Lágkúra á blog is

 

 

Á Íslandi er það höfuðsynd að styðja Ísrael. Að benda mönnum á að orðræða þeirra er gyðingahatur, ef dæmt er út frá skilgreiningu alþjóðlegra stofnana um það, er höfuðglæpur. Menn vilja hata í friði fyrir athugasemdum mínum.

Á bloggi Hjálmtýs V. Heiðdal safnast saman menn sem hata Ísrael, gyðinga - og nú líka Vilhjálm Örn. Þetta eru menn sem lifa og þrífast í samsæriskenningum. En nú hefur lýðurinn ekki lengur stjórn á sér og Hjálmtýr V. Heiðdal er líka búinn að fara út fyrir velsæmismörk. Ég þurfti að senda forsvarsmönnum moggabloggsins eftirfarandi erindi:

 

Virðulegu stjórnendur Blog.is

Maður nokkur í Reykjavík, sem nýlega ef farinn að blogga og sem heitir Hjálmtýr V. Heiðdal, hefur á bloggi sínu haldið fram sleggjudómum um mig. Í síðustu færslu mannsins þann 7. ágúst kom ein þeirra. Hjálmtýr er búinn að halda því fram í nokkurn tíma að ég hafi bannað hann á bloggi mínu. Það er alrangt.

Í kjölfarið var umræða eins og oft er. Inn í þessa umræðu blandaði sér nafnleysingi, sem kallar sig MIX, sem vildi sýna mér stuðning sinn. Einnig kom inn maður sem kallaði sig "Vinur Vilhjálms Örna sinna", sem á sjúklegan hátt lýsti skoðunum sínum á mér.

Hjálmtýr V. Heiðdal er svo ósvífinn, að hann heldur því fram að ég sé að skrifa undir heitinu MIX og sé með sömu IP-tölu og "Vinur Vilhjálms Örna sinna".

Mig langar ekki til að standa undir slíkum ásökunum frá ríkisstarfsmanni á Íslandi, sem m.a. notar vinnutíma sinn til að skrifa bloggin sín.

Mig langar því að biðja blog.is um að leiðrétta þann leiða misskilning sem Hjálmtýr gengur með um mig og biðja hann líkt og ég hef þegar gert, at taka aftur þá yfirlýsingu sem hann kom með:

En mér þykir það lágkúra hjá Vilhjálmi að reyna að nota þessi nafnlausu innlegg til árása á mig. En hann getur greinilega ekki stillt sig.

Virðingarfyllst,

Vilhjálmur Örn Vilhjálmsson

 

Athugasemdir

[Vilhjálmur Örn Vilhjálmsson, 9.8.2008 kl. 07:39]

Hér er lágkúran: http://gorgeir.blog.is/blog/gorgeir/entry/609054/

[Aðalbjörn Leifsson, 9.8.2008 kl. 08:11]

Já Vilhjálmur þetta er skrýtið fólk og án alls vafa illa innrænt og greindarskert. Enn íslenskur málsháttur útskýrir þessi viðhorf þeirra, en þar segir: "Skíts er von úr rassi" Be blessed not stressed!

[Birgirsm, 9.8.2008 kl. 14:17]

Sæll Vilhjálmur

Ég er að þurrka tárin úr andlitinu á mér, og er ný farin að getað opnað augun aftur, eftir óbeðið kast sem ég fékk af þínum völdum,  kast sem kennt er við hlátur.

En fyrst þú ert að tala um Gyðingahatur, vilt þú þá kíkja sem snöggvast inn á síðuna mína og gefa mér þitt álit á hvort þú teljir mig vera að ráðast á Gyðinga og / eða Ísrael með skrifum mínum.

Ég vil ekki tilheyra þessum vesalingum sem þú átt í höggi við.

[Vilhjálmur Örn Vilhjálmsson, 9.8.2008 kl. 15:41]

adfa

[Vilhjálmur Örn Vilhjálmsson, 9.8.2008 kl. 16:57]

Hugsanlega hafa einhverjir skilað hér inn athugasemdum í dag. En eitthvað tæknilegt vandamál virðist vera á blog.is, sem veldur því að ég get ekki opnað og lesið athugasemdir í stjórnborði.

Ég biðst velvirðingar á því.

Í gærkvöld kl. reyndi svo einhver mannfýla að fá lykilorð mitt hjá blog.is.

Ég tel líklegt að blog.is sé að rannsaka málið.

[ragnhildur kolka (IP-tala skráð) 9.8.2008 kl. 17:15]

Það er gott að heyra að þú hafir sent kvörtun á moggabloggið.  Hvort það ber nokkurn árangur er aftur annað mál.

Eins og þú nefnir sjálfur þá gegnsýrir gyðingahatur nú íslensku þjóðina. Það virðis vera einhvers konar "general concensus" um það og fólk álítur mann greindarskertan ef maður ber blak af þessari langhrjáðu þjóð. Fæstir hafa fyrir því að kynnt sér aðstæður, nánast enginn þekkir einn einasta gyðing og því er bara étið upp það sem áróðursmeistara fjölmiðlanna bera í þá.

Það veit ekki á gott þegar öll vinstri mafían leggst á eitt um að bera út áróður Palestínumanna og hefur fjölmiðlana á valdi sínu. Nú og svo er ekki langt til Evrópu þar sem gyðingar hafa verið ofsóttir í meira en 1000 ár. Hatursbylgjan sem nú ríður yfir var flutt inn til Íslands frá Frakklandi á útmánuðum 2002 í boði Spegilsins og fréttastofu útvarps. Síðan hefur ekkert lát verið á.

Þegar fólk vill ekki vita getur verið ómögulegt að koma sannleika til skila. Ég dáist að því hvað þú hefur verið staðfastur í baráttunni.

[Haraldur Davíðsson, 9.8.2008 kl. 17:28]

Örlög gyðinga í Evrópu stríðsáranna koma framgöngu Zíonista í Ísrael/Palestínu, akkúrat ekkert við.

Að nota helförina til að réttlæta hegðun Davíðsbarna er ósvífið og hræsnisfullt, heimurinn hefur ekki séð gettómenninguna í allri sinni verstu mynd nema í Varsjá, Minsk, Smolensk og......Ísrael.

Hvað lærðu Zíonistar af helförinni ?

Þeir lærðu hvernig á að fara að því að eyða þjóð og menningu, þeir lærðu að svelta fólk og neita því um sjálfsögð mannréttindi, lærðu að kúga fólk með því að meina börnum að ganga í skóla, meina fólki aðgang að vatni, rafmagni, heilsugæslu, bænahúsum, og umheiminum. Slíta sundur fjölskyldur og stjórna með ógn og ofbeldi.

Það passar einhvernveginn ekki að greindur maður eins og þú Vilhjálmur, verjir svona lagað, ég bara næ því ekki.

Nú vil ég taka skýrt fram að ég er ekkert sérstaklega fyrir Hamas heldur, en ekki eru allir gyðingar Zíonistar og ekki eru allir arabar í Hamas, flest er þetta nú líklegast ósköp venjulegt fólk sem vill bara frið, en ofstækismenn úr báðum röðum eru með allt í höndum sér. Umheimurinn ætti að hætta öllum afskiptum og aðstoð á báða bóga, og leyfa þessum brjálæðingum að útkljá sín mál í eitt skipti fyrir öll.

Salaam alaykum/shalom......

[Hjálmtýr V Heiðdal, 9.8.2008 kl. 19:00]

Hér er svar mitt við því sem Vilhjálmur Örn fjallar um í þesu bloggi sínu og birtist á bloggsíðu minni: http://gorgeir.blog.is/blog/gorgeir/entry/609054/#comments

Þetta er orðið meira mál en venjulegur ríkisstarfsmaður getur leyst í sínum vinnutíma.

Við skulum líta yfir farinn veg og skoða málið. Ég blogga um blogg og nefni það að VÖ (Vilhj. Örn) sé „búinn að loka á mínar athugasemdir á sínu bloggi“

Þetta ályktaði ég eftir að hann útilokaði 3 eða 4 síðustu athugasemdir sem ég sendi inn á hans blogg. Inn á mitt blogg mæta tveir nafnlausir aðilar. Sá sem kallar sig MIX skrifar: „Mér finnst ekki skrítið að þú sért bannaður á síðu Vilhjálms. Sorinn sem kemur frá þér og gyðingahatrið er svakalegt, og allir sem ekki deila þínum skoðunum fá yfir sig skítkast og leiðindi frá þér“.

Annar, sem nefnir sig Vinur Vilhjálms Örna sinna sendir VÖ ljótar kveðjur og talar um þátt VÖ í manndrápum. Ég skrifa um þessi innleg: „Heimskulegustu innleggin í þessari bloggsyrpu koma frá skúmaskoturum. Ég gæti neyðst til þess að taka upp ritstjórn líkt og Vilhjálmur Örn. Ég sé ekki neinn tilgang í því að hér birtist skrif í þeim stíl sem „Mix“ og sá sem kallar sig „Vin Vilhjálms“ ástunda. Þetta er fólk með vandamál sem koma venjulegum skoðanaskiptum ekkert við“

VÖ skrifar þá:

„Týri, mikið ertu heppinn að eiga svona góða vini…. Er þessi vinur þinn að rugla einhverjum vini sínum í barnaníðingafélagi Íslands við mig?... Það selst sem gull, Týri, þegar vinir þínar væna mig um morð og um að stinga nammi upp í litla munna þegar mömmur sjá ekki til. Mikið er hægt að segja um blogg þitt, Heiðdal, en það hefur marga lesendur á Kleppi.“

Hér tengir VÖ blákallt saman fólk, sem ég tel að eigi ekkert erindi í venjuleg skoðanaskipti, við mig og nefnir þá vini mína. Í þeim eina tilgangi að gera mig og mín skrif tortryggileg. Ég bregst við því og skrifa: „En mér þykir það lágkúra hjá Vilhjálmi að reyna að nota þessi nafnlausu innlegg til árása á mig. En hann getur greinilega ekki stillt sig“.

Undan þessu kvartar VÖ við stjórn Moggabloggsins og krefst þess að ég dragi þetta til baka.

Og VÖ gengur lengra:„ Heiðdælir og aðrir grýlutrúarmenn og sæmsærisrugludallar verða að bíta í það súra epli að ásakanir þeirra í minn garð hér á bloggsíðu kvikmyndagerðamannsins eru út í hött.

Þær eru líka alvarlegar og sérstaklega þegar Ritstjórinn hér Hjálmtýr V Heiðdal sem er búinn að vera með skítkast gegn mér vegna baráttur sinnar fyrir Palestínumenn heldur því blákalt fram, að ég sé einhver MIX og eða "Vinur Vilhjálms".

Hið rétta er að það er Jón Steinar Ragnarsson sem skrifar: „Það mætti halda að Villi sjálfur stæði á bakvið þessa IPtölu meints vinar“ og Björn Þór Heiðdal bætir við „Ég sé ekki betur en Vilhjálmur, Mix og þessi vinur hans séu sama persónan eða allavega sammála um að snúa mikilvægri umræðu upp í eitthvað grín.“

Eins og sjá má þegar menn lesa allar athugasemdirnar þá nefni ég hvergi möguleg tengls VÖ við þessa nafnlausu bloggara.

Endalausar upphrópanir um skítkast og gyðingahatur er það krydd sem VÖ og fleiri skoðanabræður hans notast við þegar þeir deila við þá sem eru ekki sammála þeim varðandi málefni Ísrael og Palestínumanna. Miðað við hve ósparir menn eins og VÖ eru á slíka dóma um annað fólk þá þykir mér það skondið að hann skuli fara fram á afsökun frá mér á orðum sem eru aðeins bein ályktun af því sem hann hefur skrifað undir eigin nafni.

[Vilhjálmur Örn Vilhjálmsson, 9.8.2008 kl. 19:21]

Maður lifandi, nú er óvirðingin komið á það stig að ég heiti VÖ. Ekki hægt að skrifa nafn mitt fullum fetum.

Hjálmtýr, þú skrifaðir blogg, sem var bein árás á mig og Ísraelsríki. Þú æstir upp alls kyns fólk og skrif þín leiddu að lokum til þess að frændi þinn, og vinir í trúnni á betri heim án gyðinga, gerðu því skóna að ég, MIX og sjúki vinu þinn sem vændi mig um barnaníð, værum einn og sami maðurinn.

Þú bættir svörtu ofan og grátt og skrifaðir "En mér þykir það lágkúra hjá Vilhjálmi að reyna að nota þessi nafnlausu innlegg til árása á mig. En hann getur greinilega ekki stillt sig".

Ég hef ekki ráðist á þig. Þú skrifaðir með ásökunum á hendur mér sem ekki voru undirbyggðar og kannt ekki að taka afleiðingum gerða þinna, Hjálmtýr.

Þú styður hryðjuverkasamtök og það sem þú hefur skrifað í mörgum af þínum 29 færslum og inn á blogg annarra er gyðingahatur samkvæmt skilgreiningu alþjóðlegra stofnanna.

Málið er einfalt, þú þarft greinilega að styðja Palestínuþjóðina með gyðingahatri og afarkostum fyrir gyðinga. Það kemur reyndar ekki á óvart. Það er líka stundað af Palestínumönnum og var það líka fyrir stofnun Ísraelsríkis. Gyðinghatur var líka landlægt á Íslandi fyrir stofnun Ísraelsríkis. Það er ekkert nýtt undir sólinni.

Ég hef ekki útilokað athugasemdir frá þér. Ef menn skrifa um eitthvað annað en efnið fjallar um, er það réttur minn að birta það eða hafnað. Hefur þér aldrei verið hafnað, Hjálmtýr minn. Farðu að venjast því.

[Vilhjálmur Örn Vilhjálmsson, 10.8.2008 kl. 13:09]

Nú er kerfi bloggsins víst komið í lag. Ekki sé ég þó öll kommentin sem menn halda fram að þeir hafi sent og að ég eigi að hafa hafnað - eða jafnvel bannað þá þeirra vegna.

Ég þakka þeim sem hafa skrifað, sérstaklega þér Rannveig Kolka. Ég hef víst misst af þessu með Spegilinn og Fréttastofu Útvarps. Hvað gerðist árið 2002? Jú vissulega hlýtur eitthvað að hafa gerst. Þetta var ekki svona slæmt fyrir 1980, þegar ég flutti burt af landinu. Mér fannst ég hins vegar heyra meira og svæsnara hjal eftir 1992, en með Internetinu hafa sumir menn komist á flug. Ekki ætla ég þó að kenna þessum góða miðli um innrætingu manna.

Birgir, ég skil ekki alveg hvert þú ert að fara. Mér finnst Jón Valur svara þér ágætlega. Hvað finnst þér sjálfum? Ertu sjálfur ánægður með það sem þú skrifar?

Annars hafa gyðingar svo sem fengið að heyra þessa romsu þína síðustu 1800 árin eða svo, og svo um munar. Þeir hafa verið drepnir vegna þess að þeir "þekktu ekki kallið", þeir hafa verið brenndir af rannsóknarréttinum vegna þess að þeir "þekktust ekki kallið" og myrtir milljónum saman vegna þess að kristnir viku frá "kallinu" vegna hrifningar á litlu illenni með yfirvaraskegg.

Annars leggja gyðingar annar skilning í hugtakið Am Nivchar en sumir kristnir og taka það ekki allir eins bókstaflega. Ég tengi menn venjulega hingað til að skýra út Am Nivchar fyrir þeim sem "þekktu vitjunartíma sinn". Ég vona að það geti opnað augu þín Birgir. Lifðu heill.

[Vilhjálmur Örn Vilhjálmsson, 10.8.2008 kl. 13:16]

Þeir sem misstu sína nánustu í Helförinni eru líklegar dómbærari en þú, Haraldur Davíðsson, á hvað þýðingu Zíonisminn hefur fyrir þá.

Margir sem lifðu af, völdu ekki Ísrael, dreifðust um jörðina og þurftu að lifa áfram við vanvirðu og vanþekkingu annarra á gyðingdómi.

Ísraelríki er hins vegar staður, þar sem sameinuð þjóð Ísraels getur lifað.  Það hefur ekki reynst auðvelt og vilja margir hana enn feiga.

Mér sýnist þó Haraldur, að þú sért búinn að afgreiða bæði gyðinga og Palestínumenn og viljir að þeir berjist á banaspjót án afskipta umheimsins. Þá ættir þú ekki að hafa lokið erindi þínu með friðaróskum.

[Vilhjálmur Örn Vilhjálmsson, 10.8.2008 kl. 18:13]

Ragnhildur Kolka, ég biðst afsökunar á því að ég kallaði þig Rannveigu.

Hjálmtýr Heiðdal, ríkisstyrkþegi með meiru, geri sér miklar skoðanir á okkur hér.

Heiðdal segist vera með blogg, sem einnig kallast "gorgeir", sem hann helgar Palestínuþjóðinni og mikilli baráttu sinni fyrir hana. Þrátt fyrir það er ég og gyðingaþjóðin orðin helsta umtals- og viðfangsefni á bloggi Hjálmtýs.