Frumstæður fréttapési

Fyrrverandi fréttamaður RÚV, G. Pétur (Galsa Pési), setur nú gamalt viðtal við forsætisráðherra á YouTube.  Visir.is er með þetta sem frétt í boði Samfylkingarinnar. Mér skilst að viðtal þetta hafi aldrei verið flutt í fréttatímum RÚV árið 2007.  Hvernig stendur á því að fréttamaður er með afklippur af upptökum Ríkisfjölmiðils í hirslum sínum? Eru ónotuð viðtöl fréttamanna á opinberum miðlum einkaeign G. Péturs? Hefur G.Pétur tekið eignir RÚV með sér heim við starfslok sín, eða hefur hann bara farið inn á fréttastofuna og sótt þetta og sett á YouTube, meðan hin fíflin á fréttastofunni hlógu og hrópuðu: "Áfram Pétur"?

Greinilegt er að fréttamaðurinn hefur hitt Geir Hilmar á slæmum hárdegi, með kolluna skakka, svangan og þreyttan. Ef ég hefði fengið svona yfirgangslegar og ruddalegar spurningar frá einhverjum, hefði ég ekki svarað, jafnvel gefið honum kinnhest með hairpísinu.  Það er ekki til í dæminu, að slík viðtöl gætu hafa átt sér stað í öðrum siðmenntuðum löndum. Íslenskir fjölmiðlamenn hafa haft óheftan aðgang að opinberum persónum. Í þessu viðtali gengur G. Pétur einfaldlega of langt. Ef þetta hefði verið í öðru landi, hefðu aðstoðarmenn ráðherra og þingverðir tekið fréttamanninn afsíðis og beðið hann um að stilla sig.  Ég skil ekkert í Geir að rökræða við Galsa Pésa.

Þegar ég sá þennan bút úr safni G.Péturs, sem ólst upp á Þjóðviljanum sáluga, kom upp í huga mér blogg Davíðs Þórs Jónssonar, sem ég fann eftir nokkra leit: Vessegú . Fyrirsögnin á vel við.

G. Pétur og aðrir góðir Íslendingar eiga greinilega erfitt með skilning á ESB? ESB hefur svo sem ekki boðið þjóðinni inn i eitt eða neitt.  Skyndiupptaka evrunnar þýðir að íslenska þjóðin verður götumella í slitnum netsokkum á horni Evrópustrætis, sem lyktar af slori.  Draumsýnir ESB-ista eru tálsýnir masókista. Hafið þið búið í ESB-landi og upplifað „herlegheitin"? Íslendingar eru svo sem í augnablikinu ekki í neinum sérflokki. ESB hefur alltaf sýnt smáþjóðum, og fátækum, að ESB er executive club fyrir útvalda. Ísland er í augnablikinu ekki tækt í neina „fína klúbba". Þakkið skapara ykkar fyrir það.

Athugasemdir

[Hilmar Hafsteinsson (IP-tala skráð) 22.11.2008 kl. 10:52]

Fyrrum gervidoktorinn og núverandi landflótta Gyðingasóminn VÖV hellir hér úr kunnuglegu sálarnáttgagni sínu. Hann á það sammerkt með litlu hafmeyjunni að vera á flæðiskeri staddur og engin von um björgun.

Geirharður landlausi þarf enga óvini þegar hann á ævintýraskrímsli eins og VÖV að vinum.

[Geir (IP-tala skráð) 22.11.2008 kl. 10:52]

Bíddu, ef esb er svona hrikalega slæmt. hvernig getur þú búið þar?

[Matthías (IP-tala skráð) 22.11.2008 kl. 10:56]

"íslenska þjóðin verður götumella í slitnum netsokkum á horni Evrópustrætis" skemmtilega orðað. ESB andstæðingar ættu að fá þetta lánað í einhverja auglýsinguna.

Annars finnst mér Geir koma vel útúr þessu viðtali, veit ekki tilganginn með birtingu þess.

[Kristján Sveinsson (IP-tala skráð) 22.11.2008 kl. 11:14]

Heillakarlinn.

Hættum að fárast yfir evrunni. Hún verður tekin hér upp eins fljótt og mögulegt er. Ég er þeirrar skoðunar að það verði til bóta þrátt fyrir ýmsa ágalla á myntsamstarfi Evrópulandanna sem vonandi verða lagfærðir á komandi tíð. Þetta er óhjákvæmilegt og mun gerast. Það gerist vegna þess að við gjaldþrot Íslands (sú er staðan þótt það sé aldrei orðað svo opinberlega) fer verulegur hluti íslenskra eigna í erlenda eigu. Þar á meðal verða einhverjir bankanna. Það er alveg eðlilegt eins og staðan er. Sá er gangur gjaldþrota að eignir þrotabús ganga til kröfuhafa. Mikill þrýstingur verður frá eigendum þessara eigna og fyrirtækja um að notast verði við marktækan gjaldmiðil.  

Það er eins og margir átti sig ekki á því að við gjaldþrot Íslands hefur efnahagsstjórnin færst að nokkru leyti í hendur kröfuhafa. IMF (sem hér er farið að skammstafa ASG) hefur sett skilyrði og markmið sem fylgja verður. Og stórir kröfuhafar á bankana munu geta sett skilyrði sem íslensk stjórnvöld komast ekki framhjá.  Evran kemur því alveg örugglega og auðvitað ESB. Áhrif gjaldþrotsins verða þau að Íslandi verður ekki stætt utan bandalagsins enda orðið þýðingarlítið að vera utan þess.

Það kæmi mér á óvart ef DK yrði lengi utan myntsamstarfs Evrópu úr þessu. Sérstaðan er þeim dýr, segja þeir. Og eru ekki flestir eða allir danskir bankar tæknilega gjaldþrota? Væru farnir á hausinn ef ríkið hefði ekki bjargað þeim. Það virðist vera staðan ansi víða. Illa eru Bretar settir. Vonandi heppnast björgunarleiðangurinn en í sumum tilvikum sýnist manni að verið sé að míga í skó sinn og gjaldþrotshættan sé ennþá yfirvofandi.

Kannski erum við stödd í miðju hruni kapítalismans, og þá eru góðu fréttirnar þær að nýlega kom út (einu sinni enn) kommúnistaávarp Marx gamla. Ég ætla ekki að kaupa því ég á mitt gamla.

[jonas (IP-tala skráð) 22.11.2008 kl. 11:23]

Þetta er einfalt .  Ef lýðræðiskjörin Geir fær  eðlilegar spurningar um stjórnmál.  ÞÁ Á HANN AÐ SVARA ÞEIM.

[Andrés Inig (IP-tala skráð) 22.11.2008 kl. 12:13]

Þessi fyrrverandi fréttamaður var kallaður af  gárungum  X-G.Pétur.

[Vilhjálmur Örn Vilhjálmsson, 22.11.2008 kl. 12:20]

 ?

Hilmar Hafsteinsson ekki myndi ég álíta þig hæfan til kennslu barna. Það er greinilega meiri kreppa á Íslandi en ég hélt.

[Vilhjálmur Örn Vilhjálmsson, 22.11.2008 kl. 12:56]

Jónas, spurningarnar sem Geir fékk í fyrra voru ekki eðlilegar. Þegar menn spyrja gegn betri vitund og eru að tala um eitthvað sem er af og frá, þá eru menn utan vega, eins og hvuttar á eftir bíl.

[Hilmar Hafsteinsson (IP-tala skráð) 22.11.2008 kl. 13:00]

Kreppan á Íslandi er barnaleikur miðað við andlega kreppu hafmeyjarbanans VÖV. Vanhæfnisvottorð afbrotamannsins er sannarlega hvalreki á mínar fjörur.

[Vilhjálmur Örn Vilhjálmsson, 22.11.2008 kl. 13:15]

Það varðar við lög að kalla menn sem ekki hafa brotið neitt af sér afbrotamenn. Mér er ekki kunnugt um að sakaskrá mín sé flekkuð og ég hef doktorspróf, þótt gyðingahatarinn Hilmar Hafsteinsson virðist lifa í annarri trú. Kennari í grunnskóla, haldinn sjúklegum fordómum og ímyndunarveiki, eins og Hilmar Hafsteinsson, ætti að sæta rannsókn.

[Líney, 22.11.2008 kl. 13:41]

Hef aldrei skilið þá lensku að kasta skít í fólk sé maður þeim ekki sammála  sjá fyrsta  svarið hérna,það er hægt að  færa gagnrýni fram  á uppbyggilegan hátt  .

[Vilhjálmur Örn Vilhjálmsson, 22.11.2008 kl. 14:00]

Sammála þér bloggvinkona Líney, þótt ég hafi örugglega einhvern tíma brotið þá góðu reglu sjálfur, þegar illa lá á mér. Ég þekki ekki þennan Hilmar, hef svo ég viti best ekki gert honum neitt. En fyrir um það bil ári leiðrétti ég einhverja meinloku hjá honum varðandi Landnám á Íslandi á bloggi ágætis manns og það fauk í heldur betur í hann.

[Vilhjálmur Örn Vilhjálmsson, 22.11.2008 kl. 14:07]

Ég virði skoðun þína Hippókratíkus. Ég er reyndar enginn persónulegur vinur Geirs, en spurningarnar sem G-Pétur bar undir Geir, voru tuð á einhverju sem ekki var í deiglunni á þeim tíma, og er það jafnvel ekki enn. Mér blöskrar stundum uppivöðsluháttur sumra íslenskra blaðamanna. Þetta er ofmetin stétt og of margir úr henni hafa komist til metorða.