Þjóðarsjálfsmorð?

 

Dr. Þórólfur, er þetta Þjóðarsjálfsmorð? Líklegast er það nú ekki, en myndin hér af ofan lýsir ágætlega ástandinu fram að grein þinni, eða er þetta það sem koma skal?

Ég er að reyna að koma frá mér bók um afdrif fjölskyldu í gettóinu í Varsjá 1940-42, sem byggir á fjölda bréfa til sagnfræðingsins Stefans Glücksmans sem kom til Danmörku árið 1939 frá Varsjá en var síðar myrtur í Póllandi með hjálp danskra yfirvalda, sem sendu hann úr landi af þjóðhagslegum ástæðum. Danir eru alltaf svo nøje regnende.

Ég skammast mín dálítið, eins og Jónas Kristjánsson, fyrir þjóð mína, og líka þegar ég leyfi mér að gera samanburð á Íslendingum og gyðingum í gettói. Það er óréttlátt gagnvart báðum hópum.  Íslendingar eru ekki í hers höndum og standa ekki frammi fyrir útrýmingu. Þeir geta aðeins sjálfum sér um kennt ef þeir gera ekki algjört eignarnám á eigum þeirra sem sköpuðu vandann. Skuldir þeirra höfum við erft, en lausafé þeirra er verið að smygla burt úr landinu af kerlum og börnum glæpamannanna.

Ástandið verra en þjóðargjaldþrot

Athugasemdir

[Sigurður Þórðarson, 13.10.2008 kl. 07:55]

Já Vilhjálmur ég er agndofa. Hvað getur maður sagt?

[Kjartan Pétur Sigurðsson, 13.10.2008 kl. 09:28]

Getur verið að myndin með blogginu hjá þér lýsi vel hvernig ástandið í flokkapólitík hefur verið á Íslandi fram til þessa?

[Sigurjón, 13.10.2008 kl. 11:20]

Getur verið að þú sért að mála skrattann á vegginn?

[Sigurður Þór Guðjónsson, 13.10.2008 kl. 12:59]

Íslendingar eru ekki í hers höndum og standa ekki frammi fyrir útrýmingu. Þeir geta aðeins sjálfum sér um kennt ef þeir gera ekki algjört eignarnám á eigum þeirra sem sköpuðu vandann. Skuldir þeirra höfum við erft, en lausafé þeirra er verið að smygla burt úr landinu af kerlum og börnum glæpamannanna.

Og svo er biskupinn óbeint að hvetja til að þessir kallar verði látnir sleppa í nafni samstöðu og umhyggju. Það er kristileg vemmilegheit eins og þau gerast lágkúrulegust . Þá vil ég nú fremur froðufellandi Jahve, eða hvað hann nú heitir, sem gjöreyðir hinum illu og óguðlegu. 

[Vilhjálmur Örn Vilhjálmsson, 13.10.2008 kl. 13:27]

Sigurður Þór, biskup er greinilega ekki valdaður af peðum. Hann má missa sig. Ég held fast í riddara réttlætisins.