Finnar eru orðnir hringavitlausir

 

Hörkusala hefur verið í hakakrosshringjum í Finnlandi fyrir jólin. Mætti halda að þetta fyrirbæri væri aðaljólagjöfin þar í landi í ár. Að minnsta kosti halda menn ekki vatni í þúsund landa vatninu fyrir þessu baugsilfri.

Upphaflega var þessi hringur seldur árið 1940 til að safna peningum vegna stríðsins við Rússa. Nú er verið að reyna að safna peningum með hringaframleiðslu til að gefa gömlum finnskum hermönnum náðugt ævikvöld. Sumir þeirra börðust "frækilega" með nasistum.

60.000 hringar hafa nú verið búnir til, og seljast þeir grimmt fyrir rétt rúmar 5000 krónur íslenskar.

Forstöðukona sölunnar, Pia Mikkonen, greinir erlendum fjölmiðlum frá því, að ýmsir frægir Finnar auglýsi hringana í sjónvarpi og í öðrum fjölmiðlum, og að þeir séu vinsæl gjöf fyrir unga karla. Talskonan segir: "There hasn't been confusion here in Finland," she said. "For us Finns, it's not a negative symbol."

Vita Finnar ekki að þegar Eimskip droppaði hakakrossinum fór allt að ganga betur hjá Eimskip?

Miður frægðarleg samvinna Finna við Þýskalands nasismans gerir óneitanlega marga undrandi á þessu hakakrossastandi í þeim. En greinilegt er að mörgum þykir þetta svaka flott merki.

Athugasemdir

[Gunnlaugur Snær Ólafsson (IP-tala skráð) 19.12.2007 kl. 12:05]

Það er nú svo sem ágætt að halda í þórshamarinn. Við verðum auðvitað að muna að þeir Finnar sem börðust "með" þjóðverjum voru í raun ekki að berjast eins mikið með þeim eins og þeir börðust gegn Sóvjetríkjunum.

Mér finnst það frábært að Finnar láta sig ekki kúga af dauðagöngu Hitlers og minningu hans.

[Bjarni Kjartansson, 19.12.2007 kl. 12:33]

Merkið er fallegt og kom í notkun löngu fyri tíma stríðsins.  Svo var einnig með Þórshamar Eimskipa.  Það er einfaldlega ósatt, að eitthvað hafi farið að ganga betur eftir að hann var tekinn úr haus félagsins.

Þú hefur hér á síðu þinni merki, sem er ættað annarstaðar frá en frá Davíð, þó svo að hún sé nú aðalega tengd Gyðingum.

Merki eru sum þeirrar gerðar, að upp er haldið ár´ðri gegn þeim og þau tengd einhverju, sem róið er gegn en eins og oftast er, er róið stíft gegn einhverju til að breiða yfir annað, svona eins og gegnur.

Annars er stundum gaman að lesa innlegg þín, þau bregða upp flötum, sem ela gætu farið framhjá manni.

Miðbæjaríhaldið

[Vilhjálmur Örn Vilhjálmsson, 19.12.2007 kl. 15:28]

Sælir herrar mínir. Þið megið setja hakakrossinn/Eimskips-Þórshamarinn og þvíumlíkt á ykkar jólatré og -kort í ár. Mér þykir þetta bara ljótt merki og er það mikið til Hitler að kenna. Finnar hefðu geta haft hringinn örðuvísu, t.d. með krossinum sem þeir nota í fána sínum. þetta er ekki heiðin þjóð, þó lengi hefði tekið að koma vitinu fyrir hana.