Íslendingur leitar hælis í Danmörku

 

Ég las áðan frétt á vísir.is um íslenskan mann á fertugsaldri, sem greinilega á það til að berja mann og annan, en segir hins vegar ekki farir sínar sléttar af viðskiptum við íslenska embættismenn og yfirvöld.

Viðskiptum hans við lögregluyfirvöld á Íslandi er líka lýst hér á vef Lögreglufélags Reykjavíkur (afsakið, en ég sé bara ekki neina haldbæra ástæðu til þess að Lögreglufélagið í Reykjavík sé með þetta mál á sinni kynningarsíðu, þar sem félagið er greinilega ekki málsaðili).

Íslendingurinn höggstóri hefur leitað á náðir Dana og býr á flóttamannastofnun í Kaupmannahöfn með öðrum sem ekki segja farir sínar sléttar og sótt hafa til Danmerkur fyrir ýmsar ástæður, eða ef til vill vegna þess að hér er hægt að gera grín af Múhameð.

Ekki ætla ég að leggja dóm á þetta mál Íslendingsins, en það er eitt atriði sem ég hnaut um í fréttinni á vísir.is

Þar er þetta haft eftir Hildi Dungal, sem telur fráleitt að hugsa sér að Danir muni veita íslenska flóttamanninum hæli: „Nema Danir hafi orðið þeim mun meiri áhyggjur af íslenskum efnahagsmálum."

Þetta er nú skrítið tilsvar hjá forstöðumanni Útlendingastofnunar. Í fyrsta lagi hefur stofnun Dungals ekki ekki neina lögsögu í máli Íslendingsins í Kaupmannahöfn. Í öðru lagi er Íslendingurinn ekki að flýja af efnahagslegum ástæðum, í þriðja lagi er Hildur Dungal að láta í ljós skoðanir sínar á Dönum og áliti þeirra á íslenskum efnahagsmálum, sem er langt fyrir utan starfssvið hennar.

Ef þetta gerðist í Danmörku, hefði Hildi Dungal verið skipað samdægurs í samtal hjá yfirmanni sínum og fengið viðvörun, og við annað brot væri hún komin út í raðir atvinnulausra. En við erum auðvitað að tala um Ísland, þar sem lögin eru bara til fyrir þá sem kunna að fara kringum þau.

Gæti verið að Íslendingurinn, sem því miður á það til að beita handalögmálinu, hafi lent í embættismönnum með sams konar stjórnsýsluvit og yfirmaður Útlendingastofnunar?  Þá gæti nú hugsanlega verið sannleikskorn í frásögn aumingja mannsins þrátt fyrir allt.

Athugasemdir

[Einar Þór Strand, 9.3.2008 kl. 11:06]

Æ þetta er ekki skrítið að hún segi þetta því danir hafa verið með skipulegum hætti að reyna að tala niður íslensk fyrirtæki og þá er spurning hvoert ekki eigi að tala niður íslenska löggæslu líka fyrir að vara ekki nógu skilningsrík í garð manna sem þurfa að vera leiðinlegir.

[Vilhjálmur Örn Vilhjálmsson, 9.3.2008 kl. 11:14]

Einar Þór, það sem Danir eru hugsanlega að gera kemur starfssviði Hildar og  máli mannsins í Kaupmannahöfn ekki skapaðan hlut við. Svo einfalt er það! 

[Ásthildur Cesil Þórðardóttir, 9.3.2008 kl. 11:22]

Ég þekki þetta yfirvald, og ég hef ekki góða reynslu af embættisfærslum hans, gagnvart mínum syni, og var hann aldrei ofbeldissinnaður, en lenti í því að vera handtekinn inn á heimil sínu, svo illa að það sá á honum.  Það var leitað í 6 klst. að eiturlyfjum, ástæðan, jú dyrnar voru opnar, og hann þekktur fíkill.  Það fannt o.oeitthvað grömm í gamalli pípu.  Þetta var orsök fangelsunarinnar, nú heyrði ég reyndar bara söguna frá annari hliðinni.  En þetta var ekki eina skiptið meðan þessi yfirmaður var hér.  Og furðulegt nokk, þá snarbreyttist allt attetute hér eftir að hann fór.  Er ekki sagt að eftir höfðinu dansi limirnir.  Og ég staðhæfi að sonur minn hefði aldrei náð sér upp, ef hann hefði ekki flutt sig um set. 

Mér finnst allt í lagi að farið sé ofan í embættisfærslur þessa mann.

[Vilhjálmur Örn Vilhjálmsson, 9.3.2008 kl. 12:00]

Sæl Ásthildur, ég tel nauðsynlegt að haft sé mjög gott eftirlit með valdstjórninni í öllum lýðræðisríkjum. Ef það er aðeins valdstjórnin sjálf sem fær að rannsaka sjálfa sig í vafamálum, er brotalöm sem þarf að laga.

[Guðbjörn Guðbjörnsson, 9.3.2008 kl. 12:21]

Ég er algjörlega sammála þér, að mér fannst ekki mjög viðeigandi fyrir forstöðumann ríkisstofnunar að láta hafa eftir sér þessi orð.

Til að mynda myndi ég ekki láta hafa þetta eftir mér í fjölmiðlum.

Guðbjörn Guðbjörnsson

[Predikarinn - Cacoethes scribendi , 9.3.2008 kl. 13:45]

Sæll kæri dr. Vilhjálmur Örn.

Ég furða mig, allt eins og þú, á því að lögreglufélagið skuli birta þennan dóm yfir manninum áheimasíðu lögreglufélagsins.

Það er nú þannig að allt of margir lögvörslumenn fara offari í störfum sínum allt of oft. Lögreglufélaginu væri nær að sinna rannsókn á því hvers vegna svo sé og reyna að setja eitthvert starf meðal lögvörsluembættanna og lögreglufélagsins með forvörn í þeim efnum. Sömuleiðis mætti vera í gangi símenntun lögreglufélaginu þannig að félagsmennirnir geti sinnt starfi sínu eftir lögunum sem og að vera í stakk búnir að svara þeim sem handteknir eru við hin ýmsu tilefni, við hverju verið sé að handtaka þá og hvaða lagagrein rennir stoðum undir valdboðið.

[Gestur Halldórsson, 9.3.2008 kl. 20:39]

Ekki viðeigandi ummæli hjá Hildi Dungal, en að sjá þennan dóm á heimasíðu lögreglufélagsins sætir ekki furðu hjá mér, enda birta þeir dómsniðurstöður af málum er tengjast valdstjórninni (þ.a. störfum og starfsvettvangi er tengist embættisstörfum þeirra).

[Óskar Arnórsson, 9.3.2008 kl. 22:35]

Sammála Gesti halldórssyni!

Hildur Dungal er heilsteypt  manneskja og er framúrskarandi í því embætti sem hún gegnir.

Ég þekki engan sem hefur ekki nema allt gott að segja um þá manneskju. Eg hún gerir ekki greinarmun á fólki, hvrki háum né lágum, sama hvaða þjóðum þeir koma frá.

Hildur Dungal er embætti sínu til mikillar sóma og vinnur verk sín eftir lögum, tekur tillit til mannúðarsjónarmiða og allir sem ég þekki, að mér sjálfum meðtöldum, geta verið stoltir af störfum hennar sem ekki eru öfundsverð.

Góð manneskja með hlýtt hjarta í MJÖG erfiðu starfi sem hún vinnur eftir bestu samvisku sem margir mættu taka sér til fyrirmyndar!!