A great little nation is watching her big brother in the Alþingi

 

Í gær horfði ég á Alþingi í beinni. Það var hreint stórgóð skemmtun. Sturla Bö var eins og útþurrkaður munkur á musterisbjöllunni í Himalaya. Dingdong. Þegar hann fór á klóið settist einhver varaforseti  við bjölluna og þá opnuðust gáttir helvítis. Mitt í framsögu Björns Bjarnasonar hrópaði Steingrímur J. rauðglóandi úr neðra að Birni. Bjössi lýsir atburðinum á bloggi sínu, og sú lýsing er ekki falleg. Halda mætti að Steingrímur hafi ætlað að stinga Björn með þríforki, og höggva hann í herðar niður, brytja í þúsund bita og gefa litlu fuglunum.

Þessi atburður kallar einfaldlega á fleiri myndavélar í Alþingishúsið. Þá gætum við séð svona upphlaup frá öllum hliðum og í slowmotion, í beinni.  Það miklu skemmtilegra en enski boltinn eða Matador.

Fólk með heiladabba verður nú að fara að leita sér hjálpar. Heiladabbi er hættulegur sjúkdómur, sem getur leitt til dauða. Fólk með dabba á heilanum talar gjarnan ruglingslega og sér sýnir. Ætli Steingrímur J. sé með dabba í skallanum?

Hinir sannanlega seku ganga enn lausir. Það er víst erfitt að sjá það ef maður er með heiladabba.

Vantrausttillögur eru alltaf vitlausar hugmyndir, þegar þær eru ekki vel undirbúnar. Þessi í gær var algjör bömmer. Þjóðstjórn með einum fulltrúa úr hverjum flokki og óflokksbundna sérfræðinga kosna af þjóðinnni hefði verið skynsamlegri krafa. Jafnvel væri hugsandi að hafa kosningar um meðlimi slíkrar stjórnar. Forsetinn gæti nefnilega klúðrað því.

Borgarafundurinn í gær sýnir mér að fjöldi manns er því miður haldinn ólýðræðislegum kenndum og á erfitt með allan skilning og rökhugsun. Dabbinn og meinlokan eru orðin að faraldri.

Brúmm í bílnum, er Geir líka með Heiladabba?

Athugasemdir

[S.H. (IP-tala skráð) 25.11.2008 kl. 15:41]

 Never a dull moment! :)

[Ragnhildur Kolka, 25.11.2008 kl. 16:21]

Þú færð bæði stjörnu og slaufu fyrir nýyrðasmíðina. Heiladabbi!  Gæti ekki verið betra. Verður eflaust komið í læknisfræðilegar íðorðabækur áður en þú blikkar auga.

Já, heiladabbi er alvarlegur smitsjúkdómur sem grassað hefur á Íslandi síðastliðin ár. Berst með munnúða og er ólæknandi.

[Ólafur Jóhannsson, 27.11.2008 kl. 12:02]

Til hamingju með þetta ágæta nýyrði, heiladabbi.

Greinilega alvarlegur smitsjúkdómur, eins og Ragnhildur Kolka segir.

Kv.
olijoe