Í ósk um skjótan bata

 

Ég tek hattinn af fyrir þeim mótmælendum og trymblum, sem ærsluðust á síðgelgjuskeiði fyrir utan Valhöll í dag. Þegar þeir voru beðnir um að gefa mönnum fundarfrið eftir að forsætisráðherra tilkynnti alvarleg veikindi sín, þá tóku þau potta sína og önnur frumstæð ásláttarhljóðfæri og fluttu sig um set. Gott fólk og greinilega vel upp alið!

Miðað við hvað Geir H. Haarde hefur þurft að þola með þjóðinni sem hann hefur reynt að stýra, og með marga meðlimi hennar á móti sér, furðar það mig ekki að heyra um veikindi hans. Ég leyfi mér að halda því fram, að undir eins miklu álagi og hann hefur verið, sé ekki ólíklegt að "ástandinu" á Íslandi sé um að kenna. Streita, sem fylgir eins ábyrgðarmiklu starfi og Geir gegnir, og áfall það sem þjóðin lenti í, er líklegra til að valda mönnum alvarlegum veikindum en táragasið um daginn, sem sumir gárungar vilja tengja DNA-breytingum og krabbameini.

Ég sendi Geir H. Haarde og fjölskyldu hlýjar kveðjur og óska honum alls góðs gengis með erfiðan tíma sem hann stendur frammi fyrir. Ég þakka honum góð störf, sem ekki hafa verið þökkuð sem skyldi.

Kosningar í vor leysa ekki vanda þjóðarinnar. Þær eru niðurbrotsstarfssemi, sem auka munu glundroða og óvissu undir "stjórn" ævintýramanna, sem ætla þjóðinni að bíta gras norður í Axarfirði Þistilfirði.

 

Sjálfstæðismenn í sjokki

Athugasemdir

[Björgvin R. Leifsson, 23.1.2009 kl. 15:49]

Þú meinar náttúrlega Þistilfirði, ekki satt? Það er lágmark að vita hvaðan gott kemur.

Betra er gras að bíta

á beit norður í firði

en skjögrandi að skíta

með skuldahalabyrði.

[Vilhjálmur Örn Vilhjálmsson, 23.1.2009 kl. 16:08]

Grasafæði er góður kostur

gefið með öðru fæði

Verður aldrei veislukostur

vilji menn fá gæði

[Ragnhildur Kolka, 23.1.2009 kl. 21:00]

Tek undir hvert orð hjá þér, Vilhjálmur.

Hafði einmitt orð á því í morgun að ef vilji Steingríms J. næði fram að ganga yrði regressjónin hér ekki bara 3-5 ár heldur nær 70-80 árum. Þurrabúðin endurvakin og höfuðborg Ísland yrði þá í Þistilfirði.

[árni aðals (IP-tala skráð) 23.1.2009 kl. 22:30]

varla verður aukið á glundroðann og óvissuna ef við verðum leyst undan óstjórn og spillingu sjálfstæðisflokksins.og ekkert skrítið hvað þjóðin hefur beitt frumstæðum ásláttarhljóðfærum sem ákalli til að vekja athygli umheimsins á ástandinu sem þjóðin hefur mátt þola af hendi Geirs H Haarde og hans fylgisveina,svo skiljanlegt er að þjóðin VERÐUR að losna undan stjórn ævintýramannanna sem ætla okkur að borga skuldir "óreiðumanna"svo krafan er eiginlega ekki spurning,kosningar strax,þjóðstjórn strax,mugabe burt úr seðlabankanum.

[Sigurður Þórðarson, 24.1.2009 kl. 02:10]

 Svo hatrömm verður pólitíkin aldrei á Íslandi að við óskum ekki hvort öðru góðs bata þó menn greini á.

En Villi fyrst þú ert farinn að yrkja ætla ég að hnoða þessu saman fyrir þig og hana Ragnhildi Kolka:

Þegar sverfur sulturinn

sjálfstæðið brotin sperra,

bæta skal þá bölmóðinn,

 benda á annað verra.

[Predikarinn - Cacoethes scribendi , 24.1.2009 kl. 02:18]

Ég tek undir með sjálfstæðismanninum í Kópavogi sem skrifar um þetta hér : http://baldur.xd.is/

[Kalli Sveinss (IP-tala skráð) 24.1.2009 kl. 21:10]

Frábær pistill Vilhjálmur !

 Þegar saga síðustu 100 daga í sögu þjóðarinnar verður skráð, þá mun nafn Geirs Haarde verða skráð sem MIKILMENNIS !

 Gleymum aldrei, að síðustu 17 ár eru mestu framfaraár Íslandssögunnar.

 Hverjir stóðu í brúnni ?

 Jafnframt skulum við minnast, að um 20 " fótbolta" strákum var hleypt út á völlinn.

 Eitt gleymdist.

 Hvað var það ??

 Jú, það gleymdist að láta fylgja með dómara og línuverði !

 Því fór sem fór.

 Þessa dagana verður"Islands óhamingju allt að vopni".

 En - " aftur kemur vor í dal" - einnig á Þistilfirði !!

[Aðalbjörn Leifsson, 25.1.2009 kl. 07:47]

Vilhjálmur þú sem mikill spámaður verður að hjálpa okkur löndum þínum, það er stór hætta á að hið nýja Ísland breytist í "Sovét-Ísland" Ég hef ekki sovéskar hugsanir né tilfinningar! Hjálp Shalom Israel

[Hörður B Hjartarson, 26.1.2009 kl. 01:31]

Er hugsanlegt að æxlið hafi fært sig ?

[Sigurður Þórðarson, 26.1.2009 kl. 01:38]

Þá veistu það Villi minn, hafir þú ekki séð það fyrir, að þú ert mikill spámaður. Ég treysti mér ekki til að yfirbjóða Aðalbjörn vin okkar en mér finnst samt mjög gaman að lesa pistlana þína. Var að lesa fróðleg skrif þín um Gyðinga á Grænlandi og æfði mig í dönsku í leiðinni. Takk fyrir það. Shalom öllsömun