Ísland undir umsjón erlendra sérfræðinga, STRAX!

Úff, það var ekkert andrými í þessum aðgerðapakka.

 

Nú þegar Geir Haarde hefur birst fólkinu sínu aftur eftir löng og erfið fundahöld í Ráðherrabústaðnum, segir hann að ekki sé þörf á aðgerðapakka eftir að hann fékk aðeins meira andrými. 

Geir segir bara hókus pókus simmsalabimm, meðan Danir og Þjóðverjar, já allur heimurinn, gerir ráðstafanir. Ísland ætlar að spyrja hin Norðurlöndin og ESB, og hnuplar svo lífeyri landsmanna.

Eftir kraftaverkið í Ráðherrabústaðnum, er greinilegt að Íslendingar þurfa bráðaaðstoð erlendis frá.

Auðvitað er mjög erfitt að kyngja slíku fyrir þjóð sem alin hefur verið upp í því, að gagnrýni erlendis frá væri frá vondu fólki komin. Síðastliðin ár höfum við séð hvernig allri gagnrýni og aðvörunum frá útlöndum var vísað á bug sem dómadags rugli og vitleysu. Þeir sem tóku undir erlenda gagnrýni voru kallaðir landráðamenn. Eru prófessorar í HÍ og HR, sem gerðu það, starfi sínu vaxnir. Er ekki hægt að spara nokkrar stöður þar? Hvernig í ósköpunum halda menn að þeir fá inngöngu í ESB með slíkan hugsunarhátt?

Mikið er nú annars gott að hafa bloggið. Þetta er hinn besti aðgerðapakki fyrir þjóð í vanda. Hér er alltaf mikið andrými, að minnsta kosti meira en hjá Ríkisstjórn vorri.

Athugasemdir

[Hans Haraldsson (IP-tala skráð) 6.10.2008 kl. 06:32]

Svona nú, þetta verður ekki endir Íslandsbyggðar. Mig minnir til þess að hérna hafi einhvern tímann þrifist mannlíf án Kaupþings.

Við þurfum bara að vona að menn verði ekki nógu miklir jólasveinar til að þjóðnýta skuldirnar. Ég held að það sé töluvert verra að komast í gegn um kreppu með hálfdauða bankarisa í eftirdragi.

[Guðmundur Auðunsson, 6.10.2008 kl. 10:39]

Hvaða "sérfræðinga" ert þú með í huga? Greenspan, sem hefur líklega gert meiri skaða í alþjóðlega fjármálakerfinu en nokkur annar einstaklingur? Sérfræðingana sem eru búnir að væla um "deregulation" ad nausia um árabil? Sé ekki hvernig það hjálpar.

[Vilhjálmur Örn Vilhjálmsson, 6.10.2008 kl. 15:13]

Guðmundur Auðunsson, mér sýnist að þér sé Greenspan ekki vel hugnanlegur. Mikið er athyglisvert að sjá að þér hefur tekist að velja hann einn sem versta skaðræðisgrip í alþjóðlegu fjármálakerfi. Þekkir þú ekki einhverja aðra? Þeir gætu þegið laun Dabba og Có þegar þeir eru hættir í Seðló og það ÁN LOKALAUNA!

Nú þarf ég að poppa og kaupa Coce Zero. Ætla nefnilega horfa á mottu-Geir segja frá Andrými sínu og athafnapökkum. Þín vegna, Guðmundur, vona ég ekki að Greenspan hoppi upp úr þeim pakka.

[Sigríður Hulda Richardsdóttir, 6.10.2008 kl. 16:21]

Ég er sammála þér í því, að það þarf nýja menntaða menn til ráðgjafar. Það gengur ekki að sama liðið og kom okkur á botninn haldi áfram.

Þeir sýnast nú allir greyin eins og höfuðlaus her. Þeir verða örugglega fegnir að fá hjálp erlendis frá.

[Jón Steinar Ragnarsson, 6.10.2008 kl. 23:21]

Eigum við ekki bara að gera blórabögglapakka með andremmu. Ég týni til Friedman, goð Hannesar Hólmsteins, og Laissez  Faire,, allrameinabót og kínalífselexír þess dáðadregngs.

Davíð, sem taldi að myrk öfl stæðu að því að eyðileggja krónuna og benti samsæriskenningin á fjárfestingarbanka í NY, sem varð gjaldþrota í fyrra. Nú og Halldór Blöndal samdi svo drápur um allt.

Hugsaðu þér: Þetta eru hausarnir í seðlabanka Íslands. Er nokkur von að skútan hafi siglt í strand.

[Sigurður Þórðarson, 7.10.2008 kl. 00:22]

Geir virðist hafa verið úti á þekju