Mismunað sem Íslendingi

 

 

Talsmaður neytenda, Gísli Tryggvason, er að leita að haldbærum tilfellum á mismunun . Jæja, lesið þið þá þetta:

nýlega var ég síðla sunnudags staddur í sjoppu Pakistana hér í hverfinu mínu í Danmörku. Þar hef ég oft verslað. Ég er alveg viss um að hann grunaði mig um að vera Íslending og sá efnahagshrunið fyrir. Ég þurfti að kaupa "krem fress" í skyndingu, sem kostaði 14 DKK. dollan. Þá segir hann "Du kobe fur havtruds (50)  krunner". Hann meinti að lágmarks kaup í versluninni væru 50 krónur. Ég hváði og varð svo móðgaður og spurði hvort hann væri með plön um að eyðileggja reksturinn hjá sjálfum sér.  Ég beindi síðan kaupum mínum til Shell bensínstöðvar sem selur matvörur og fékk meira að segja lífrænt krem fress á hagstæðu verði. En mig grunar auðvitað að Pakistaninn hafi gert þetta vegna þess að ég er Íslendingur. Pakistanar voru lengi í umsjá Breta og hafa auðvitað lært dónaskapinn af þeim.

Langsótt, en ég nú einu sinni Íslendingur.....

Fyrir um það bil tveimur árum sótti ég um stöðu á Þjóðminjasafni Dana. 8 sóttu um og dómnefnd var sett á laggirnar. Ég var einn þeirra þriggja sem "dæmdir" voru, og heldur harkalega að því er mér finnst. Ég fékk afrit af umsögninni eins og hinir þrír, án þess að geta séð hverjir þeir væru. Í umsókninni um mig var allt gott og blessað, ég var meira að segja með hærri prófgráðu en sú sem fékk stöðuna. En það sem mér var lastað fyrir var þetta. "Han har i de senere år mest beskæftiget sig med jøder".  Þar var líklega átt við, að ég hef skrifað bækur og greinar um afdrif gyðinga og annarra sem dönsk stjórnvöld sendu úr landi 1940-43, og starfa í ýmsum félögum innan gyðingasafnaðarins í Kaupmannahöfn.  Trú mín og önnur störf er auðvitað ekki mikið tengt þeirri fræðigrein sem ég er menntaður í og því starfi sem ég sótti um.  Þetta kalla ég mismunun.  Fyrrverandi þjóðminjavörður Dana, Olaf Olsen, er reyndar gyðingur, en hann hefur aldrei haft sig mikið í frammi sem slíkur. Hann hefði nú örugglega ekki úthýst mér með fyrrnefndum rökum.

Haldið ykkur enn fastar: Þegar ég missti stöðu mín á Þjóðminjasafni Íslands árið 1996, upplýsti fyrrverandi þjóðminjavörður þetta. "ekki er framvegis óskað eftir störfum þínum á Þjóðminjasafni Íslands" . Ætli "sök" mín hafi verið í samræmi við þann Stóradóm, sem kveðinn var upp af manni sem aðeins kunni að stýra fjármálum safnsins í strand?  Ég held ég sé eini Íslendingurinn, sem settur hefur verið í ævilangt ("framvegis") atvinnubann, m.a. vegna skoðana minna á hæfileikalausum stjórnanda, sem síðar var settur af.  Það kalla ég líka mismunun.

Vita Íslendingar hvað mismunun er? Þeir ættu nú að gera það, þar sem þeir hafa sumir hverjir stundað hana sjálfir í mörg ár.

Athugasemdir

[Ragnhildur Kolka, 22.10.2008 kl. 10:13]

Fordómarnir liggja alltaf hjá öðrum. Þegar við gerum eitthvað á hlut annarra þá er það kallað að virkja dómgreindina.

[Vésteinn Valgarðsson, 22.10.2008 kl. 13:24]

Settur af? Hvað meinarðu, varð hann ekki þriðji forseti lýðveldisins?

[Vilhjálmur Örn Vilhjálmsson, 22.10.2008 kl. 13:50]

Nei Vésteinn, og ég fyrirgef þér vanþekkingu á sögunni. Ef Kristjáns hefði notið við, hefði nú verið annað upp á teningnum. Þar fór eðalmenni, stórmenni og góðmenni í einum og sama manninum. En í einu af þeim fáu tilvikum sem hann gerði mistök á ævinni, setti hann algjörlega hæfileikalausan mann í embætti sitt áður en hann gerðist sjálfur forseti lýðveldisins. Hann sá reyndar eftir því.

[Vésteinn Valgarðsson, 23.10.2008 kl. 02:38]

Ég hélt að þú hefðir haft einhverjar skoðanir á skoðunum Kristjáns á Miðhúsasilfrinu. Er það bara vitleysa?

[Vilhjálmur Örn Vilhjálmsson, 23.10.2008 kl. 04:24]

Vésteinn, Dr. Kristján Eldjárn dó árið 1983. Silfurmálið svokallaða, sem sonur hans var reyndar virkur þáttakandi í, var því ekki tengt honum. Hann skrifaði ekki um sjóðinn, heldur var það fyrrnefndur þjóðminjavöður, sem tók við embættinu er K.E. varð forseti. Svo er það stór misskilningur, að brottvísun mín úr starfi á Þjóðminjasafni Íslands hafi verið vegna skoðana "minna" á silfri eða skoðana á skoðunum K.E..

Kristján tjáði mér að honum hefði alltaf fundist skrítið hve vel varðveittur sjóðurinn var, er hann fannst óáfallinn í jörðu. Það þykir mönnum enn um allan heim. En íslendingar eiga, eins og kunnugt er, erfitt með að heyra sannleikann. Eins og glögglega hefur sést síðustu dagana.

Menn sem haldið hafa öðru fram fram opinberlega, hafa ekki sett sig nægilega inn í málið. Vafinn um silfrið voru reyndar skoðanir bresk sérfræðings, Próf. James Graham-Campbells, sem Þjóðminjasafnið kallaði til Íslands til að rannsaka sjóðinn, og því var ekki hægt að reka mig fyrir þær. En í sjálfstæðisflokksklíkunni, sem þú ert uppalinn í, og sem rak mig fyrir að gagnrýna vonlausan stjórnanda sem ekki hafði neina reiðu á fjármálum þeirrar stofnunar sem hann leiddi, er auðvitað tönnlast á þessu, líkt og öðrum meinlokum og ímyndunum.

[Vilhjálmur Örn Vilhjálmsson, 23.10.2008 kl. 04:57]

Jón Arnar, sem tilkynnti það fyrir fall Íslands, að hann ætlaði að gerast Dani til að geta kosið danska íhaldið, sjá hér, er greinilega líka hallur undir annað. Þessi nýjasta opinberun hans gæti valdið honum vandræðum ef hann ætlar að hlaupast undan merkjum.

[Vésteinn Valgarðsson, 23.10.2008 kl. 05:07]

Það getur vel verið skrítið með silfrið, ekki er ég neinn sérfræðingur í miðaldasilfri. Ég veit hins vegar að stjórnendur eru misjafnir, þótt ég þekki ekki til í innviðum Þjóðminjasafnsins. Reyndar er ég enginn sérfræðingur í innviðum Sjálfstæðisflokksins heldur, þótt ég sé skyldur flokksbundnum Sjálfstæðismönnum.

Hvers vegna breyttirðu annars þinni eigin athugasemd sem var hérna áðan?

[Vilhjálmur Örn Vilhjálmsson, 23.10.2008 kl. 05:21]

Er Vesteinn andvaka á morgunnvaktinni á Íslandi? Mönnum leyfist nú að breyta um skoðanir, ef það er innan 5 mínútna og jafnvel þótt lengri tími hafi liðið. Ég vildi ekki ég vera með neina fordóma, eins og þú sást. Jón Arnar "for"dæmir sjálfan sig.

[Vésteinn Valgarðsson, 23.10.2008 kl. 05:36]

Gott og vel. Ég sé samt ekki að það þjóni neinum tilgangi að hafa þetta á þessu plani. Er þér nokkuð uppsigað við kynhverfa?

Nei, ég er ekki andvaka. Ert þú andvaka?

[Líney, 23.10.2008 kl. 13:16]

Forvitnilegt

[Vilhjálmur Örn Vilhjálmsson, 23.10.2008 kl. 13:51]

Uuuuh, Vésteinn, nú veit ég ekki hvert þú ert að fara. Ekki vissi ég að neinn þjóðminjavörður hefði verið kynhverfur. Hef ekkert á móti góðum kynvillingum... Þeir geyma mismunandi mann og konu, eins og allir. En ég tel hins vegar ekki hollt fyrir unga menn að vera á fótum kl. fimm að morgni (það kemur ekkert kynhverfu við, en ég verð að skrifa þetta, því þú er svoddan sparðatínari). Ég var hins vegar á löglegum fótaferðatíma hér í Danaveldi. Fór á fund inni í Kaupmannahöfn. Þar var einn kynhverfur, og allir voru góðir við hann.

[Vésteinn Valgarðsson, 24.10.2008 kl. 05:14]

Ekki veit ég neitt um kynhneigð núverandi eða fyrrverandi þjóðminjavarða og er líka alveg sama um hana. Ég átti ekki við það, heldur hvað þú værir að fara með bleiku letri o.þ.h.

Þakka þér fyrir umhyggjusemina, en hafðu ekki áhyggjur af því þótt ég sé vakandi.

[Vilhjálmur Örn Vilhjálmsson, 24.10.2008 kl. 07:08]

Hvað er þetta, allt letur á minni tölvu er bleikt. Er eitthvað að tölvunni þinni.

[Vésteinn Valgarðsson, 24.10.2008 kl. 07:32]