Icelandic Plane, Danish Crash Pilot

 

Nyhedsavisen kom ekki í morgun. Íslenska tunnan brast og úr henni valt Morten Lund (sjá mynd).

Samúðaróskir mínar sendi ég starfsmönnum blaðsins sem missa vinnu sína og fjölmenna á kaffihúsum Kaupmannahafnar næstu dagana. 

Mestar áhyggjur hef ég af Pólverjunum, Litháunum og sígaununum sem báru út blaðið, eða hentu því út í runna þegar vel lá á þeim. Nú hafa þeir ekkert að gera. Betl mun aukast á götum Kaupmannahafnar. Smáinnbrotum væntanlega líka. Hvað á fólk annað að gera. Nyhedsavisen, sem stofnað var af Íslendingum, hefur ekki borgað fólkinu laun fyrir águstmánuð.

En stærsta innbrotið var nú líklegast útbrot íslenskra ævintýramanna, sem ætluðu að græða á blaðaútgáfu í samkeppni við stór dönsk dagblöð sem telja allt útlenskt vera hótun við sig. Íslendingarnir fengu ekki að kaupa Berlingske Tidende og svo fór sem fór.

Ævintýrafjárfestirinn og virtual hetjan Morten Lund er greininga vitlausari en ég hélt, nema að hann sé að leika sér með peninga annarra. Þegar hann tók við meirihlutanum á Nyhedsavisen, tapaði blaðið um 1 milljón DKK á dag.  Hann á nú "meirihlutann", ef hann er einhvers staðar að finna. Hann er þó enn vel tengdur Fróni, giftur íslenskri konu, Hlín Mogensdóttur. Lund hefur áður sett fyrirtæki á hausinn, t.d. Mediekompagniet. Var tengdur Crash Pilots og annarri ævintýramennsku, en græddi á því að setja peninga sína (og annarra) í Skype-bréf.

Nú hefur greinilega saxast á auðinn og Nyhedsavisen, sem átti að vera byrjunin á heimsveldi í fjölmiðlun, hefur verið lokað - er bankerot eins og Danir kalla þessa íþrótt, sem heitir að fara á hausinn á Íslandi.

Ekki nema von að Neo-klassíski "serial entrepreneurinn" Lund, sem líka er prófessor í Reykjavik samkvæmt Wikipedíu, sé spældur á myndinni, en börnin hans sem líka gretta sig á myndinni eru hálfíslensk og ekki er það ónýtt. Eins og Lund, sem ekki er sleipur í ensku, skrifar á vefsíðu sinni:"Kids makes Life good".Það á líka við börn sem ekki eiga foreldra, sem eru eins virtual og Morten Lund og Nyhedsavisen. Til að sjá hvernig málin stóðu hjá Nyhedsavisen fyrir rétt rúmum mánuði, lesið þetta. Hvað ætli Lund kenni í Reykjavík? Töfra og loftkastala?

Stoðir (sem hét reynda áður FL group), átti líka í Nyhedsavisen og verða nú að afskrifa heilmikið eins og pólsku blaðburðamennirnir sem Morten Lund hefur snuðað um laun. Stoðir eru víst orðnar af aumum rekavið, en eiga veð í öllum eignum Morten Lunds.  Morten hlýtur að þurfa að flytja í raðhús eða 2ja herbergja íbúð en Stoðarfólk á örugglega enn fyrir utanlandsferð.

Útgáfu Nyhedsavisen hætt

Athugasemdir

[Vilhjálmur Örn Vilhjálmsson, 1.9.2008 kl. 11:03]

Reiður Pólverji, Stanislav Gorczynski, dansar á síðasta eintaki Nyhedsavisens. Stanislav hefur unnið í mánuð án þess að fá laun.

Morten Lund, Íslandsvinurinn sem hrapaði íslensku þotunni í Kaupmannahöfn, er miður sín og notar orði "fuck" óspart. Það myndi ég líka segja ef ég sem flugmaður bjargaði sjálfum mér og dræpi alla farþegana.

Hann lýsir því t.d. yfir að þetta væri "fucking min skyld" http://www.business.dk/article/20080901/medier/80901101/

En er nú allt Morten og bjartsýni hans að kenna?

[Vilhjálmur Örn Vilhjálmsson, 1.9.2008 kl. 16:56]

Nú herma fréttir, að lélegir endurskoðendur eigi sök í því að Nyhedsavisen endaði lífdaga sína fyrr en öll sólarmerki sýndu

http://www.dr.dk/Nyheder/Penge/20080901171011.htm

[Kristján Sveinsson (IP-tala skráð) 1.9.2008 kl. 20:18]

Ja, þar fór í það veraldlega. Nyhedsavisen lenti þá úti í skurði eftir allt. Ekki bara einn baggi eins og þú hefur bloggað um, heldur hele lortet. (Forláttu orðbragðið á æruverðugu bloggi þínu.) Hvað olli þessari kollsteypu? Eitt sjónvarpsfyrirbæri hérna lagði upp laupana vegna fréttakreppu. Átti að senda út allan daginn með sjóðheitum fréttum og leiftrandi fréttaskýringum. En publikum varð svo þreytt á „köttur bítur hund í Austurbænum-fréttum“ og eftirfylgjandi viðtali við dýralækni, sálfræðing, dýrafræðing, atferlisfræðing, talsmann hundbitinna og formann hagsmunasamtaka kattbitinna, hund og kött og kött og hund— að heila klabbið fór í hund og kött. Jæja.

Er nokkuð „nyhedskrise“ í DK?

[Vilhjálmur Örn Vilhjálmsson, 2.9.2008 kl. 05:20]

Sæll Kristján, það er alltaf góð frétt þegar blað fer á hausinn og blaðburðadýrin dansa á blaðinu vegna þess að þeir fá ekki laun.

En það leiða er, að þetta blað var nú besta blaðið af ókeypisblöðunum. Fréttirnar í URBAN, Metro og 24 Timer eru ekki blaðamennska, heldur einhver soðningur úr stærri blöðunum og stytt fréttaskot fra Ritzaus og Reuters.

Það er miklu safaríkari fréttirnar í Danmörku. Hér hagar fólk sér eins og hundar og kettir og drepur hvert annað í vímu eða í nafni Guðs hins almáttuga, svo nóg er að skrifa um. Dýralæknar hafa líka nóg að gera með handlegginn á kafi í kýrrassi, svo þeir er eru ekki að blaðra við blaðamenn með kaffieitrun.

Auglýsingaleysið drap ekki Nyhedsavisen.

Ég er nokkuð viss um að öfgabjartsýnin og þekkingarleysið (lélagar markaðsrannsóknir), sem Lund tók í arf frá Íslenskum eigendum Nyhedsavisen hafi verið banaskotið. Kannski er það umhugsunarefni fyrir fjármálafurstana "okkar".