Það er greinilega engin hugarfarsbreyting í gangi

Meðan beðið er eftir "láninu", sem lofað hefur verið, svo Íslendingar geti haldið uppteknum hætti og neysluvenjum, er lítið annað að gera en að minnka við sig. Menn geta gengið í vinnuna eða tekið strætó.

Svo væri líka hægt að boykotta vörur frá Stóra Bretlandi og Hollandi; Hætta að rápa til London og Amsterdam. Margir eru vanir slíku og hafa hætt að kaupa allt frá Ísrael, vegna þess að stuðningurinn við hryðjuverkasamtök er talin til dyggða.

Boykot

Boykot

Bretar, Hollendingar og aðrar þjóðir sýna nú gamla nýlendutakta. Það er ekki við öðru að búast.  Það gengur heldur ekki vel hjá þeim. Þetta eru gömul heimsveldi, þar sem peningar hafa ávallt skipt meiru máli en mannslíf. Við þekkjum sögu Breta. Saga Hollendinga er líka blóði drifin líkt og Breta og þetta eru meiri nasistaskinn en þeir segjast vera. Af hverju haldið þið að helmingur þeirra 10% gyðinga frá Hollandi sem lifðu helförina af hafi yfirgefið landið 5-10 árum eftir stríð?

Svo er annar lærdómur, sem hægt er að draga af þessu: Nú verður að fá nýja ríkisstjórn. Eyðsluklóin, okkar í utanríkisráðuneytinu, sem ætlaði sér að stjórna öryggi heimsins frá New York, sem ekki sá hvernig sirkustjaldið féll yfir hana og sem ekki getur á fljótan hátt bjargað öryggi þjóðarinnar með pólitískum aðferðum, ætti að fara að leita sér að starfi hjá Póstinum. Forsætisráðherrann ætti að fara á námskeið í persónulegu öryggi. Hann er eins og feitu og duglausu persónurnar í Latabæ.  Af hverju þarf maðurinn alltaf að koma fram með einhvern við hliðina á sér? 

Fyrrverandi auglýsingastjóri FL Group, einhver Kristján, sem síðast hefur starfað fyrir Latabæ, hefur reyndar þegar verið ráðinn í Stjórnarráðið. Betra væri að senda stjórnarráðið eins og það leggur sig í æfingar hjá þeim ofurhressa, og kannski eina sanna útrásarvíkingi sem við eigum, Magga Scheving. Hann hefur að minnsta kosti svitnað á því að græða milljónirnar sínar. Hinir hafa bara safnað snekkjum eða fitnað eins og þessi framsóknarvíkingur er gott dæmi um:

Gleðifrétt gærdagsins: Bjarni Harðarson er farinn, og er það vel. Vonandi fer Valgerður líka hið fyrsta. Skrílslæti Framsóknamanna í hinu háa Alþingi eru ekki á allt hitt bætandi.

Afgreiðslu umsóknar frestað

Athugasemdir

[Aðalbjörn Leifsson, 12.11.2008 kl. 08:52]

Eina ráðið er að snúa sér til vina þjóðar okkar og fá hjálp frá þeim. Þessi vina þjóð er Ísrael. Marana ta/Shalom.

[Jón Steinar Ragnarsson, 12.11.2008 kl. 08:52]

Neyslu hinnar takmörkuðu millistéttar er sjálfhætt Villi. Flatskjárfirring hennar er svo ekki ástæða skuldasöfnunarinnar. Nokkrir vitfirringar hafa vaðið um heiminn með sparifé landsmanna og grunlausra erlendra borgara og keypt sér fallítt flugfélög og símafyrirtæki og ruglað svo reitum sínum í krosseignarkrulli að enginn sá hvað þeir voru að gera. Ponzi scheme þeirra uppgötvaðist ekki af því að stjórnendur landsins voru svo drukknir í rokgjörnu velmegunarbúsinu að þeir sáu ekki út úr augum.

Nú er Ísland Albanía.

Við erum ekki í stríði við bitra borgara í Hollandi og Bretlandi. Við erum í nákvæmlega sömu sporum og skiljum reiði þeirra og örvæntingu.

Áfram stjórna brennuvargarnir slökkvistarfinu hér og enginn fær þeim haggað, né stöðvað þá í að kveikja aðra elda um leið og einn er kulnaður. Þeir mega ekki vera að því að tala við okkur af því að þeir eru svo uppteknir við að má út sporin á glæpavettvangi.

Við erum að reyna að verjast Imperialistum í stjórn þessara landa, Sem vilja setja bankana í gjaldþrot og hirða það sem hönd á festir í eignasöfnum þeirra. Fjöreggið. Orkuna, orkudreifinguna, söluna, fyrirtækin, jarðirnar, hlunnindin, laxár og sjáfstæðið.

Það er úr vöndu að ráða Villi. Það eru ekki margir á ferli. Ekki einu sinni í strætó. Reykjavík er Hiroshima norðursins með kræklur hálfbyggðra halla fálmandi til himins eins og hendur drukknandi manns. Táknrænt fyrir hugarástand fólksins.

[Loftur Altice Þorsteinsson, 12.11.2008 kl. 08:54]

Þá er loksins komið í ljós, hverjir telja sig eiga heiminn ! Nú vitum við það og getum andað léttara.

Mér finnst alltaf auðveldara að fást við sterka andstæðinga en veika. Nú gildir að sýna ekki depurð heldur djörfung. Það er verst, að utanríkis-ráðherrann okkar gengur ekki heill til skógar. Mér heyrðist uppgjafartónn vera í aumingja Ingibjörgu.

Nú eigum við að slíta stjórnmálasambandi við þær þjóðir sem beita okkur bolabíts-brögðum. Við eigum að semja tafarlaust við Rússa um varnir og hefja endurskoðun á aðild okkar að NATO.

Það eru þjóðir í heiminum sem eru upp á kant við Engil-Saxa og við eigum tafarlaust að hefja viðræður við þær. Eigum við ekki að byrja að tala við þá sem eru á sama lista og við hjá Bretum ?

Ætli við séum ekki loksins hætt að lifa um efni fram ? Húrra !