Íslenskur víkingur án sjókorta

 

 

Varast ber að svona fiskisögur fari á kreik. Það ætti að vera fyrir neðan virðingu fjölmiðla að koma með óathugaðar fréttir. Strax við lesningu spurði ég mig ýmissa spurninga og við smá athugun kom í ljós, að saga Ólafs Harðarsonar er ekki sama sagan og dönsk yfirvöld segja. Ekki strandaði hann við Randnes, heldur Randers; Ekki var það strandgæslan (flotinn) heldur lóðs og lögreglan sem höfðu afskipti af Ólafi, því hann vildi greinilega ekki taka sönsum.

Menn sem leggja á sjóinn án lágmarksbúnaðar eru að brjóta lög. Ég trúi því mátulega á frásögn Ólafs eftir að hafa kynnt mér málsatriði hjá dönskum yfirvöldum. 

Ef einhverjum langar að kynna sér aðra hlið málsins en þá sem mbl.is birtir, geta þeir lesið frétt í Randers Amts Folkeavis eða haft samband við Søværnets Operative Kommando í Danmörku.

Hins vegar ætla ég ekki að draga í efa frásögn Ólafs af þeim kappa sem vildi 5000 danskar til að kippa honum á flot og lét hann liggja, þegar i ljós kom að Ólafur Harðarson var ekki með þá peninga á sér. Skíthælar eru alls staðar til. En Ólafur Harðarson verður að skilja, að lög í Danmörku eiga líka við um hann. Hann er ekki hafinn yfir þau, þó svo að hann sé Íslendingur.

Danir vildu ekki bjarga Íslendingi

Athugasemdir

[Danmerkurbúi (IP-tala skráð) 14.11.2008 kl. 11:01]

Hvað er að gerast með íslenska fjölmiðla? Mér finnst ég alltaf vera að lesa fréttir um það hvað allir eru vondir við Íslendinga. Þegar vel gengur hjá Íslendingum sýna þeir þvílíkan hroka og þegar illa gengur eiga allir að vorkenna okkur. Ég bý sjálfur í Danmörku og hef ekki upplifað annað en vinalegheit frá Dönum. Auðvitað eru rotin epli hér eins og í öllum löndum. 

Svo birta þeir þessa frásögn, sem er svo lýgileg í lesningu að það hálfa væri nóg. Fjölmiðlar Íslands verða að passa sig að æsa ekki upp einhvern hatur útí önnur lönd, vegna fýlu í einstökum einstaklingum. Mér finnst þetta fáránleg fréttamennska.

Það sem margir Íslendigar eru ekki að skilja er, að erlendis treystir enginn íslenskum stjórnvöldum fyrir peningaaðstoð. Það eru sömu menn í brúnni og komu landinu í þessar ógöngur. Spillinginn er svo rosalega augljós. Svo eiga ÞEIR að sjá um að koma peningunum á rétta staði....kommon.

[Líney, 14.11.2008 kl. 12:09]

Það er gúrkutíð í fjölmiðlum,íslendingar eiga  bágt og það er staðreynd,íslendingar eru reiðir og svona frásagnir eiga vel upp á pallborðið hjá þeim núna, þetta selur. Mér finnst þetta  fráleit  frásögn á margan hátt og neita að trúa því fyrr en á reynir að fólki sé hafnað um aðstoð vegna þjóðernis.. Er líka  mjög svo sammála Danmerkurbúanum sem skrifar hér á undan mér,vantraust á  ráðamönnum  þjóðarinnar er það sem heldur björginni frá

[Kjartan Pétur Sigurðsson, 14.11.2008 kl. 12:32]

Það er eitt sem að þú fattar ekki. Það eru ekki nema 70 ár síðan við skriðum út úr moldakofunum og vinir okkar í Evrópu verða bara að sýna okkur þann skilning að við erum enn að læra.

Í raun á að vera búið að setja sér verndarlög um þessa Íslensku afdalaþjóð sem býr við hörð kjör og spillta embættismenn lengst norður í ballarhafi.

[Bangsímon (IP-tala skráð) 14.11.2008 kl. 12:54]

Er ekki bara málið, að mannfýlan er venjulegt íslenskt fífl, drullusokkur, fyllibytta, lyginn og þjófóttur? Halldór Laxness reyndi alla sína rithöfundartíð að neyða okkur til að horfast í augu við okkur sjálf, Við höfum ekki enn lært það og lærum líklega aldrei. Við erum félagslega óhæf öllsömul.

[FRIÐJÓN STEINARSSON (IP-tala skráð) 14.11.2008 kl. 15:57]

Danir eru og hafa alltaf verið okkur hliðhollir. Það, að halda því fram , að þeir vilji ekki bjarga fólki í sjávarháska, er svo út í hött. Þjóðin er ekki, vona ég, búin að gleyma , þegar að danskir varðskipsmenn, hjálpuðu til, við strandið á Wilson Muuga og að það kostaði mannslíf úr röðum Dana 

[Brynjólfur Þorvarðsson, 14.11.2008 kl. 16:43]

íslendingur = hrokafullur viðvaningur (já og ekki síður ég ...)

[Rúnar (IP-tala skráð) 14.11.2008 kl. 17:32]

MBL hefur verið spunablað um langann tima.  Ekkert að marka það frekar en önnur blöð á Íslandi.  Alvöru blaða- og fréttamenn eru vanfundnir ef þeir finnast þá eru þeir hraktir úr landi eða keyptir í önnur verk af auðmönnum.  Vandi okkar íslendinga er eins og svo oft áður er að hér eru lélegir embættismenn sem þora ekki að framfylgja lögum og reglum og gegnsýrðspillta stjórnmálamenn. 

[Sigurður Þór Guðjónsson, 14.11.2008 kl. 23:52]

Hvernig í ósköpunum getið þið talað svona um nafngreindan mann eins og þesi Bangsimon (ekki þorir hann að tala undir fullu nafni) og svo er tekið uindir. Myndu þið segja þetta við manninn ef hann stæði fyrir framan ykkur. Og hvernig fyndist ykkur ef svona væri sagt um ykkur? Jafnvel þó eitthvað væri málum blandað í sögu mannsins réttlætir það ekki svona orðbragð.