Í gær var Baugardagurinn langi

 

Tudefjæsagtigt, væluskjóðulegt, kallaði  fjármálafréttamaður á TV2 í Danmörku Jón á Allt, þegar hann grenjaði í fjölmiðla um að Davíð Oddsson hefði sett Mafíuskilyrði fyrir því að hverfa úr stöðu sinni sem seðlabankastjóri.  Jón á allt, en líka bágt, enda gengur veldi hans hér ytra undir nafninu "Bágúr".

Jón á Allt er eins og íslenska þjóðin sem hætti að væla á Austurvelli, þegar hún fékk viðvaninga og öfgafólk í ríkisstjórnina. Eins og þjóðin, er Jón á því að allt sé öðrum að kenna. Davíð, og meira segja einhverjum Philip Green, sem Jón á Allt telur að dansi í stofunni sinni af kæti yfir því að komast yfir eignir sínar fyrir túkall, er kennt um allt. Ég man ekki betur en að Jón á Allt hafi boðið þessum manni til Íslands í eina tíð, til að bjarga hinu og þessu.

Jón á Allt er vonandi ekki að gefa í skyn að menn sem heita Green að eftirnafni séu hræætur?  Gyðingasamsærið, þar sem Green á að vera á höttunum eftir "eignum" Jóns á Allt, höfum við svo sem heyrt um áður og ýmsir merkir bloggarar hafa velt sér upp úr því.  En nú virðist hafa slettst upp á vinskapinn við Green, sem var fenginn á fund í viðskiptaráðuneytinu í október sl. þegar allt lék í lyndi.

Vinskapur Samfylkingarinnar við Baugverja er víst líka dottinn upp úr rassvasanum á Armanibuxum Jóns á Allt.

Engir eru vinir lengur. Allir eru á móti öllum, og sérstaklega Philip Green. En hvað hefur hann gert? Ekki rak hann svikamylluna á Íslandi. Ekki lét hann mata ímyndunarveiki sína með gulli og grænum skógum eins og íslenska þjóðin, sem er hinn eini sanni sökudólgur kreppunnar.

Athugasemdir

[Axel Jóhann Axelsson, 5.2.2009 kl. 09:35]

Frábær færsla.  Jón á Allt beit sannarlega höfuðin af skömmum sínum með þessu ámátlega væli um að Davið stæði á bak við greiðslustöðvunina.  Jóni er ekki sjálfrátt í meinlokuhatri sínu á Davíð.  Vonandi fá réttir aðilar makleg málagjöld þegar rannsóknum á sukkinu lýkur.  Hvað varðar að íslenska þjóðin beri sína ábyrgð á kreppunni, þá er ábyrgðartilfinningin samt ekki meiri en svo að hún æpir á að skattgreiðendur greiði sitt skuldafyllirí, alveg eins og útrásarvíkinarnir.

[Kalli Sveinss (IP-tala skráð) 5.2.2009 kl. 16:53]

Drengurinn ( JÁJ) er því miður haldinn vondum geðsjúkdæmi. Sjúkdómur þessi nefnist á fagmálinu "paranoje",´lýsir  sér þannig að einstaklingnium finnst sem eihverjir eða einhver, ásæki sig, eða vilji sig feigan.

 Íslenska þjóðin hefur fylgst með - úr fjarðlægð - sjúkdæmsdæmum JÁJ.

 Sorglegt - sem reyndar sjúkdómar eru ávallt, hvaða nafni sem þeir nefnast.

 JÁJ þarf að komast á ákveðin lyf sem innihalda boðefnið "serotin"

 Tekur nokkrar vikur að verka !( 1 tafla 3svar á dag!)

 Annars má segja um drenginn, að hann í langan tíma hefur verið í afleitum málum, eða sem Rómverjar sögðu forðum.: " Hac surget lupus, hac canis" - þ.e. Í afleitum vondum málum" !!

[Heimir Lárusson Fjeldsted, 5.2.2009 kl. 17:51]

Davíð hefur kallað á hörkufrost um land allt til þess eingöngu að frysta  þær eignir sem bankarnir hafa ekki fryst.

Kennir Jón Davíð um vöðvabólguna sem er hann lifandi að drepa?