Farðu og keyptu betri bíl, á bílasölu Ögmunds !

 

 

Ögmundur Jónasson er öfgamaður. Hann styður Hamas, og þegar komið er í óefni í efnahagslífi Íslendinga vill hann að forstjórar selji bílana sína og fari niður í tekjum. Sjá hér.  Hann telur ástandið einnig geigvænlegt í ríkisgeiranum og mælir með því að pumpað sé peningum í ríkisstofnanir til að koma í veg fyrir uppsagnir.

En hverju skipta eiginlega nokkrir bílar í tengslum við efnahagskreppu? Eiga forstjórarnir að selja bílana sína öðrum forstjórum, eða í hverju liggur þessi Ögmundarlausn? Er ekki nær að svínskatta fyrirtæki forstjóranna, þjóðnýta fyrirtækin og senda þá upp í sveit til að læra að vinna almennilega vinnu.

Sala á glæsikerrum forstjóra, til annarra forstjóra, er ekki lausn á efnahagsvandanum? Ekki frekar en innganga í EBE eða upptaka evrunnar í stað krónunnar. Þetta eru allt saman skammtímalausnir sem Íslendingar eru nú orðnir annálaðir fyrir. Það er ekki hægt að fá pillur við öllu. Þarmahreinsun breytir heldur engu. Fávitaleg bjartsýni og hálfkveðnar vísur eru og hafa lengi verið vandi Íslendinga. Allsherjar hugafarsbreytingar er þörf.

Hvað með að stöðva Sirkus Öryggisráð? 300.000 manna þjóð hefur ekki efni á slíkum flottræfilshætti. Þar myndu falla til ófá bílverðin ef Ingibjörg Sólrún gæti hætt bruðli sínu. Ef hætt væri efnahagslegum stuðningi við þjóðir sem stunda hryðjuverk og borgarastríð, væri mikill greiði gerður skattgreiðendum á Íslandi.

Íslendingar verða að fara að hugsa með höfðinu ekki í loftinu. Og svo gæti Ögmundur líka farið dálítið niður í launum. Á hann ekki Volvo? Skoda Fabia er alveg nógu góður fyrir hann

Athugasemdir

[Hrafnkell (IP-tala skráð) 4.8.2008 kl. 13:39]

Innganga í ESB og Evran skammtímalausn? Er það ekki meira svona langtímalausn???

[Sigurður Sigurðsson, 4.8.2008 kl. 17:08]

Þú átt eftir að verða afar leiðinlegt gamalmenni Vilhjálmur.

[Rauða Ljónið, 4.8.2008 kl. 17:28]

Sæll. Góður.

[Sigurður Þór Guðjónsson, 4.8.2008 kl. 18:37]

Í allri auðmýkt: Mér finnst að eigi að gera auðjöfrana höfðinu styttri.

[Vilhjálmur Örn Vilhjálmsson, 4.8.2008 kl. 18:41]

Sigurður, sækjast sér um líkir. Má ég ganga í klúbbinn þinn?

[Vilhjálmur Örn Vilhjálmsson, 4.8.2008 kl. 18:46]

Sigurður, að betur athuguðu máli og ef tekið er tillit til þess að þú fæddist í höfðinu á geðklofabloggara í gær, er ég líklega gamall og leiðinlegur. Við getum ekki öll verið góðir grínarar eins og þú.

[Skúli Skúlason (IP-tala skráð) 4.8.2008 kl. 21:33]

Skyldi Ögmundur geta unnið fyrir sér með bílasölu?

[Þór Sigurðsson, 5.8.2008 kl. 02:51]

Jafnan svara ég ekki svona bloggpóstum, en ég verð að segja að innan um allt gallið leynist perla.

Það er nefnilega þannig að samkvæmt OECD, þá eru lægstu skattar á fyrirtæki í heiminum (18%) á Íslandi.

Það væri því ekki úr vegi að skattleggja þau fyrirtæki sem sýna óeðlilega háar tekjur miðað við verðmætasköpun - tildæmis mætti byrja á bönkunum ?

[Snorri Bergz, 5.8.2008 kl. 06:40]

Flott mynd af Ögmundi. En hvar hefurðu verið Villi, í fríi án þess að láta menn vita?

[Vilhjálmur Örn Vilhjálmsson, 5.8.2008 kl. 10:32]

Sæll Snorri,

ég leyfði mér að fara í smá frí með fjölskylduna á sveitabæ á norðausturströnd Ölands (Eylands) í Eystrasalti. Það var gott að fara í sænska menningu. Þetta var hálfgerð sólarlandaferð. 27-30 stiga hiti á hverjum degi.

Mér finnst jakkinn vera mjög nettur fyrir Ögmund. Hann lýsir innstu hugsunum hans og órum.