Ráðherrann okkar í New York

 

 

Utanríkisráðherrann er enn að leika forsætisráðherra, fjármálaráðherra, dómsmálaráðherra og viðskiptamálaráðherra, og heldur blaðamannfundi á götum úti í New York.

Hún vill enn ólm í Öryggisráðið og segir meira að segja að Brown hafi hjálpað okkur til að komast þar inn.

Er Ingibjörg ekki í þeirri ríkisstjórn, sem ráðlagði breskum sérfræðingum að stinga skýrslu undir stól?

Ef svo er, ættum við að krefjast afsagnar utanríkisráðherrans, því hún heldur því staðfast fram, að það sé "samflokksmaður" hennar, kratinn Gordon Brown, sem hafi komið Kaupþingi á hné.

Öll kurl eru ekki komin til grafar.

Athugasemdir

[Sigurður Þórðarson, 15.10.2008 kl. 23:17]

Vilhjálmur, ég get vel skilið að námsmenn taki einhvern þátt í stjórnmálastarfsemi þess ríkis sem þeir búa í. En er ekki skrítið að ráðherrar séu jafnframt skráðir í stjórnmálaflokka í öðrum ríkjum en þeim sem þeir eru ráðherrar fyrir?

[Kjartan Pétur Sigurðsson, 16.10.2008 kl. 04:35]

Það á að hætta þessu flottræfilsbulli sem er í kringum Öryggisráðið.

[Sigvaldi Eggertsson (IP-tala skráð) 17.10.2008 kl. 17:28]

Til hamingju.

Þær gleðifréttir voru að berast að umheimurinn hafði vit fyrir okkur í sambandi við þessa Öryggisráðsvitleysu

Því miður urðum við ekki þeirrar gæfu aðnjótandi miklu fyrr.

 Sigvaldi

[Loftur Altice Þorsteinsson, 18.10.2008 kl. 17:27]

Eru ekki Íslendskir kratar alltaf að monta sig af góðu sambandi við erlenda krataflokka ? Fróðlegt væri að vita hvaða ályktanir Samfylkingin hefur sent Gordon Brown og Alistair Darling, um hryðjuverkaárás Bretanna gegn okkur. Getur verið að einungis Össur steyti hnefann að Bretsku krata-bullunum ?

Raunar má spyrja alla Íslendska sjórnmálaflokka sömu spurningar. Hvaða ályktanir stjórnmálflokkanna hafa verið sendar erlendum samstarfsflokkum ? Ég hef ekki heyrt af einni einustu !

[Sigurður Þór Guðjónsson, 20.10.2008 kl. 16:48]

Er sá sem hér var vanur að blogga nokkuð hrokkinn upp af standinum!

[Vilhjálmur Örn Vilhjálmsson, 21.10.2008 kl. 05:43]

Sæll Sigurður, það er svo leiðinlegt að blogga í kreppu. Maður fær krampa og krísu, klígju og kláða, kvef og kvíða, kvein og kvartanir.

Miklu betra að blogga um veðrið. Kannski blogga ég um danskt veður, og læt Íslendinga vita þegar Danir kenna Íslendingum um lægðirnar sem koma alla leið frá Íslandi, um leið og veðurfræðingarnir benda út fyrir kortið.

[Vilhjálmur Örn Vilhjálmsson, 21.10.2008 kl. 05:48]

En ég er glaður yfir því að Ísland komst ekki í Öryggisráðið. Öryggið heima fyrir leyfir það ekki.