Merkisræða

 

 

Á fimmtudaginn var flutti danski stjórnmálamaðurinn Naser Khader merka ræðu í Genf. Þótt ræðan væri ekki á góðri ensku, er hún að mínu mati meistarastykki. Lesið hana hér  eða hér .

Naser Khader, sem er múslími og Palestínumaður, aðvarar okkur í ræðu sinni við þeirri vá sem nú stjórnar nær öllu í daglegu lífi milljóna múslíma um allan heim. Aðvörun hans held ég að sé öllum holl lesning.

Naser er flokksleiðtogi danska þingflokksins Liberal Alliance, (sem áður hét Ny Alliance). Hann tók danska þingið með stormi árið 2007. En síðan flokkurinn komst í Folketinget, hafa illa gerðir gripir í flokknum flúið úr honum, þar sem í ljós kom að leiðtoginn átti erfitt með að vera leiðtogi og var oft meiri lýðræðissinni en þeir sem voru með í að stofna flokkinn.

Ég hef verið að velta því fyrir mér að skrá mig í flokkinn hans Nasers, þó ég sé ekki gjaldgengur til þingkosninga í Danmörku. Líklega verður ekkert úr því. Mér leiðast flokkar. Naser Khader segir hins vegar það sem fáir Danir þora að segja eða heyra. Það sem hann sagði í Genfarborg var sannleikurinn.

Það er oft erfitt að heyra hann.

Athugasemdir

[Helga (IP-tala skráð) 20.9.2008 kl. 12:35]

Það sem Khader segir ætti ekki að koma á óvart. Gróft má skipta múslímum í tvennt: a) þann hóp manna sem eru fyrst og fremst manneskjur og b) þann hóp manna sem eru fyrst og fremst múslímar. Khader hefur sýnt að hann tilheyrir fyrrnefnda hópnum og eins og hann segir í ræðu sinni þá heldur hann trúnni út af fyrir sig. Lýðræðissinnaðir múslímar vita við hvað er að klást og það er e.t.v. þess vegna sem þeir hafa frekar hljótt um sig.

Vegna þess að ég vissi ekki hvað það er sem hann kallar Durban II þá leitaði ég á netinu. Nú verður að bíða og sjá hvort Mannréttindastofnun Sameinuðu þjóðanna hlustar á Khader eða íslamistanna. Það munum við sjá á ráðstefnunni næsta vor.

[Gestur Guðjónsson, 21.9.2008 kl. 13:15]

Takk fyrir þessa ábendingu.

[Helga Guðrún Eiríksdóttir, 21.9.2008 kl. 17:35]

Takk fyrir athygliverða grein. Mig langar að benda á umræður um múslima og umsókn þeirra um lóð undir mosku á Íslandi á www.blekpennar.com

Mbk