Er fótbolti uppbyggileg íþrótt ?

Einn af þeim sem yngist allur upp ef knattspyrna er annars vegar er stríðsglæpamaðurinn Milivoj Asner, sem framdi hræðilega glæpi gegn mannkyninu í Króatíu í síðari Heimsstyrjöld. Asner sem býr í Klagenfurt í Austurríki er 95 ára, en það aftrar honum ekki frá því að fara á völlinn, þar sem lið Króatíu hefur haft aðsetur meðan að Evrópumótinu í knattspyrnu fer fram.

Breska blaðið SUN náði í karlinn þar sem hann spókaði sig um götur borgarinnar með frú Edeltraud upp á arminn. Hann gekk meira en mílu án stafs og stoppaði á kaffihúsum og ræddi við menn um leikinn, drakk vín og kaffi.

 

 

 

Blaðamaður Sun fylgdi eftir og filmaði glæpamanninn og hér má lesa um það. Þegar  blaðamaðurinn spurði hann til nafns, staðfesti karlinn að hann væri Milivoj Asner, en sagðist aldrei hafa snert hár á höfðu nokkurs mann. Það er er þekkt viðkvæði hjá stríðglæpamönnum

Dr. Efraim Zuroff forstöðumaður Simon Wiesenthal Stofnunarinnar í Jerúsalem, segir:

"Austurríki hefur lengi verið annáluð paradís fyrir stríðsglæpamenn. Ef maðurinn [Asner] er nógu hraustur til að labba í bæinn og drekka vín, er hann nógu hraustur til að standa  reikningsskil gerða sinna"

Zuroff mun nú enn einu sinni krefjast þess að Asner verði framseldur.

Við verðum að vona að Íslenska sendinefndin í Vín, sem oft hefur tekið þátt í ráðstefnum um Helförina og skilda hluti, mótmæli nú stefnu Austurríkis. Sendiráðið getur fengið Ingibjörgu víðförlu í lið með sér. Þess má geta að húsið sem sendiráðið er í í Vín var einu sinni í eigu gyðinga.  Í húsinu beint á móti sendiráði Íslands í Vín voru höfuðstöðvar SS-Sonderinspektion IV sem stjórnað var af SS hershöfðingjanum og stríðsglæpamanninum Hans Kammler, sem aldrei sást til eftir 1945. Ætli hann hafi lifað óáreittur í Austurríki eins og svo margir aðrir morðingjar og fylgst með fótboltanum?

 

Sendiráð Íslands í Vín

 

Í dag gengur Asner undir nafninu Georg Aschner og býr beint á móti menningarmiðstöð Króata í Klagenfurt og allir vita hver hann er og hvað hann hefur gert af sér. Króatar, sem eru búsettir á þessum slóðum, eru frekar stoltir af karlinum.

Það er glæpsamlegt athæfi, að Austurríki hafi látið þennan óþokka lifa óáreittan í landi Vínarvalsanna. Það eru of margar feilnótur An der schönen blauen Donau

Athugasemdir

[Aðalbjörn Leifsson, 22.6.2008 kl. 09:42]

Sæll Vilhjálmur þetta er auðvitað ótækt, við Íslendingar áttum líka svona mann, sem enginn mátti snerta, synir hans voru flinkir fótboltamenn. Enn Predikarinn segir í 3 kafla versi 16: Og enn fremur sá ég undir sólinni: Þar sem rétturinn átti að vera, þar var ranglæti, og þar sem réttlætið átti að vera þar var ranglæti.

Margur réttlátur maður ferst í réttlæti sínu og margur guðlaus maður lifir lengi í illsku sinni.

Þetta gengur ekki lengur, núna þarf að ná í manninn og rétta yfir honum, elli gerir menn ekki sýkn saka. Réttlætið skal ná fram að ganga. Guð blessi þig og þína. Amen.

[Sigurður Þór Guðjónsson, 22.6.2008 kl. 13:56]

Mikið er þetta gamall og ljótur glæpakall en hvað ungi og myndarlegi maður er kominn í höfundarboxið?!

[Vilhjálmur Örn Vilhjálmsson, 22.6.2008 kl. 15:22]

Einar, gott að Asner settist ekki að á Íslandi. Þá hefði hann verið kallaður Algjör Asni og búið í Hafnarfirði.

Sigurður, þú átt ekki að vera að skoða unga drengi í boxum á heilögum sunnudegi, það er ekki hollt. En þar sem drengurinn í boxinu á brátt 2 ár í fimmtugt, þá fyrirgefur hann þér þetta gláp. Ég ætlaði að tæla konur hér inn með þessari hunk-mynd af mér sem var tekin á Hverfisgötunni í passann minn, sem kom mér í burtu frá Íslandi.

[Vilhjálmur Örn Vilhjálmsson, 22.6.2008 kl. 15:27]

Aðalbjörn, Guð blessi þig fyrir þinn einlæga stuðning við Ísrael.

[Elís F.Hafsteinsson (IP-tala skráð) 22.6.2008 kl. 19:17]

Bara 1 spurning ? Hvað kemur fótbolti þessu gamalmenni við ?

[Jóhannes Ragnarsson, 22.6.2008 kl. 21:55]

Þeir eru margir stríðsglæpamennirnir og sumir þeirra, ekki síst þeir ósnertanlegu, starfa af fullum krafti að stríðsglæpaiðju sinni.

[Vilhjálmur Örn Vilhjálmsson, 22.6.2008 kl. 22:05]

Asner er mikill áhugamaður um knattspyrnu og ef hún heldur lífi í honum þangað til að réttarhöldunum yfir honum kemur, er það bara gott. Fótboltinn er mikilvægur og fyrir sumt fólk er hann greinilega miklu mikilvægari en réttlæti, lýðræði, friður og manngæska. Ertu ánægður með þetta svar Elís?

[Vilhjálmur Örn Vilhjálmsson, 23.6.2008 kl. 05:23]

Jóhannes Ragnarsson. Það er til alþjóðleg, lagaleg skilgreining á stríðsglæpamönnum og þeim sem fremja glæpi gegn mannkyni. Þeir sem hóta og lýsa því yfir að þeir ætli að útrýma þjóðum, t.d. forseti Írans eða liðsmenn Hamas, er yfirlýstir Þjóðarmorðingjar. En ég er viss um að þú hefur ekki það pakk í huga. Þú ert vafalaust að tala um Bandaríkjamenn og vestrænar þjóðir sem stunda friðargæslu í helvíti þar sem fólk drepur í nafni Allah, eða aðalhatursobjektið Ísrael.  Vissir þú að nasistar töluðu gjarnan um gyðinga sem stríðsglæpamenn meðan þeir voru að slátra þeim? Palestínumenn, sem stundað hafa hryðjuverk, sem flokkast geta sem stríðsglæpir, hafa í áraraðir talað um stríðsglæpi Ísraelsmanna og þjóðarmorð þeirra. Hvað stunda Palestínumenn sjálfir? Hvað var það kallað þegar leiðtogi þeirra gerðist bandamaður Hitlers í síðari Heimsstyrjöld? Hvað er það kallað þegar Rússar mata Palestínumenn og Íran með vopnum og úrani og hóta um leið heiminum fyrir að gagnrýna það. Er ekki kominn tími til að setja Pútín og Medvedev fyrir stríðsglæpadómstól ?

Ef menn vilja dæma einhverja fyrir stríðsglæpi, er til dómstóll til þess arna. Hann fylgir reglum en ekki einhvernum yfirlýsingum frá götunni eins og þeim sem koma frá Jóhannesi og skoðanabræðrum hans, sem telja að allir andstæðingar séu stríðsglæpamenn. Hvað með að taka bjálkann úr augunum og fara að sjá hlutina með raunsæi í stað fyrirfram ákveðins haturs sem er matað niður í lýðinn af einhverjum stríðsæsingarmönnum í sauðagæru sem halda að vinstri menn hafi patent á heiðarleika og fínum kenndum? Sagan sýnir okkur annað. Hvað voru margir drepnir í Gúlaginu félagi Jóhannes?

[Guðmundur Auðunsson, 26.6.2008 kl. 12:31]

Því miður eru skelfilega margir stríðsglæpamenn nasista enn frjálsir. Það er nauðsynlegt að loka Milivoj Asner inni í fangelsi sem fyrst, enda voru Ustaše fasistadraslið í Króatíu svo ofstækisfullir að jafnvel margir nasistanna skömmuðust sín fyrir þá. Það er skelfilegt til þess að vita að sumir Króatar nútímans hefji Ustaše upp til skýanna og líka hryllilegt að sjá gömlu Ustaše duluna sem þjóðfána Króatíu í dag. Sem betur fer náði stjórn Tító í flesta leiðtoga hreyfingarinnar, eltu hundinn Ante Pavelićalla leið til Buenos Aires og skutu hann þar. Það má alls ekki hætta að ná í þessa glæpamenn þó þeir séu nú á gamals aldri.