Egill gefur Jóni Ásgeir IceShave

 

Rúningarmeistarinn Egill Helgason, feitari enn nokkru sinni fyrr, rakaði Jón Ásgeir Jóhannesson í dag í beinni. Egill fann bólu undir barta arma Jóns. Hann vildi snoða Jón, en Jón lét ekki snuða sig, enda orðinn fátækari en rakarinn frá Sevilla.

Smásalinn Philip Green fer illa í Egil, Egill hefur aldrei verið hrifinn af mönnum af kynþætti Greens og telur að Green eigi að splæsa á alla Íslendinga. Þetta er er ekkert grín, þetta er dagsatt. Egill trúir greinilega heldur ekki Jóni Ásgeir, en ég treysti ekki Agli.

Egill Helgason er veruleikafirrtur hlunkur, sem tekið hefur þátt í íslensku átveislunni, þegið óeðlileg laun við það að klappa sumum og gelta á aðra. Nú gjammar hann að fyrrverandi atvinnurekanda sínum eins og ragur rakki sem sligast um eftir að hafa skammbitið og étið heila kind í byrjun Móðuharðindanna. Nú kemst hann í ærlegan horkúr, nema að hann hafi falið einhver súkkulaðistykki á kistubotninum.

Athugasemdir

[Carlos Ferrer (IP-tala skráð) 12.10.2008 kl. 18:38]

Því miður, verð ég að segja, að þótt mér líki ekki tónninn í bloggi þínu, er hann algerlega í takti við tóninn í Agli í dag, þegar hann reyndi að tala Jón Ásgeir meyran. Það sem mér þótti verst var að Egill hafði ekkert nema dylgjur og fordóma að vopni. Mér finnst hafa fallið illilega á silfrið hans Egils.

[Kristján Sveinsson (IP-tala skráð) 12.10.2008 kl. 19:14]

Skömmin þín.

 Nú hló ég með öllum kjaftinum þegar ég las. Holum, dimmum kreppuhlátri.

[Vilhjálmur Örn Vilhjálmsson, 12.10.2008 kl. 19:31]

Ég þori varla að segja það, því síðast er breskur sérfræðingur tjáði sig um silfur á Íslandi, þá féllu dómar. En getur verið að silfur Egils sé silverplate? Það skín að minnsta kosti ekki á það eins og Sterling.

[helgi (IP-tala skráð) 12.10.2008 kl. 20:49]

Svei mér þá ef þetta er ekki rétt hjá þér...

Því allir vilja þeir dansa kringum GullKálfinn.

kv. h

[Loftur Altice Þorsteinsson, 12.10.2008 kl. 20:53]

Viðtalið við Jón Ásgeir hefði getað verið mun áhugaverðara, ef Egill "rakki" hefði getað setið kyrr á rófu sinni. Mér fannst Jón Ásgeir sýna aðdáunarverða stillingu og þrátt fyrir stöðugar truflanir, segja margt sem skiptir máli í stöðunni. Hann á miklar þakkir skyldar fyrir að koma í viðtal, á þessum erfiðu tímum fyrir hann eins og flesta aðra.

Hvað varðar Philip Green, þá verður að hrósa manninum fyrir það ómak að koma hingað til viðræðna. Auðvitað vill hann ekki kaupa eignir Baugs á yfirverði, með viðskiptavild og annari froðu. Er 30% af gömlu markaðsvirði of lágt verð, sem fyrsta tilboð ?

Ég sé ekki annað en staðan sé þannig, að þakka beri öllum sem koma að björgun félaga í eigu Íslendinga. Ef Ríkið, Philip Green og fleirri sameinast um að halda Baugi gangandi, er það gott mál.