Muslim SS

Þessi mynd sýnir albanska múslíma, sem voru meðlimir í Waffen-SS, hryðjuverkasveitum nasista. Einn þeirra er hér að þýða boðskapinn úr þýsku fyrir félaga sína.

Stórmúftinn í Jerúsalem, Haj Amin al-Husseini, faðir Hamas hreyfingarinnar og hugmyndafræðingur vopnaðrar baráttu Palestínumanna, var góðvinur Hitlers og heimsótti hann í Þýskalandi á stríðsárunum. Þriðja ríkið sendi vopn til Palestínumanna á 4. tug 20. aldar  til að drepa gyðinga sem bjuggu í Palestínu. Hér getið þið lesið meira um það.

Þessi ljósmynd sýnir að mínu mati hetjur allra þeirra sem styðja vopnaða baráttu sem er ætlað að afmá Ísraelsríki af landakortinu, og eyða mörgu öðru sem Íslendingum er heilagra en þeir halda. Útrýming Ísraelsríkis er enn stefna öfgaafla Palestínumanna, Íranstjórnar og SS nútímans, sem kallar sig Al Qaida. Á landabréfum múslímalanda hefur Ísrael þegar verið afmáð.

Ert þú, lesandi góður, öfgahyggjumaður og stuðningsmaður Al Qaida og Hamas og litla gerpisins Ahmadinejads i Íran? Gefðu þig þá fram við lögregluyfirvöld, því einhverja stefnu hljóta íslensk yfirvöld að hafa búið sér til um hver sé hryðjuverkamaður og hver ekki. Gaman væri nú að fá þá stefnu á hreint áður en Víkingasveitin verður sér að voða. Annars verður hún, fyrr en varir, komin með hatta eins og víkingasveitin á myndinni.

Athugasemdir

[Þór Ludwig Stiefel TORA, 19.1.2008 kl. 16:07]

Ég hef litið á blogg þitt áður og verð að segja að ég skil ekki alveg hvað þú ert endalaust að fjargviðrast um Ísrael, nema ef vera væri til þess eins að ögra og fá viðbrögð.

Þó svo að þú viljir einlæglega draga íslendinga inn í tilvistarbaráttu Ísraelsmanna, og benda á eitthvað í sögunni sem neikvætt var gert af hálfu íslenskra stjórnvalda, þá er það ofureinfaldlega þannig að barátta Gyðinga fyrir eigin landi er barátta sem okkur kemur ekki við og ekki hægt að kenna íslendingum um nokkuð það slæmt sem fyrir gyðinga hefur komið.

Ef að þú ert gyðingur eða vilt vera það þá er það þitt einkamál og þú hefur fullt leyfi til að básúna gagnrýnislausa og ofurjákvæða skoðun þína á Ísrael og öllu sem það fólk, sem land það byggir, gerir og segir. En þú ferð fram á ritvöllinn með þínar skoðanir og ég tek mér það bessaleyfi að koma með gagnrýni á þær, því ég verð að viðurkenna að þetta kemur mér þannig fyrir sjónir sem einhver hafi fundið einhvern málstað sem öll gagnrýni gegn er varhugaverð og situr þar höfundur eins og grenjandi ljón í búri bíðandi eftir bita til að kjamsa á.

Ég ætla að biðja þig lengstra orða að fara nú að skipta um plötu, jafnvel þó ég þykist vita að öll gagnrýni sem á þig kemur verður stimpluð af þinni hálfu sem Anti-Semitismi.

[Óskar Þorkelsson, 19.1.2008 kl. 17:29]

Ég vil bara benda þér á eitt að Waffen SS voru ekki hryðjuverkasamtök heldur bardagasveit !  Þessi hersveit hefur verið hulin einhverjum lygahjúp talsvert lengi af vissum aðilum á vesturlöndum.. staðreyndin er sú að waffen ss var bardagasveit eingöngu og var alltaf send þangað sem bardagarnir voru sem harðastir.. koma þeirra á vígvöllin var oft nóg til þess að óvinirnir lögðu á flótta. Þeir gáfust aldrei upp en lentu stundum í því að fá hrikalegt mannfall í sínum röðum á vígvellinum allt að 60 %, sem er rosalegt í 18.000 manna herfylki.

Ef þessir Albanir hafa verið í hersveitinni segir ekki mikið annað en að þessir albanir hafa verið framúrskarandi hermenn enda voru engin vælukjóar og aumingjar í Waffen SS.

[Óskar Þorkelsson, 19.1.2008 kl. 17:32]

Svo ég svari meiru af þessu sem þú skrifar um.. að þriðja ríkið hafi sent vopn til að drepa ísraela í palestínu á árum seinni heimstyrjaldar og fyrr er bara kjaftæði.. þeir sendu vopn já , en eingöngu til þess að stríða frökkum og bretum og koma á ójafnvægi í þessum heimshluta.. bretar hölluðu sér að gyðingum og hefur heimurinn verið frekanr ófriðarvænlegur síðan þá.

Kannski væri ráð að lesa söguna aftur Vilhjálmur ?

[Vilhjálmur Örn Vilhjálmsson, 19.1.2008 kl. 20:04]

Hitler virðist enn eiga meðreiðarsveina á Fróni: 

Þór, eru blogg skrifuð til þess eins að menn séu sammála? Leitt þykir mér þín vegna, að múrinn féll. Þér hefði liðið vel í Sovét. Eitt land, ein skoðun, einn flokkur - eða Gulag. En af hverju líkar þér ekki að heyra um aðfarir að gyðingum og Ísraelsríki? Af hverju á ég að skipta um plötu? Af hverju æsir tal um örlög gyðinga þig svona? Má ég ekki hafa skoðun á gyðingum ef hún er jákvæð gagnvart þeim? Er betra ef ég gangrýni þá og hallmæli eins og allir hinir? Það er jú í tísku meðal gamalla komma.

Óskar, ég verð víst að heilsa þér með kveðju SS-manna: Heil Hitler!Waffen-SS voru, og eru enn stríðsglæpamenn. Bandamenn ákváðu það í sameiningu eftir rannsókn á glæpum þeirra og í dag vitum við enn meira og nóg um voðaverk SS-sveitana til að álykta að sú ákvörðun var árrétt. Þú hefur greinilega verið of mikið inn á nasistasíðum fyrst þú vilt halda því fram að þetta hafi verið skátasveit. 

Waffen-SS voru og eru hryðjuverkamenn, sem börðust fyrir brjálaða hugsjón. Al Qaida eru líklega einnig bardagasveit, ef þú spyrð þá sjálfa, en allir heilvita menn vita betur.

Óskar, þú ert stuðningsmaður öfgahyggju og hættulegur sjálfum þér. Leitaðu aðstoðar.

Þór kemur barátta Palestínumanna Íslendingum við? Hvað fær utanríkisráðherrann þinn til að leggjast í ferðalög á Biblíuslóðir? Er henni alveg sama um örlög gyðinga eins og þér?

[Vilhjálmur Örn Vilhjálmsson, 19.1.2008 kl. 22:03]

Ég leyfir mér að benda á þessa umræðu frá því í fyrra:

http://sveiflan.blog.is/blog/sveiflan/entry/364151/

Samlíkingaleikur Ómars Ragnarsonar á nasistum við Ísraelsmenn eru glæpsamlegar og ber vott um dómgreindarbrest eða alvarlegan þekkingarskort.

[Vilhjálmur Örn Vilhjálmsson, 19.1.2008 kl. 22:18]

Þarna er líka að finna skýringar Jóns Vals á gyðingahatri Hitlers, sem mér finnast dálítið mónokásalar.

[Ólafur Als, 19.1.2008 kl. 23:21]

Sæll Vilhjálmur,

sem vinur og bandamaður Ísraela hef ég oftlega tekið upp hanskann fyrir þá í ólgusjó andáróðurs heima á Fróni - líklega allt frá menntaskóladögum þegar íslenskir sósíalistar voru önnur kafnir við að innprenta fólki um hina vondu Síonista, handbendi heimsvaldasinnanna í vestri. Heimsmyndin var nú einföld þá og slagorðin runnin undan rifjum Komintern og handbenda þeirra á Íslandi.

Ekki er nú samt allt mér að skapi hjá vinum mínum - á s.s. við um fleiri vini - en í grunninn get ég ekki áfellst Ísraela fyrir að halda uppi réttmætum landvörnum, þó harkalega sé á köflum farið.

Var reyndar með færslu fyrr í dag um efni tengt Ísrael sem mér þætti vænt um að þú litir á - á undan öllum handboltafærslunum!

Kveðja frá Odense,

[Óskar Þorkelsson, 20.1.2008 kl. 00:11]

Að bera saman Waffen SS og al quaida er bara heimska Vilhjálmur.  Waffen SS var hersveit og var sökuð um stríðsglæpi vissulega eftir lok seinni heimstyrjaldar.. enda ákveða siguvegararnir hverjir eru glæpamenn og hverjir ekki.  Al quaida eru hryðjuverkasamtök eingöngu og berjast fyrir einhverjum óljósum málstað.

Ég er ekkert að verja Waffen SS sem slíka en mér mislíkar þegar menn fara frjálslega með staðreyndir til þess að fegra eigin málstað fyrir ríki sem er eingöngu hryðjuverkaríki í dag.. nefnilega ísrael !

Ef þú vilt fara út í sögulegar staðreyndir (misfærslur af þinni hendi)varðandi Waffen SS.. israel eða hvað eina sem þér dettur í hug Vilhjálmur þá skal ég takast á við þig hvenær sem er.

[PW, 20.1.2008 kl. 00:33]

Æ hvað ég er leiður á þessum með eða á móti bloggum. Þó svo einhver sé ekki endilega fylgjandi árás á Iran útaf honum Ahmedinadjad þá þýðir það ekki að hann sé á móti gyðingum. Hlutirnir eru flóknari en svo. Tvíhyggjan einfaldar hluti oft of mikið, allir hlutir sem þessir eru háðir sögulegu og félagslegu samhengi sem er mun flóknari en með eða á móti röksemdirnar sem er að finna í bloggærslu þinni. Þú sem fræðimaður ættir ef til vill að vita þetta.

[Loftur Altice Þorsteinsson, 20.1.2008 kl. 01:17]

Aldreigi verður of illa minnst á stór-múftann Haj Amin al-Husseini, frænda sóða-marðarins Yassers Arafat (Mohammed Abdel Rahman Abdel Raouf Arafat al-Qudwa al-Husseini). Hér má sjá þá vopnabræður Hitler og múftann ræða hvernig fljótlegast sé að drepa Gyðinga.

Fyrr um daginn hafði Hitler rætt sama málefni við sendiherra Tyrklands, sem sagði frá "ágætum" árangri Tyrkja við að útrýma Kristnum Armenum og Grikkjum, á árum Fyrri Heimsstyrjaldarinnar.

[Vilhjálmur Örn Vilhjálmsson, 20.1.2008 kl. 08:25]

Óskar Þorkelsson, KR-ingur, segja mér menn: Waffen SS var ekki "bara baragasveit". Liðsmenn hennar frá mismunandi löndum frömdu stríðsglæpi og tóku þátt í glæpum gegn mannkyninu. Yfirmenn þeirra (sem náðust) voru dæmdir til dauða í Nürnberg.

Íslenskur Waffen SS-maður vann meira að segja í fangabúðum þar sem gyðingar voru myrtir og þú getur lesið um einn danskan hér og aðra hér og enn fleiri hér. Danskir SS-menn tóku þátt í að smala gyðingum í bæjum í Póllandi og Úkraínu. Waffen SS-liðar störfuðu í öllum útrýmingarbúðum nasista. Þeir stýrðu útrýmingarherferðinni í mörgum löndum. Íslenskur Waffen SS-maður varð vitni að stríðsglæpum í Júgóslavíu og lýsti því í ævisögu sinni.  Íslendingar hýstu stríðglæpamann frá Eistlandi.

Eini munurinn á SS og Al Qaida eru búningarnir og að Al Qauida eru ekki orðnir eins skipulagðir og SS.

Vörn þín fyrir hryðjuverkasamtök og morðsveitir eru hryllilegar og ekki sæmandi manni sem býr í landi sem hefur verið hlíft frá öllum þeim óskunda sem t.d. Waffen SS og Al Quaida hafa valdið.

Er menntakerfinu á Íslandi ábótavant, eða eru margir í íþróttastarfi eins og þú? Ég vona að þú sért ekki að þjálfa börn.

[Óskar Þorkelsson, 20.1.2008 kl. 10:42]

Gaman að því að greinarhöfundur þykist vita eitthvað um mig, umm já ég er KR-ingur Vilhjálmur.  Ég las í gegnum greinarnar þínar, í fyrstu greininni sem þú linkar á er ekki stafur um Waffen SS. Grein tvö fjallar um dani í SS, ekkert sérstaklega Waffen SS því þeir eru bardagasveit og höfðu öðrum hnöppum að hneppa en að standa vörð í fangabúðum, þessi grein er eins og svo margar sem ég hef lesið í noregi um norska ss menn en þeir skiptu þúsundum líkt og danir og svíar í þjónustu Hitlers.  Þriðji linkurinn fjallar um simon wiesnthal stofnunina og um það ða SS fékk dani til liðs við sig árið 1941, norðurlandabúar störfuðu í nordland og wiking herfylkjum Waffen SS.  Waffen SS þýðir ekkert annað en "vopnað SS " og voru eingöngu bardagasveitir líkt og kemur fram í þriðju greininni þinni þar sem þeir voru notaðir til þess að hreinsda héruð af .. jú einmitt hryðjuverkamönnum. aðferðir þeirra voru eins og á vígvellinum, þeir tóku einfaldlega ekki fanga og reiknuðu ekki með því að verða teknir til fanga á lífi heldur.  Harka þeirra beindist ekkert sérstaklega að gyðingum heldur hverjum sem er sem þeim þótti vera ógnun við sig eða barðist við þá.  SS Dirlawanger sem greinarhöfundur í þríðju greininni sme þú linkar á var ekki partur af Waffen SS heldur var sjálfstæð deild sem Heinrich Himmler hafði einstakar mætur á enda var Dirlawanger ásakaður um allskonar glæpi frá barnaáti að fjöldamorðum, liðsmenn þeirrar sveitar höfðu að meðaltali um 3-5 mánuði á lífi eftir að þeir komu til sveitarinnar og höfðu liðsmenn Waffen SS ímugust á þessum ómennum sem söfnuðust saman í SS Dirlewanger, flestir reyndar russar og úkraínumenn m oftast glæpamenn þjófar og morðingjar sme höfðu verið dæmdir fyrir stríðsglæpi td og þóttu því henta einstaklega vel í SS Dirlewanger sem er ekki eins og menn halda bardagasveit heldur hersveit sem sérhæfði sig í baráttunni fyrir aftan víglínurnar og höfðu frjálsar hendur um hvað þeir aðhöfðust þar.   Ekki blanda þessari morðingjasveit saman við Waffen SS Vilhjálmur.

http://en.wikipedia.org/wiki/Waffen-SS  Smá um Waffen SS og miklu meira til á lager um þessa úrvals bardagasveit SS.

Ég er viss um að þú vilt stimpla mig inn sem gyðingahatara, antisemista og ég veit ekki hvað Vilhjálmur, mér er slétt sama um það,  ég tók það inn á mig að þú notaðir orðið hryðjuverkamenn um Waffen SS. Rétt skal vera rétt Vilhjálmur.

Það er erfitt ða rökræða við mann sem segir að SS og Al quaida séu eins, munurinn liggi í skipulagningu !  Þú ert að bulla út í eitt. SS var HER, skipulagður af þjóð og var stolt þeirrar þjóðar, al quaida er EKKERT.. hafa ekki landm her eða þjóð. Bara bandíttar með morð í augum.

[Vilhjálmur Örn Vilhjálmsson, 20.1.2008 kl. 11:31]

Óskar Þorkelsson, þú ert greinilega illa læs. í Fyrstu grein minni, sem ég bað þig um að lesa, skrifaði ég um danskan Waffen-SS mann (Dansk SS-frivillig, það þýðir ekki að hann hafi verið meðlimur í Allgemeine SS) sem var versti stríðsglæpamaður Dana. Hann var hengdur fyrir glæpi sína. Það er lítil mynd af honum í greininni. Þekkir þú ekki einu sinni búninga Waffen SS-manna, svona mikill sérfræðingur í morðingjum og öfgum.

Waffen-SS voru stríðsglæpamenn. Sama hvort þeir voru Albanir, Rússar, Kósakkar, eða Íslendingar. Ef þeir myrtu ekki og drápu í Auschwitz, Sobibor, Treblinka og öðrum útrýmingarbúðum, eða í tugum annarra fangabúða, framlengdu þeir þjáningar gyðinga og annarra manna sem voru hneppti í ánauð af Þjóðverjum.

SS var ekki her Þriðja Ríkisins, heldur sérstakar úrvalssveitir í þjónustu Foringjans, Hitlers.  Al Qauida lýsa reyndar líka sjálfum sér á svipaðan hátt. Þeir eru útvaldir hermenn Allah. Al Quaida liðar koma úr öllum áttum eins og meðlimir Waffen-SS. Guð Al Quaida má ekki teikna með glettni, nema að manni sé hótað dómsdegi. Þeir sem leyfðu sér að teikna skrípamynd af Hitler, gátu átt von á því sama. Börn voru t.d. myrt fyrir að gera grín af foringjanum.

Þýska þjóðin er í dag ekki stolt af Waffen-SS. Þú yrðir einfaldlega settur inn í Þýskalandi nútímans ef þú héldir því fram.

Þú veist best sjálfur hvort þú hatar gyðinga eða ekki, en þú hlýtur að vera með dálítið brenglaða siðferðiskennd þegar þú reynir að bera í bætiflákann fyrir Waffen SS. Aðalandstæðingar nasita voru nefnilega gyðingar. Þess vegna sitja albanadrengirnir á myndinni og eru að lesa áróður um hve Íslam eru frábær trúarbrögð miðað við Gyðingdóm. Og veistu hvað, aðalandstæðingar Al Qaida eru líka gyðingar.

Það er leiðinlegt að sjá Kjósamann eins og þig vaða í villu og lýsa aðdáun þinni á morðsveitum nasista.  Hvað fær eiginlega Íslending til að lofsyngja morðsveitir nasista? Léleg menntun, lélegt siðgæði eða einhver önnur forheimskan. Ég vona svo sannarlega að þú sért ekki gyðingahatari. Ég vona líka að svarthvíta íþróttasambandið í Vesturbænum sé á varðbergi og að það séu ekki fleiri liðsmenn þar sem dáist eins mikið af nasismanum og þú. 

Áttu ekki einhverja betri mynd af þér Kjósakarl, svo við sjáum þig eins og þú ert úti á götu. Þú ert varla Neanderthalsmaður eða hvað? Ég get mér til að þú sért þannig að líkamlegu atgervi að þú hafir ekki getað orðið félagi í Waffen SS nema með undanþágu frá Himmler.

[simon (IP-tala skráð) 20.1.2008 kl. 13:02]

Thad er gott hja ther Vilhjalmur ad stydja Isreal. (afsakadu stafsetningu)

 Umreadan um hrydjuverkastarfsemi er tho ekki endilega sem best, eins og er.  Thad ad er vitad ad Hitler styrkti ymsa starfsemi i mid-austurlondum. Buin voru til samtok i Egyptalandi sem voru sambland af nasistma og Islam, og kemur ekki a ovart ad Hamas hafi ordid til med sama haetti.

Ofbeldis-glaepir og hrydjuverk eru nu oftast talin af al quida framin i fjolmidlum okkar, hvort sem thad a vid eithvad ad stydjast edur ei. Frettamennskan a thessum sidustu og verstu er nu ekki uppa marga fiska, virdist stundum adalega felast i thvi ad kopera frettir a netinu.

Thad er ekki bara hamas sem a forvitnilega sogu ad baki...

I kringum 1980 herjudu Russa a Afganistan en their voru hraktir thadan burt af samtokum er seinna fengu nafnid al quida. THessi samtok voru leppur BNA i thessu stridi og voru thessir menn thjalfadir og vopnadir af CIA. Forsprakki theirra het Bin Laden. Thratt fyrir tal fjolmidlanna tha er hann ekki eftirlystur hja FBI fyrir ad hafa stadid fyrir arasunum i BNA 2001, vegna skorts a sonnunargognum. Hann er talin hafa daid i Desember 2001.

Ekki ma gleyma heldur ad BNA atti nu sinn thatt i ad bera vopn i glaepamenn i Iran. Ekki gleyma Iran-Contra hneykslinu, thar sem CIA og kokain-smygl theirra var notad til ad fjarmagna hrydjuverkamenn. Oliver North var thekkt nafn a thessum arum.

Fyrst thu talar um Hitler og illvirki hans, og svo hrydjuverkasamtok tha vil eg minnast a hrydjuverkastrid hans gegn kommunum. Thegar thinghus hans var sprengt upp (reichstat) that setti hann neydarlog sem attu ad vera timabundin og til thess fallin ad berja a vondu-kollunum. Thad matti handtaka menn an doms og laga etc. Sagan kennir okkur ad thad var hann sjalfur sem stod fyrir thvi ad sprengja upp domshusid, til ad geta farid i strid.

Thegar thad er athugad hvar hann fekk peninga til thess ad fara i strid tha kemur thad i ljos ad hann atti samstarfsmenn i BNA sem attu thatt i fjarmognun hans. Adalkarlinn thar het Prescot Bush sem var afi nuverandi forseta BNA. Fjolskyldan var daemd fyrir ad eiga i vidskiptum vid ovininn Hitler.

I dag eru adstaedur farnar ad likjast othaegilega arum fasistanna i seinni heimstyrjold. Thad er alid a hatri og hraedslu i fjolmidlum. Skortur a alvoru frettamennsku og svo opinnar umraedu er ekki saemandi thjodfjelugum er telja sig vera "upplyst".

Internetid er eithvad sem er enntha opid ollum og thar er haegt ad lesa sig til um atburdi ymsa er hafa haft mikil ahrif a lif okkar og tilveru. Ekki skilja mig svo, Vilhjalmur, ad eg stydji eithvad af theim samtokum er eg hef nefnt her ad ofan.  Eg vil bara benda ther a thad, ad alveg eins og umraedan um Israel er nu misjofn, tha er ad sama skapi umraedan um onnur malefni alveg jafn misjofn. Alveg eins og thu notar internet og bokasofn til thess ad betrumbaeta kunnattu thina, sem og annarra, a Israel, tha eru adrir sem nota somu adferdir til thess ad kynna ser ymsar adrar stadreyndir.

Gydingahatur er til a Islandi og er thad okkur ekki til frama. Utlendinga-hatur virdist otrulega seigt i monnum her, thad er ekki takmarkad vid Gydinga.  Alltaf jafn heimskulegt finnst mer.

Gangi ther vel med skrifin.

[Óskar Þorkelsson, 20.1.2008 kl. 14:30]

Vilhjálmur þú ert ótrúlegur í öfgunum þínum.. ég er hvergi að bera í bætifláka fyrir Waffen SS, ég var að benda þér á rangfærslur í þínum eigin skrifum.  Þú ert meira að segja svo ómerkilegur að þú lýgur upp á mig í nýjustu færslunni þinni hér á síðunni þar sem þú segir að ég haldi því fram að waffen ss hafi verið heiðursmenn.. hvar segi ég það ?  Þú líkist svolítið þeim sem þú ert að mæla gegn vilhjálmur, fólki í Taliban og al quaida sem bulla út í eitt til þess að málstaður þeirra fái örugglega ða njóta sín og nota sögulegar rangfærslur málstað sínum til stuðnings. hugsandi fólk sér í gegnum svona lygavef Vilhjálmur.

[Vilhjálmur Örn Vilhjálmsson, 20.1.2008 kl. 14:58]

Þetta sagði Óskar: 

"Waffen SS þýðir ekkert annað en "vopnað SS " og voru eingöngu bardagasveitir"

"Waffen SS var hersveit og var sökuð um stríðsglæpi vissulega eftir lok seinni heimstyrjaldar.. enda ákveða siguvegararnir hverjir eru glæpamenn og hverjir ekki."

"Harka þeirra beindist ekkert sérstaklega að gyðingum heldur hverjum sem er sem þeim þótti vera ógnun við sig eða barðist við þá"

[Björn Heiðdal, 20.1.2008 kl. 23:16]

Við Vilhjálmur erum örugglega sammála um að það sé ekkert að því drepa nokkra gyðinga.  En kannski erum við ósammála um hvort gas eða kjarnabombur séu besta leiðin.  Ég held að kjarnabombur séu aðeins of stórtækar en Vilhjálmur vill örugglega nota það sem skilar bestum árangri.

En sem sannkristinn og heilagur maður verð ég að mótmæla því þegar Vilhjálmur ber saman Guð og Hitler.  Svona gera menn ekki, skamm, skamm.  Ertu kannski grínari? 

[Snorri Óskarsson, 20.1.2008 kl. 23:31]

Vilhjálmur

Ég vil þakka þér fyrir greinina og hvetja þig til að halda áfram með þessar upplýsingar. Það er engum til góðs að vita ekki söguna og sjá ekki endurteknar tilraunir til óhæfuverka. Menn verða að sjá að í boðskap Islams og bók þeirra Kóraninum er heinlega boðorð um að drepa gyðinga og kristna. Þeim er leyft að ljúga að "heiðingjunum" og blekkja þá.

Ein þekktasta mynd sem Nazistar notuðu til að hvetja unga menn til þátttöku í þýska hernum var af ungum gyðing í hersveitum Þriðja ríkisins. Skyldi hann hafa trúað því sem Nazistarnir sögðust mundu gera við hans trúbræður?

Kær kveðja

Snorri í Betel 

[Vilhjálmur Örn Vilhjálmsson, 21.1.2008 kl. 00:11]

Þakka ykkur öllum athugasemdirnar.  Greinilegt er að þessi mynd vakti aðra en mig til umhugsunar. Hjá sumum var hún þó meira í ætt við kærkomna minningu.

Björn Heiðdal datt því miður inn eins og vanalega. Hann er líklega skyldur Mr. Bean. Svo honum sé svarað: Já, Hitler var Guð nokkuð margra á sínum tíma, og einhverjir Íslendingar voru víst líka með Hjalta í Guða tölu og tilbáðu á laun efir að Bretinn bjargaði okkur.

Snorri, boðskapur Íslams er ekki meinhollur fyrir gyðinga og kristna og klerkar þeirra hafa ekki beinlínis dregið úr þeim köflum Kóransins sem boða það hatur. Þeir sem ekki eru múslímar og vilja ekki heyra "neitt rugl" um illsku Íslams, hafa mjög oft líka horn í síðu gyðinga og kristinna. Hatur trúleysingja og "vantrúarfólks" og svo kallaðra vinstrimanna, er því miður ærið oft í beinum tengslum við eina afneitun eða undantekningu. Íslam er "góða trúin" hjá þessum afneiturum.

Ég er viss um að Íslam sé holl góðu fólki, en gott fólk frávelur illskuna. Vont fólk elskar illskuna og ræktar hana.

[Sigurdur M. Gretarsson (IP-tala skráð) 24.1.2008 kl. 10:35]

Það er væntanlega rétt að það er full sterkt til orða tekið að Ísraelar
spili "stærsta hlutferkið" í alþjóðlegu ofbeldi en þeir spila svo sannarlega "stærsta hlutverkið" í ofbeldi í Miðausturlöndum.



Það er rétt að umrædd svargrein er hógvær, en hún er engu að síður
lygaþvættingur. Ísrael er ekki þjóð, sem hefur leitast við að lifa í friði
við nágranna sína, þeir eru helsti gerandin í ofbeldi í Miðausturlöndum. Þeir eru hernámsveldið á svæðinu og hafa verið árásaraðilinn í flestum stríðum við nágranna sína. Þeir halda áfram að verja ránsfeng sinn með ofbeldi og blóðsúthellingum.



Ég hef ekki lesið allar þessar 500 athugasemdir, en af þeim, sem ég hef lesið fer fjarri að þær séu almennt gagnrýni á orð Gandhis. Sumir talar reyndar um að þetta sé full djúpt til orða tekið en engu að síður sé full ástæða til að fordæma framferði Ísraela gagnvart Palestínumönnum. Ég tek undir það.



Fréttir í Bandaríkjunum af málefnum Miðausturlanda eru mjög einhliða
Ísraelum í vil. Því hefði maður búist við öðru frá Bandaríkjamönnum. Svo dæmi sé tekið þá gagnrýnir einn Bandaríkjamaðurinn að stjórnvöld þeirra styrku Ísraela með vopnum fyrir milljarða dollara á ári, sem þeir noti síðan til óhæfuverka. Annar talar um að framferði Ísraela gagnvart Palestínumönnum sé "inhumane". Enn annar líkir um hegðan Ísraela gagnvart nágrönnum sínum við "fíl í postulínsbúð". Það er gaman að sjá skrif Bandaríkjamanna með réttar upplýsingar um gang mála í Miðausturlöndum.

Loftur. Þú segir "Að leggjast flatur fyrir ofbeldi, er í huga mínum engin
dyggð heldur viðbrögð þrælsins". Ef þetta er skoðun þín, af hverju ert þú þá að ætlast til þess að Palestínumenn geri nákvæmlega þetta, leggist flatir fyrir ofbeldi Ísraela"?



Vilhjálmur, þú gagnrýndir fyrir nokkru á blogi þínu þá sem "ekki geta fjallað um þjóðarmorð án þess að kenna fórnarlömbunum um". Af hverju ert þú þá að gera nákvæmlega þetta gagnvart Palestínumönnum? Þú hefur sjálfur talað um þjáningar þeirra sem "sjálfskaparvíti" þegar staðreyndin er einfaldlega sú að þjáningar þeirra stafa fyrst og fremst af kúgun Ísraela.