Er Carlos fordæmisgefandi?

Myndinni stal ég á Flickr, og hún er góð

Visir.is  veltir vöngum yfir því, hvort fordæmi séu fyrir ráðningu útlendinga í stöður á Íslandi. Þessar pælingar visis.is koma til vegna ráðningar Sveins Haralds, Norðmannsins sem fenginn var í Seðlabankann og til að redda Íslendingum frá sjálfum sér.

Bloggvinur minn Carlos Ferrer er örugglega fordæmisgefandi á ýmsum sviðum, þótt hann hafi ekki verið það í menntaskóla. Þá var hann var einn aðal Heimdellingurinn  (Leiðrétting: Carlos hefur aldrei verið í Heimdalli) í MH , og það voru sjaldséðir fálkar í þeim skóla, en þó ekki án fordæma. Carlos dýrkaði John Travolta-klæðaburð og göngulag á þeim árum, alveg eins í klipptur út úr Saturday Night Feever. Hann var alls ekki orðinn eins og þessi harðvítugi byssumaður hér á myndinni, sem sver sig meira í ætt við nafna Carloss, kenndan við Sjakalann.

Andstætt Svein Harald var síra Carlos, er hann fékk brauð austur landi meðan hann var enn útlendingur, búinn að búa lengi á Íslandi. Hann hafði gengið þar í skóla og átti, að því er ég tel víst, íslenska móður (rangt aftur, hún er þýsk), þótt hann væri með útlenskt ríkisfang. Hann  var gildur þegn í íslensku þjóðfélagi.  Það hefur Svein Harald bankastjóri hins vegar aldrei verið.

Ef menn ætla að nota Carlos sem fordæmi, verður Svein að fara að sækja um ríkisborgararétt á Íslandi og finna sér íslenska (þýska) fósturmóður. Kannski vill Jóhanna ganga honum í móður stað. Efast ég um að margir sæki þann rétt mjög stíft næstu árin og allra síst Svein Harald.

Biðst svo afsökunar á öllum ruglinu um séra Carlos, sérstaklega á því að tengja hann Heimdalli.

Athugasemdir

[Carlos Ferrer (IP-tala skráð) 3.3.2009 kl. 19:10]

Elsku bloggvinur og gamli skólafélagi. Þér hefði verið nær að ræða við mig áður en þú bloggaðir þetta. Í fyrsta lagi þá hef ég aldrei verið í Heimdalli, þótt vissulega gengi ég í jakkafötum og hafði Travolta að fyrirmynd um skeið. Í annan stað er það ekki rétt að ég hafi sótt um ríkisfang um leið og ég sótti um embættið eða var valinn til að gegna því. Það kom síðar, enda beið mín skipun (sem Sveini Harald bíður ekki). Loks þarftu að vísa til uppruna mynda sem þú tekur af Flickr. Jafnvel þótt við séum vissulega bloggvinir.

[Carlos Ferrer (IP-tala skráð) 3.3.2009 kl. 19:13]

P.s. enn ein rangfærsla hjá þér. Móðir mín er þýsk.

[Vilhjálmur Örn Vilhjálmsson, 3.3.2009 kl. 20:35]

Elsku Carlos, ég biðst afsökunar á því að hafa notað þessa mynd. Ég googlaði þig og þá kom þessi mynd fljótt upp og ég athugaði ekkert hvar hún var. Mér þótti hún bara fádæma góð. Mér finnst alltaf íslenskir veiðimenn svo kauðalegir. Þarna var loks cacciatore með stíl. Ég get fjarlægt myndina ef þú vilt. En þetta er fín mynd.

Ég biðst einnig afsökunar á að kenna þig við Heimdall. Þessi meðlimsskapur þinn var reyndar altalað í MH og allir gengu út frá því sem gefnu. Áform voru uppi um að ræna öllum Heimdellingum og þú varst örugglega á listanum. En svona getur manni skjátlast.

En eitt er víst að þú varst einn besti Travoltinn á svæðinu.

Ekki vissi ég að móðir þín væri þýsk. Ekki ertu verri fyrir það. Eitthvað rámar mig í að þú hafir greint mér frá ættum þínum, pólskum og víðar úr heiminum. Gott ef ekki var gyðingablóð í þér líka. En þú hefur alltaf verið Íslendingur í mínum huga.

Rétt skal vera rétt. Ég leiðrétti Partymitgliedsverhältnis og það sem ég sagði um Mutti.

Lifðu heill!

[Carlos Ferrer (IP-tala skráð) 3.3.2009 kl. 21:10]

Blessaður haltu myndinni til haga!!! Ég er stoltur af veiðiskap mínum, æðarbúskap og sakna þess eingöngu að hafa týnt myndinni sem félagi minn tók af mér að gera að sel sem við veiddum!

Þetta með Heimdall var náttúrlega bara fyndið! Menn voru með aðildina mína á hreinu og ég játa að hafa ekki leiðrétt það á opinberum vettvangi fyrr en núna. Það var bara of gaman að látast vera meira en maður var því að allir aðrir snobbuðu í hina áttina. Halli Bö félagi minn heitinn, var eitt sinn skráður í Framsókn gegn sínum vilja vegna þessa! Og nú segirðu að áform hafi verið uppi um að gera mig að píslarvætti fyrir málstaðinn. Bara gaman að þesu.

En því miður get ég ekki sagst vera Gyðingur nema ef föðurfjölskylda mín hafi verið það, svona á laun (Ferrer og Lopezættin ...).

[S.H. (IP-tala skráð) 3.3.2009 kl. 22:53]

Thegar ég sé klerkinn med haglabyssuna kemur mér í hug saga sem Tage Erlander, eitt sinn  forsaetisrádherra Svíthjódar, gjarnan fór med, en Erlander var einstaklega skemmtilegur í sínum frásögnum og hefur thad löngum lodad vid Värmlendinga ad sagt er. Nú verd ég ad segja söguna á saensku:

En präst i Värmland var mycket förtjust i jakt. En söndag då han varit ute och jagat bar det sig inte bättre än att han glömmer av högmässan och blir så sen till kyrkan som redan är fullsatt, att han inte hinner klä om. Han  drar på sig prästrocken över patronbältet   och rusar upp i predikstolen.
Men bäst som han står där och blickar ut över menigheten tänker han att det här går aldrig och börjar i smyg och med lämpor knäppa upp pistolhölstret och försöka få av sig patronbältet.
Men som han fumlar med detta  brinner det av ett skott utöver den fullsatta kyrkan. ...
Nu tänker prästen att han bara måste  få bort patronbältet och i det han böjer sig ner för att lösgöra sig från vapenutrustningen ropar en gammal soldat från andra radens kyrkbänk." Gubbar och kärringar! Huken er i bänkera för nu laddar han om!"

[Jón Valur Jensson, 4.3.2009 kl. 03:48]

Það má segja um þessi nauðsynlegu leiðréttingarinnlegg síra Carloss: Post doc, ergo propter doc.

[Vilhjálmur Örn Vilhjálmsson, 4.3.2009 kl. 07:11]

Errare humanum est, ignoscere divinum. Ég fór þó rétt með Travolta-heilkenni Carlosar. Meðan Carlos var með Travolto takta í MH, var Svein Harald að líma miða á vínber í Østerdalen i Noregi.

[Jón Valur Jensson, 4.3.2009 kl. 09:06]

Imitare Travoltonem humanum est, corrigere archæologos libertinosque opus est sapientium.

[S.H. (IP-tala skráð) 4.3.2009 kl. 15:13]

Menn vanir  veidimennsku og vopnaburdi eru audvitad löngu búnir ad sjá ad thad fer ekki saman ”pistol” og skotfaerabelti. Ég bidst afsökunar á thessari hrapalegu vitleysu sem berlega sýnir fáfraedi mína í thessum efnum og bid alla góda menn ad hafa thad sem sannara reynist ad haetti Ara fróda.

Thad er mannlegt ad skjátlast og hér var um ad raeda „pistolskytte“ ekki veidimennsku.

 Hér er Tage og sagan „ direkt från hästens mun“

http://www.youtube.com/watch?v=xMbhtWlZ2Ow 

[Carlos Ferrer (IP-tala skráð) 6.3.2009 kl. 21:08]

Talandi um prestinn með haglabyssuna.

Stundum kom upp púki í mér og þá langaði mig að setja á þessa mynd eftirfarandi texta:

Við sjáumst í kirkju á sunnudaginn, er það ekki annars?