Kom Ingibjörg Sólrún okkur á hryðjuverkalistann?

 

Hvernig getur verið að viðskiptamálaráðherrann okkar hafi hvorki átt fund með, né hitt Seðlabankastjórann okkar á tímabilinu nóvember 2007 til september 2008?  Hvað var Björgvin eiginlega að hugsa?  Hugsaði hann? Kannski hefur Ingibjörg Sólrún ekki leyft honum að hugsa eða tala við Davíð?

Er eðlilegt að utanríkisráðherrann, sem var upptekinn á fundum með leiðtogum í hryðjuverkaríkjum í Miðausturlöndum við að leita stuðnings við Öryggisráðsaðild Íslands, sitji fundi með Seðlabankastjóra, en ekki viðskiptamálaráðherrann?  Björgvin var, eins og við vitum nú, allt sumarið að skrifa lofræðu sína um bankana og íslensk viðskiptalíf fyrir Viðskiptablaðið og heimasíðu sína. Þar getum við lesið um skarpskyggni þess manns.

Nei góðir landar, samfylkingarmenn eins og Björgvin G. eru nú ekki að nota tíma sinn í að hlusta á þann vonda í Svörtubjörgum. Hann gerði það ekki þegar OECD skýrslan birtist fyrr á árinu. Líklega var Partyleiter Ingibjörg búin að segja Björgvin, að rausið í Davíð skipti engu máli.

Nú er komið í ljós, að Ingibjörg Sólrún man alls ekki eftir neinum fundum með seðlabankastjóra í júní síðastliðnum. Man hún þá að hún var einu sinni á Sýrlandi og líka í New York? Nú hlýtur krafan að vera þessi: Ingibjörg Sólrún verður að birta alla sínar gjörðir í júní til að sanna að hún hélt ekki fund með Davíð.  Ég tel mig hins vegar vita, að harla ólíklegt sé að Imba opni dagbækur sínar frekar en Davíð. Hún ber líklega við hernaðarleynd, líkt og Davíð ber við bankaleynd.

Mig er reyndar farið að langa mjög til að sjá dagbækur utanríkisráðherrans frá dvöl hennar í hryðjuverkaríkjum Miðausturlanda. Ég hlakka til þess, líkt og aðrir hlakka til til jólanna. Hvar er skýrslan um hið misheppnaða Öryggisráðsdæmi? Kæra þjóð, slík skýrsla verður að koma fram. Kostnaðurinn, lið fyrir lið og allar aðgerðir í þaula.

Gæti verið að Íslandsvinurinn Gordon Brown og Darling hans hafi gripið til þess örþrifaráðs að setja íslenska banka á hryðjuverkalistann vegna hryðjuverkalandatengsla þess ráðherra sem sér um viðskiptamálin fyrir viðskiptamálráðherrann, já og reyndar öll mál ríkisstjórnarinnar. Það eru ekki bara norskar senditíkur sem senda upplýsingar til heimalands síns um það sem sagt er og gert á Íslandi.

Og hver segir, að aðrar leyniþjónustur hafi ekki fylgst með Imbu í sólarlöndum?

Samsæriskenningar eru stundum skemmtilegar, en íslensk pólitík er ekkert annað en ein stór samsæriskenning eins og stendur.

Athugasemdir

[Jón Valur Jensson, 5.12.2008 kl. 08:58]

Samkvæmt forsíðufrétt í Fréttablaðinu hefur Ingibjörg átt greiðari aðgang að Sameinuðu þjóðunum en Össuri svila sínum í sumar. Hann fekk engar fréttir af því sem Davíð var að tjá sig við þau Geir og Ingibjörgu í sumar. Greinilega treystir hún samflokksráðherrum sínum illa, a.m.k. Björgvin og Össuri. Eða voru þetta samantekin ráð hjá henni og Geir að þegja sem fastast?

[Jón Valur Jensson, 5.12.2008 kl. 08:59]

tjá sig um, vildi ég sagt hafa.

[Ragnheiður Arna Magnúsdóttir (IP-tala skráð) 5.12.2008 kl. 09:17]

Lýsir þetta ekki bara enn og aftur að það er ekki ríkisstjórn heldur óstjórn sem stýrir þessu landi! Ástandið með þessa blessuðu stjórnmálamenn okkar er eins og í skelfilegri lélegri gamanmynd! Er það nokkuð skrítið að við fengum hryðjuverkalögin á okkur.....

Þetta eru hálfvitar upp til hópa!

[Thor Svensson (IP-tala skráð) 5.12.2008 kl. 18:54]

Engin sem fylgst hefur með erlendis frá síðustu 5-10 ár velkist í vafa um hvar fjármagnið sem setti svikamylluna í gang kom frá. Heldur ekki hvaða sambönd íslenskir (land)ráðamenn og fjárglæframenn hafa stundað og stunda jafnvel enn. Þetta er, sem við höfum stundum kallað obinbert leyndarmál í allri Evrópu. Þetta er ástæðan fyrir allar þjóðir héldu að sér höndum og hreyfðu ekki litla fingur fyrr en annaðhvort almenningur á Íslandi reisti sig upp eða alþjóðleg stofnun tæki yfir. Því miður var seinni kosturinn ofaná. :-( Hljómar þetta sem öfgar eða bara bull? Ég lái þér ekki að hugsa þannig. En því miður höfum við hlutdræga fjölmiðla á Íslandi, svo það er engin von til að venjulegir íslendingar nokkrum sinnum fá söguna alla. Eða sem er ennþá verra, fái aldrei skilning á hversu alvarlega klípu landið var komið í og þá tala ég ekki um efnahagslega.

[Heimir Lárusson Fjeldsted, 5.12.2008 kl. 19:20]

Samskipti innan Samfylkingar eru orðin tóm.

[Júlíus Björnsson, 5.12.2008 kl. 22:58]

Alþjóðaheimurinn segir: Auðmenn/yfirmenn bankanna ábyrga, svo Seðlabanka, svo Ríkistjórn.  

Seðlabanki vísar á Auðmenn/ yfirmenn bankanna.

Auðmenn /yfirmenn vísa á Seðlabanka.

Hluti ríkisstjórnar vísar á Seðlabanka.

Fyrir hverja eru ákveðnir stjórnmálamenn að vinna?

ÉG hugsa eins og Útlendingarnir.

[Vilhjálmur Örn Vilhjálmsson, 6.12.2008 kl. 07:43]

Júlíus, þakka þér að setja hugsanir mína í orð. Við verðum líklega að fara að leysa þennan vanda með því að hugsa eins og útlendingar.

[Vilhjálmur Örn Vilhjálmsson, 6.12.2008 kl. 17:43]

Ég er sammála ykkur öllum, afsakið seinaganginn á svari. Helgin hefur verið hörð.

[Skúli Skúlason (IP-tala skráð) 6.12.2008 kl. 21:12]

Ekkert veit ég hvað ISG og Davíð fór á milli eða ekki á milli.

En Davíð varaði fólk sérstaklega við því að taka myntkörfulánin opinberlega að minnsta kosti tvisvar í fjölmiðlunum. 

 En auðvitað vissi ISG ekkert um það því að hún hefur farið í 20-30 utanlandsferðir á meðan hún hefur setið sem utanríkisráðherra að sögn Eiríks Stefánssonar á útvarp Sögu nýlega.

 

Auðvitað hefur ríkisstjórnin haft fullan aðgang að skýrslum Seðlabankans og séð hvað var í gangi og að við vorum marg ofbókuð með skuldir út um allt.  

Varla var ríkisstjórnarliðið svo heimskt að átta sig ekki á því að lánastefna og framkvæmd lána til almennings var komin út fyrir öll góð mörk viðurkenndrar bankastarfsemi.

Og nú súpum við seiðið af öllu ruglinu og vanhæfu ábyrgðarlausu embættisfólki.