Fjaðrafok friðarfuglanna - The Sixth Cairo Conference

Miðausturlandaörn, vinur minn góður, sendi mér nýlega línu um flug 33 sjaldgæfra farfugla hvaðanæva úr Evrópu suður á boginn, nánar til tekið til Egyptalands. Þetta var síðbúin farfuglamergð og fuglarnir voru svokallaðar friðardúfur. Blessaðar dúfurnar lentu í hinni fornfrægu borg Kaíró. Tvær útvaldar, íslenskar alþýðudúfur, með hlutverk á meðal þjóðanna, lentu líka á píramídunum í Egyptalandi. Karldúfan hét Vésteinn og var toppdúfa,  kvendúfan Rósa var ósvikin rauðdúfa.

Dúfurnar höfðu verið kallaðar til dúfnaveislu sem kölluð var Sixth Cairo Conference. Þangað voru líka flognar dritdúfur frá fjarlægum einræðisríkjum, t.d. Venesúela, frá samtökum sem berjast með einræðisherranum þar, hitabeltisdýrinu Hugo, gegn Zíonistum og Bandaríkjunum.  Allir gogguðu í sömu vandamálin. Og einu vandamálin í heiminum, sem dúfurnar sáu, voru gyðingar, Bush og vestræn menning.

Þarna í skugga píramídanna kurruðu dúfurnar og samþykktu hjartnæmar friðaryfirlýsingar sem hljóma eins og stríðsyfirlýsingar. Stuðningi var lýst yfir við Íran og stefnu gammanna þar í landi í friðar- og alþjóðarmálum. Einnig bárust stuðningsyfirlýsingar hvers konar við hryðjuverkadúfur úr öllum dúfnakofum veraldar. Á fyrri ráðstefnum höfðu dúfurnar lýst yfir stuðningi við illfyglið Saddam, en eins og allir vita eru friðardúfur hinar mestu skræfur og vilja helst halda friðinn við illfygli.

Á ráðstefnuna í Kaíró í ár tóku einnig þátt útvaldir útsendarar Guðs (Allah) á jörð, Nílargammar frá Bræðrasamtökum Múslíma, (al-ikhwān al-muslimūn). Hér er mynd af þeim á ráðstefnunni. 

Múslímabræðralagið heldur ræðu um Salam í Kaíró

 

Eins og öllum má vera kunnugt um, eru Nílargammar sérlundaðir mjög, og hafa mjög sérstaka útleggingu á friðarhugtakinu. Friður er aðeins réttlátur ef hann er í anda múslíma. Nílargammar neita líka alfarið að Helför gyðinga hafi átt sér stað  og kenna gyðingum um ófrið um allan heim.

Það hlýtur að hafa verið fengur fyrir dúfnadrenginn Véstein, sem flaug alla leið frá Íslandi. Vésteinn hefur nefnilega haldið uppi miklu kurri fyrir því að örlög gyðinga séu sambærileg við örlög Palestínumanna. Hann heldur því fram að sjálfskaparvítið á Gaza sé það sama og hörmungarnar í gettóinu í Varsjá og að Ísraelsmenn feti nú í fótspor Hitlers. Vésteinn dúfa hefur örugglega hitt jafningja sína í Kaíró getað rætt margt við hauka og gamma Múslímabræðralagsins um fjendur friðarins, sem eru víst þeir sömu í huga íslensku dúfunnar Vésteins og öfgamúslíma.

Friðarráðstefnur eru ekki það sem þær voru hérna áður fyrr.

Það voru þó aðeins 33 skrítnir fuglar frá Evrópu með á ráðstefnunni í Kaíró, sem vonandi eru ekkert annað en verstu einfeldningarnir og skósveinar öfgaaflanna, sem lýst hafa yfir stríði á hendur vestrænni menningu.

PS

Mynd fjarlægð vegna hótana ljósmyndara um að hafa samband við Myndstef. Myndina er enn hægt að sjá hér

Ég verð að bæta þessu við. Í ljós er komið að Vésteinn Valgarðsson er líka kominn af gyðingum eins og þeir sem ég greini frá í færslunni hér á undan. Vésteinn er kominn af engum síðri en Jesús Kristi. Það er svo mikill svipur með Vésteini og Kristi að honum hefur verið boðin staða sem altaristafla í Hallgrímskirkju. Gaman til hliðar. Þessi aríski Nútímajesús, sem hittir öfgamenn vegna friðs í Kaíró, hefur verið eilífaður af Agli Spegli, sem er liðtækur ljósmyndari sem ég rakst á á Flickr. Hér, Ladies and Gentlemen, friðardúfan Vésteinn í hlutverki meistarans - Amen:

Athugasemdir

[Aðalbjörn Leifsson, 3.5.2008 kl. 21:40]

Var Vésteinn á samkomunni hjá Íransforseta líka? " I AM MAD" forseti var með ráðstefnu um útrýmingu Ísraels ríkis og hafði boðið ýmsum friðardúfum þangað, líka Gyðingum sem afneita Ísraelsríki. Vilhjálmur hafðu þökk fyrir greinar þínar. Guð blessi þig. Shalom.

[Vilhjálmur Örn Vilhjálmsson, 3.5.2008 kl. 21:57]

Vésteinn var svo mér sé kunnugt ekki með hjá Amadinejad. Kannski hefur mamma hans bannað honum það, hún Katrín Fjeldsted, mikil sjálfstæðiskona og baráttukona í Palestínumálum.

[Sófisti (IP-tala skráð) 3.5.2008 kl. 22:28]

Líking þín minnir óneitanlega á hina tólftu aldar persnesku bók er hét Fundur fuglanna. Eða eitthvað álika. Maður verður að spyrja hvort þú hafir lesið þá bók og hvort þetta sé því nokkurs konar lúmsk fyndni.

[Vilhjálmur Örn Vilhjálmsson, 3.5.2008 kl. 22:54]

Sófisti, ekki kannast ég við bók þessa, en sé að hún hefur verið rituð af Farid ud-Din Attar sem líka var mikill grasalæknir.

Hrafnaþing hafa líka veitt mönnum andargift. Mér finnst fólk oft líkt fuglum. Enda íslenskan full af samlíkingum á fuglum og mönnum. 

[Vésteinn Valgarðsson, 3.5.2008 kl. 23:48]

Geisp.

Það er aldeilis að þú ert vel að þér um ráðstefnuna sem ég var á, og sérð í hugskot mér hvað mér fannst um hana. Ég mundi kannski nenna að þræta við þig ef þetta væri á aðeins hærra plani hjá þér. Viltu ekki skrá mig á Sjöttu Wannsee-ráðstefnuna líka? Það gleður mig annars að þér skuli líka myndin af mér.

Vertu sæll, ég hef betra við tíma minn að gera þessa dagana en að standa í hártogunum við þig.

[Lárus Viðar Lárusson (IP-tala skráð) 4.5.2008 kl. 05:16]

Er hægt að gagnrýna framferði Ísraelsmanna án þess að vera gyðingahatari?

[Vilhjálmur Örn Vilhjálmsson, 4.5.2008 kl. 06:09]

Þakka þér fyrir hressilegan baradaga, Vésteinn, en reyndu að muna að friður í hraðsuðukatli jarðarinn fæst ekki með því að stilla á hitann á hæsta stig. Samlíkingar á Ísrael við versta einræðisríki sögunnar er ekki réttlát aðferð. Ísraelríki og Gyðingar berjast við sömu kenndirnar og ofurhatrið sem gyðingar Evrópu urðu fyrir fyrir 70 árum.  Þeir berjast við öfl sem vilja þá feiga, sem vilja eyða tilvist þeirra. Ekki dettur mér þó í hug að segja Palestínumenn og aðra araba vera nasista, eins og þú gerir þegar þú líkir saman aðgerðum þeirra og berð saman örlög gyðinga í Varsjá gettóinu við bombumenn á Gaza. 

Það eru til aðrar lausnir á deilunni við Botn Miðjarðarhaf en að gaspra um að Ísraelsríki sé arftaki Þriðja Ríkisins. Þið félagar í Palestínuvinasamtökunum á Íslandi verðið að fara að skilja það. Ef ekki, er víst að koma tími til að draga ykkur fyrir dómsstóla fyrir þessi orð ykkar á opinberum vettvangi, því Ísland hefur skrifað undir alþjóðasamþykktir sem eru mjög ákveðnar á þeim sviðum. Auðvitað eru ekki eins miklir möguleikar að leita réttar fyrir þá sem særast vegna misnotkunar á minningu þeirra sem myrtir voru í helförinni. Múslímar eru nú búnir að fá það í gegn í Mannréttindaráði SÞ að ekki megi gagrýna sharía-lög sem t.d. leyfa dráp á konum sem stunda kynlíf utan hjónabands.

Reyndu að sjá hlutina í réttu ljósi. Athugaðu hverjum þú situr til borðs með á friðarráðstefnum, áður en þú flýgur suður og reynir að bjarga heiminum í skugga pýramídana í landi þar sem gyðingar voru eitt sinn þrælar.

[Vilhjálmur Örn Vilhjálmsson, 4.5.2008 kl. 06:14]

Lárus Viðar, að sjálfsögðu. Ef það er gert á málefnalegan hátt og menn misnota ekki söguna og líkja ríkisstjórn Ísraels við Hitler-Þýskaland og kalla mannfall Palestínumann í hernaði, sem þeir sjálfir hafa sett á stað "helför" eða "þjóðarhreinsun". Ef menn gera það eru þeir hins vegar greinilega komnir út í horn og hafa ekkert málefnalegt fram að færa. 

[Loftur Altice Þorsteinsson, 4.5.2008 kl. 14:15]

Ritgerðin sem Vilhjálmur vísaði til í síðasta pistli sínum (Íslenskir gyðingar koma út úr fylgsnum sínum), um "Gvuðs útvöldu þjóð" (Am Nivchar) er góð svo langt sem hún nær. Ef ég hef skilið rétt er kjarni hennar, að Gyðingar útvöldu Gvuð en síður að Gvuð hafi útvalið Gyðinga:

In other words it is not so much that God chose the Jews; it is more accurate that the Jews (through Abraham) chose God.

Það sem ég vil aðallega gera athugasemd við í þessari ritgerð, er notkun orðsins Gvuð (God). Það heiti sem nota á hér yfir gvuð er Yahweh. Gyðingar trúa á Yahweh og engan annan gvuð !

Yahweh er hvorki Gvuður Xristinna manna né Allah múslima (mú-islam). Að því er ég bezt veit, viðurkenna öll eingyðis-trúarbrögð að til eru fleirri en einn gvuður (með litlum staf). Auðvitað eru þessir gvuðir eingyðis-trúarbragða mismunandi, varðandi eiginleika og tilbeiðslu. Ef Yahweh, Allah og Gvuður væru allir eins, hvaða ástæða væri þá til að aðgreina þá ?

Svo er það þetta með orðið "trúarbrögð", sem merkir sama og "trúarblekking". Skemmtilegt tungumál Íslendskan.

Um kynþátta-fordóma mætti skrifa langt mál, en það ætla ég ekki að gera. Ég vil samt benda á það sem margir hafa gert áður, að enginn átrúnaður er að fullu bundinn við kynþátt. Þótt menn til dæmis amist við átrúnaði á Yahweh eða Allah, getur það ekki verið kynþáttahatur. Trúarbrögð eru viðhorf, á hliðstæðan hátt og stjórnmálaskoðun eða tónlistar-smekkur.

Að hafa stolt fyrir hönd sinnar þjóðar eða kynþáttar, hefur ekkert að gera með kynþáttahatur. Við hötum ekki Svía þótt við viljum vinna á þeim sigur í íþróttum. Við hötum ekki Araba sem kynþátt þótt við fyrirlítum Islam (undirgefni/kúgun). Þeir sem blanda saman hatri og eðlilegum metnaði, eru annað hvort heimskir eða illgjarnir, nema hvort tveggja sé.

[Vésteinn Valgarðsson, 4.5.2008 kl. 14:46]

Ég hef aldrei sagt að Ísrael sé "arftaki Þriðja ríkisins", það innlegg er frá þér komið. Það sem þú hefur einkum lagt til málanna eru dylgjur, útúrsnúningar, staðlausar ásakanir og ærumeiðingar, rökvillur og ályktanir sem seilast vægast sagt langt. Auk þess blandarðu inn í þetta öllu mögulegu sem kemur málinu ekki við. Ég á engan alnafna, en annars héldi ég að þú værir að skrifa um einhvern annan en mig. Ég nenni ekki að vera að pilla af mér skítaköggla sem þú hendir í mig hérna og því síður nenni ég að leiðrétta allar rangfærslurnar sem þú hefur haft í frammi. Talandi um rangfærslur, ef þú ert ekki þegar búinn að senda einhverjum "sérfræðingum í gyðingahatri" enska þýðingu af blogginu sem tók þig fimm ár að svara, þá vona ég að ég fái að lesa þýðinguna yfir áður svo rétt sé eftir mér haft.

Ég veit vel með hverjum ég sit til borðs og kann að greina á milli þeirra. Mér finnst það súrt fyrir þína hönd, hvað það gætir mikils ójafnvægis hjá þér. Þegar menn afsaka kúgun á einum stað, þá er holur hljómur í gagnrýni manns á kúgun á öðrum stað. Þér hefur ábyggilega verið bent á þetta oftar en þú hefur tölu á, svo ég nenni ekki að standa í því núna. Ég þarf að fara og halda upp á afmæli átrúnaðargoðs míns, Hosni Mubarak, sem á einmitt stórafmæli í dag.

Vertu sæll.

[Vilhjálmur Örn Vilhjálmsson, 4.5.2008 kl. 19:43]

 

Gerðu það nú fyrir mig, Vésteinn, að vera ekki að gera þig af fórnarlambi ímyndunarveiki þinnar.  Fullveðja maður, sem velur að sitja til borðs með Múslímabræðralaginu, sem lýst hafa yfir vilja til að útrýma Ísraelsríki, er ekkert fórnarlamb. 

   "Vésteinn er fyrst og fremst maður og það er nasistinn og gyðingaúrýmandinn líka"

Ég get ekki tekið mann alvarlega, sem stundar frelsisbaráttu og stuðning við samtök eins og áðurnefnda karla í Egyptalandi og Hamas. Báðir þessir lagsmenn þínir hafa lýst því yfir að í Helförin, sem þú rakst afar ruglingslega í færslu á eldhressu bloggi þínu fyrir fimm árum, hafi ekki átti sér stað. Samtökin sem þú heiðraðir í apríl studdu Hitler og það gerði Múftinn í Jerúsalem líka.

   "Vésteinn er fyrst og fremst maður og það er helfararafneitarinn líka"

Ég sé að þú ert hræddur um að ég sendi færslu þína til sérfræðinga útí gyðingahatri. Ef ég geri það, verður þú bara að treysta mér fyrir því að þýðing ruglsins í þér sé nógu góð.

   "Vésteinn er fyrst og fremst maður og það er Vilhjálmur líka"

Kúgun, eru þín orð. Hverjir eru kúgarar almennings á Gaza? Þú hefur enga sönnun fyrir því að það séu Ísraelsmenn. Ég tel það ekki kúgun að fjarlægja gyðingabúseta á Gaza. Ég tel það ekki kúgun að gefa íbúum Gaza þúsundir gróðurhúsa þegar búsetarnir hverfa á braut. Ég tel það hins vegar kúgun, þegar þau gróðurhús eru eyðilögð og menn halda því svo fram að þeir séu að drepast úr hungri, þegar þeir smygla eldflaugum á fullu. Þú ert einfaldur áhorfandi í einum stærsta sirkus jarðar "The Palestinian Media Cirkus".

Miðað við stuðning þinn á fyrrnefndum samtökum tel ég víst að þú styðjir ekki friðarferlið og afneitir tilvist Ísraelsríkis. Ég get vart haldið annað.

Þegar þú varst yngri Vésteinn, og jafnvel enn við kjötkatla móður þinnar, skrifaðir þú: 

"Lífið í Gaza er að svo mörgu leyti svipað lífinu í ghettóinu í Varsjá að það setur að manni. Rétt eins og það setur að manni að Þjóðverjar - sem áttu að heita 'siðmenntaðir' menn - skyldu drýgja jafn óhugnanlegan verknað og helförina, þá setur einnig að manni að í Ísrael - gyðingaríkinu sjálfu - skuli menn ekki virðast hafa dregið annan lærdóm af sögu Þriðja ríkisins en þann að allt sé hægt ef aðeins sé beitt nógu djöfulli miklu ofbeldi"

Ég held ekki að þú sért dómbær á lífið í gettóinu í Warzsawa. (Það er ég, því ég mun brátt gefa út bók um það efni sem byggir á bréfum fjölskyldu). En það verður að teljast orðhengilsháttur þegar þú hafnar því að hafa gert Ísraelsríki að arftaka Þriðja ríkisins. "- gyðingaríkinu sjálfu -".

Vésteinn skrifaði líka þegar hann var yngri:

"Ísrael berst gegn því að gyðingar lendi aldrei aftur í helför. Það má kalla gott út af fyrir sig, en því ekki að berjast fyrir því að enginn maður lendi aftur í helför? Þetta er nefnilega ekki nasisti gegn gyðingi. Þetta er maður gegn manni. Gyðingur er fyrst og fremst maður og það er nasistinn líka. Það er á þeim forsendum sem þarf að skilja þetta, á forsendum innri afstæðna milli manna."

Gyðingurinn er fyrst og fremst maður og það er nasistinn líka. Svona setningar hef ég sett inn hér að ofan.

Þú ert einn versti "Holocaust relativisti" sem ég hef fyrir hitt á Íslandi. Ef þið í Palestínuvinafélaginu hafið þessar skoðanir, þá er frelsishugtakið nú orðið þunnt á Íslandi.

[Vilhjálmur Örn Vilhjálmsson, 4.5.2008 kl. 20:35]

Þetta gæti alveg eins verið íslenskur bóndi sem hefur fengið Jerusalem Syndrome á suðurgöngu. Furðulegt, sammála þér Einar.