Ég hef ekki skoðað hvort öðru hefur verið breytt.

Gunnlaugur og Krístín skrifa: 

"Eftir heimsóknir til fjölskyldnanna má segja að við höfum falið okkur í dýragarði borgarinnar en í dag komu her Ísraelsmanna inn í borgina og skutu þar nokkrum skotum. Dýragarðurinn í borginni er talinn nokkuð öruggur og því vorum við aldrei í neinni hættu. Alþjóða Rauða krossinn fylgdist með ferðum okkar og sá til þess að við kæmumst auðveldlega út úr borginni eftir heimsókn okkar í dýragarðinn."

Ég get ekki lesið annað úr þessu, en að ungmennin segjast hafa verið í hættu. Þau segja að Ísraelsmenn hafi skotið. Og Þú talar nú um að ekki hafið þið orðið vitni að beinni skotárás.

Annars ætla ég að taka þetta upp við Alþjóðlega Rauða Krossinn og Ísraelsk yfirvöld, sem og ECHO sem styður ferð ungmennanna.

Skutu Ísraelsmenn eða skutu þeir ekki eða skutu þeir ekki beint?  Það verðum við að fá á hreint eða voru þeir yfirleitt í bænum Qalqylia þ. 3. mars. Ég hef ekki geta fengið neinar staðfestingar á því frá öðrum ábyrgum aðilum."

[Vilhjálmur Örn Vilhjálmsson, 5.3.2009 kl. 07:11]

Í sambandi við "hlutleysi" Rauða Krossins stenst ég ekki mátið og leyfi mér að vitna í Blogg Rúnars Kristjánssonar sem skrifar, m.a. um Sólveigu Ólafsdóttur:

Ég vil nefna hér eitt afgerandi dæmi um framgöngu Rauða kross starfsmanns í fjölmiðlum.

Sólveig Ólafsdóttir sendifulltrúi Rauða krossins hefur víða starfað fyrir samtökin. Hún hefur verið í Grenada, Pakistan og eflaust á fleiri stöðum.

Um tíma var hún í Simbabve og var það um það leyti sem kosningarnar voru í landinu, kosningarnar sem Mugabe forseti hafði síðan að engu.

Þá var Sólveig fengin í viðtal í íslenska ríkissjónvarpið varðandi ástand mála í Simbabve. Það mun hafa verið í byrjun apríl 2008.

Þá stóð Morgan Tsvangirai leiðtogi stjórnarandstöðunnar í Simbabve í ströngu við einræðisherrann, sem búinn var að rústa efnahag landsins og setja allt um koll. Verðbólgan var komin upp í stjarnfræðilegar tölur og þjóðin stóð frammi fyrir geigvænlegum aðstæðum.

Við þær kringumstæður lét Sólveig Ólafsdóttur sendifulltrúi Rauða krossins m.a. hafa þetta eftir sér í umræddu viðtali:

" Tsvangirai skortir leiðtogahæfileika og margir segja að hann skorti hreinlega greind til að takast á við jafn skarpgreindan mann og Mugabe óneitanlega er ! "

Þetta leyfði sendifulltrúi Rauða krossins sér að segja í íslenska sjónvarpinu. Þarna tel ég að um sé að ræða beint inngrip í pólitík viðkomandi lands og ekkert hlutleysi er viðhaft.

Leiðtogi stjórnarandstöðunnar er dæmdur fyrirfram vegna vöntunar á greind, en manninum sem rústað hefur landi sínu og komið þjóð sinni á vonarvöl, er hrósað í hástert fyrir að vera svo gáfaður !

[(IP-tala skráð) 5.3.2009 kl. 09:23]

Frábær greinin hans Rúnars, og vekur mann til umhugsunnar.

[Auður H Ingólfsdóttir (IP-tala skráð) 5.3.2009 kl. 10:27]

Ert þú ekki í Danmörku? Hvernig getur þú vitað betur en einstaklingar á staðnum hvað á sér stað í kring um það? 

Einhvern vegin efast ég um að orð þín sefi ótta nokkurrar einustu móður. Þú ert hinsvegar lunkinn við það að særa fólk, gera lítið úr því að dreifa í kring um þig neikvæðni og ljótleika hér á þessari síðu.

[Vilhjálmur Örn Vilhjálmsson, 5.3.2009 kl. 11:44]

Auður já, ég er í Danmörku og stundum víðar.

Ég segi ekki neitt um að ég viti betur en einstaklingar á staðnum, en ég hafði líka samband við einstaklinga á staðnum. Ísraelsmenn skutu ekki í Qalqylia 3. mars 2009.

Gagnrýni, og sérstaklega réttmæt gagnrýni, getur af vissu fólki verið tekið sem neikvæðni og ljótleiki. Ég held að það gerist oft hjá fólki sem telur sig hafa höndlað sannleikann og vill ekki hafa neitt múður - það er svo óþægilegt ef koma sprungur í helgimyndina (kredduna).

[Vilhjálmur Örn Vilhjálmsson, 5.3.2009 kl. 11:46]

Sigurlaug, Rúnar er góður bloggari og smíðar sínar greinar einstaklega vel. Verst að maður getur ekki gert athugasemdir og hrósað honum fyrir þær.