Hvíslarinn í Iðnó

 

Íslendingar eru fífl og dónar. Þannig verð ég að túlka hvísl leikhúshvíslarans Haardes á sýningu yfirvaldsins í Iðnó dag.

Lítur forsætisráðherrann svoleiðis á alla Íslendinga, eða á þetta bara við um blaðamenn hjá ríkisfjölmiðli?

Hvað ætli Haarde kalli flóttamennina frá Glitni, Landsbankanum og Kaupþingi? Þeir geta vart verið fífl og dónar, því enn er ekki búið að gefa út handtökuskipunina á þá. Þeir menn, sem valdið hafa mestum usla fyrir Íslendinga síðan land byggðist, ganga um frjálsir ferða sinna.

Haarde er enn ekki búinn að sjá rót vandans, en hann gæti hæglega orðið verulegur hluti hans. Hann verður að taka sig rækilega á, ef við eigum ekki að setja uppi með Ingibjörgu, Steingrím J. og einhverja úr flokki Kindakonungsins. Það yrði nú ókræsilegur ballett.

Myndin er frá fyrri leiksýningu ríkisstjórnarinnar. Davíð Oddsson var þá í hlutverki skipsstýrunnar, en allir bentu á þann seka, over there. Íslendingar elskuðu þá óperettu.

Athugasemdir

[RIP (IP-tala skráð) 9.10.2008 kl. 22:06]

Djöfull geta menn verið viðkvæmir og oftúlkað hluti....og samsæriskenningin er sorgleg en þinn réttur

 Helgi Selja vann svo algjörlega fyrir þessum ummælum í dag og það að Geir hafi viðhaft þau skiptir bara engu máli.

[Jón Steinar Ragnarsson, 11.10.2008 kl. 04:12]

Einhvernvegin finns mér Davíð taka sig vel út í svona þverröndóttum búningi. Kannski ættum hann að ganga í slíku framvegis og útvega honum lítið herbergi með minimalískum decor.