Danski diplómatinn sem vildi láta Holocaust hverfa

Eftir sprengjuárásir Al Quaída í Alsír um daginn var danski sendiherrann þar í landi svo vingjarnlegur að senda einkabílstjóra sinn til að leita að íslenskri konu sem í landinu býr. Ole Wøhlers Olsen heitir þessi vingjarnlegi sendiherra. Hann er múslimur og tók þá trú fyrir löngu þegar hann kvæntist sýrlenskri konu, sem tilheyrir valdastétt illvirkja á Sýrlandi.

Nú er Ole Wøhlers Olsen í vanda. Vitni í "olíu fyrir mat" skandalanum, sem er vandræðamál hér í Danaveldi, hafa varpað nýju ljós á þátt Olsens í málinu. "Olía fyrir mat skandallinn" fjallar einfaldlega um það, að danskir embættismenn í utanríkiráðuneytinu munu hafa átt aðild að því að dönsk fyrirtæki greiddu stjórar fjárhæðir undir borðið til Saddamstjórnarinnar í Írak, til þess að fá greiðari aðgang að viðskiptum í Írak.

Nú er komið í ljós, ef dæma má út frá því sem vitni segja dönsku rannsóknarlögreglunni, að múslimurinn Olsen ráðlagði sem sendiherra Dana í Sýrlandi og Írak, dönskum fyrirtækjum að greiða það sem hann kallaði "skatt" til Saddams til þess að fá bita af kökunni í "olíu fyrir mat" aðstoðinni til Íraks.

Þangað til í sumar neitaði danska utanríkisráðuneytið að tjá sig um málið og hélt danska ríkisstjórnin hlífðarhendi yfir embættismönnum þess. En svo kom allt í einu stefnubreyting, sem líklega varð að taka, þar sem stjórnin fékk nýjar upplýsingar sem hún gat ekki afneitað (og sem bjarga ráðherranum). Nú er málið í lögreglurannsókn.

Ég er afar mótfallinn diplómötum sem ganga erinda þeirra landa sem þeir eru í, í stað sinna eigin landa. Olsen er svoleiðis maður.

Ég hef einnig átt viðskipti við þennan mann. 17. maí 2006 skrifaði ég honum og bað hann að staðfesta eða deyða þann orðróm, að hann á fundi stjórnar Dansk Institut For Internationale Studier (DIIS) hafi stungið upp á því að nafn deildar innan DIIS, sem heitir Afdeling for Holocaust og Folkedrabstudier, bæri að breyta í "Afdeling for Folkedrabstudier". Hann jánkaði: og sagðist hafa gert það til að komast hjá notkun "framandi ekki-danskra lánsorða" eins og Holocaust.

Og af hverju ætli dönskum Múslima, sem greininga ekki veit hvernig þjóðarmorð er skilgreint (ef dæma má út frá svari hans), sé svo annt um að láta framandi orð eins og Holocaust hverfa úr nafni stofnunar í Danmörku sem var ætlað að rannsaka Helförina?

Ráðuneytið, sem Olsen vinnur fyrir, var ein af þeim stofnunum sem unnu ötullegast að því að senda gyðinga frá Danmörku í hendur Þýskalands nasismans. Danska utanríkisráðuneytið hvatti einnig til viðskipta við Hitler-Þýskaland. Stafsmenn þessa ráðuneytis vilja greinilega helst að útlensk orð eins og Holocaust hverfi úr dönsku, en þeir hafa alltaf verið ólmir í viðskipti við menn eins og Hitler og Saddam. Danir eru líka stoltir af samskiptum sínum við Íran.

Business as usual for little Denmark.  Ef einhver heldur að Danska utanríkisráðuneytið hafi gefið Palestínumönnum jólagjöf í París í gær, vegna þess að þeir vilja frið í Miðausturlöndum, hafa þeir hinir sömu misskilið utanríkisstefnu Dana síðustu 100 árin. Danir fá alltaf eitthvað fyrir sinn snúð og það líður ekki á löngu áður en bílasalar með notaða bíla eru farnir að selja danskar druslur í Ramallah og greiða 10% þóknun í vasa Abbas.

Athugasemdir

[Snorri Bergz, 18.12.2007 kl. 14:19]

Er hann ekki bara Olsen Olsen kallinn??

[Svanur Gísli Þorkelsson, 18.12.2007 kl. 16:53]

Sæll Vilhjálmur.

Af því ég veit að þér er annt um hverju hlutirnir eru nefndir ættir þú kannski að líta aftur á orðið "múslimi" eins og það er notað og beygt í íslensku. Þú notar orðið "múslimur" og "múslimurinn"  í þessu greinarkorni sem þýðir allt annað en fylgjandi Islam.

[Vilhjálmur Örn Vilhjálmsson, 18.12.2007 kl. 17:18]

Sæll Svanur, ég fylgi þeirri orðmynd sem er orðin hefð á Íslandi, sjá t.d. http://www.mbl.is/mm/frettir/frett.html?nid=1235976;rss=1.

Þú sérð hugsanlega eitthvað annað í orðmyndinni "múslimur" (ft. múslimir) en ég. Hvað skyldi það nú vera?

Við getum víst ekki lengur notað orðið múhameðtrúarmenn, sem var mikið notað áður fyrr. Múslimir segjast ekki trúa á Múhameð. En það heiti er samt sem áður gjaldgengt, t.d. hjá Morgunblaðinu, sbr. http://www.mbl.is/mm/frettir/frett.html?limit=0;nid=1182029;gid=2404

Ég er alveg til í að nota múslimi, ef ég fæ málvísindamann, trúfræðing, siðfræðing og múslim til að samþykkja það samhljóða. Meginreglan um að erlendar orðmyndir er sú, að hafi orðið endingu sem líkist íslenskri endingu, beygist orðið eins og íslensk orð með þeirri endingu. Muslim verður múslimur, því að það líkist meðlimur. Ef aðrir vilja halda áfram að nota múslimur, þegar er búið að fullvissa mig um að múslimi sér réttast, ætla ég ekki að skipta mér af því. Málvöndun getur líka farið út í öfgar - eins og trúarbrögð.

[Helga (IP-tala skráð) 18.12.2007 kl. 22:13]

Þú getur óhræddur notað orðið múhameðstrúarmaður því það þýðir sá sem trúir orðum Múhameðs (og það gera múslímar, þ.e. múhameðstrúarmenn). Lútherstrúarmenn trúa ekki á Lúther heldur fylgja þeir Lúther að málum og þess vegna eru þeir lútherstrúarmenn. Sama á við um múhameðstrúarmenn, þeir fylgja orðum Múhameðs.

Takk annars fyrir bloggið þitt sem ég les oft mér til fróðleiks og ánægju, þótt ekki séum við nú alltaf sammála.

[Soffía Sigurðardóttir, 18.12.2007 kl. 22:37]

Svo er þessi fíni björgunarbátur á myndinni á síðunni sem þú vísaðir á hjá danska sendiráðinu í Teheran.

Ætli Danir líti á sig sem björgunarbát í alþjóðamálum? 

Æ, hvað við Norðurlandaþjóðir erum alltaf góðhjartaðar.

En, samt má nú skoða markedsmuligheder..... 

[Vilhjálmur Örn Vilhjálmsson, 19.12.2007 kl. 04:21]

Góð athugasemd Helga. Hér í Danmörku eru menn alveg hættir að nota gamalt og áður gilt orð "Muhamedaner", sem, ólíkt "Lutheraner", er orðið að pólitísku bannorð í Danmörku. Danskir múslimir "banna" Dönum að nota orðið muhamedaner. Rökin eru. Orð Múhameðs eru orð Allah. Nú orðið er maður rasisti ef maður vogar sér að nota það orð.

Sæl Helga, ég tók ekki eftir bjögunarbátnum. Kannski nota Danir hann til að bjarga sér út á síðustu stundu, t.d. þegar ráðist er á sendiráð þeirra. Dönsk útgerðafyrirtæki hafa í mörg ár siglt með vafasama hluti til Íran. Lítið er skrifað um það. Þegar önnur Dönsk fyrirtæki sigla með vafasama hluti til Ísrael, eða Íslendingar fara í útrás til Danmörku ætlar allt að verða vitlaust.

[Loftur Altice Þorsteinsson, 19.12.2007 kl. 14:22]

Þetta eru athyglisverðar upplýsingar, því að þessi Óli er ólíkindatól. Hann er fæddur 1942 og 1968 gerðist hann múslimi (26 ára). Árið eftir fór hann til Alsír, hugsanlega á vegum Danska utanríkisráðuneytisins. Þar kvæntist hann, eins og Vilhjálmur segir: "sýrlenskri konu, sem tilheyrir valdastétt illvirkja á Sýrlandi".

Í framhaldi af stuðningi okkar og Dana við innrásina í Írak 2003, þótti við hæfi að gera Óla að héraðsstjóra í Suður Írak, með aðsetur í Basra. Hann hafði með höndum yfirstjórn á einu af fjórum héruðum Íraks, sem Bandaríkin settu á fót. Óli var óvænt látinn taka pokann sinn 28.Júlí 2003, rúmum þremur mánuðum áður en ráðningar-tími hans rann út.

Árið 2004 kom út bók um Óla, rituð af Lally Hoffmann. Í ritdómi um bókina, sem hægt er að lesa hér: http://www.islamstudie.dk/boeger_anmeld.laksko.htm , kemur fram ótrúleg vanþekking hjá Óla eða höfundinum Lally á Islam, hinum myrku trúar-blekkingum (trúar-brögðum).

Margar spurningar vakna varðandi þennan Óla, sem meðal annars hefur farið í pílagrímsferð til Mekka. Fór hann fyrst til Alsír 1969 ? Hvenær og á hvaða forsendum var hann ráðinn til utanríkisþjónustunnar ? Er í lagi í Danmörku að sendiherrar séu staðnir að lygum ? Ég veit, að á Íslandi er talið í góðu lagi að sendiherrar séu fyllibyttur og liggi drukknir fyrir manna-fótum á erlendum almennings-salernum.

[Vilhjálmur Örn Vilhjálmsson, 19.12.2007 kl. 15:35]

Ævinlega blessaður Loftur, með þín vel rannsökuðu svör. Mér finnst þú hafa kynnt þér kauða mjög vel. Vinur minn í blaðamannastétt segir að Óli þessi verði líklega brátt látinn taka poka sinn. Hann getur þá flutt á elliheimili í Damaskus, undir einhverjum háværum kallturni og komist nærri skapara sínum og þjónað sínum réttu herrum. En mér þætti réttast að yfirvöld tækju eftirlaun af svona apparötum.

[Svanur Gísli Þorkelsson, 20.12.2007 kl. 16:35]

 Sæll Vilhjálmur

Það er eingin hefð fyrir að nota orðið "múslimir" í íslensku, þó sumir hafi gert sig seka um það af vankunnáttu í gegnum tíðina.

Kannski er best að notast við þær orðmyndir sem múslimar gera sjálfir.

Eftirfarandi er tekið af heimasíðu þeirra; islam.is.

Íslam og múslímar
Arabíska orðið Íslam merkir friður, undirgefni og hlýðni. Að vera íslamstrúar táknar að játast undir kenningar og leiðsögn Guðs eins og þær opinberuðust Múhammeð spámanni. Múslími er sá sem trúir á Guð og leitast við að haga lífi sínu í samræmi við hina opinberuðu leiðsögn Guðs og orð spámannsins. Hann reynir jafnframt að treysta mannlegt samfélag á sama grunni. “Múhammeðstrú” er rangnefni á Íslam og móðgun við anda þeirrar trúar.

[Vilhjálmur Örn Vilhjálmsson, 20.12.2007 kl. 18:53]

Æi Svanur, þú varst rétt að enda við að gera þig breiðan um staðarheiti í landi gyðinga.  Ég hef svarað því, enda virðist þú ekkert vita um málið http://www.postdoc.blog.is/blog/postdoc/entry/396082/#comments og bætti við athugasemd við fyrri heimsókn þína.

Nú verð ég biðja þig að sýna mér þá virðingu, að hætta að kenna mér íslensku upp á "íslamskan" máta. "Múslimur" er engin móðgun við Íslam, nema ef menn hafi "getnaðarlimi" á heilanum.  Bið þig vingjarnlegast um að halda mér fyrir utan móðgunargirni múslima. Í mínum orðabókum er "múhameðstrú" gott og gilt íslenskt orð.