Áður en Ísland verður meðlimur í Öryggisráði SÞ

Póstkort frá Íran?

Meðan íslenski utanríkisráðherrann dratthalaðist um Miðausturlönd og sagði þarlendum öfgamönnum það sem þeir vildu helst heyra, mótmæltu kollegar hennar á Norðurlöndum aftökum í Íran , þar sem fólk er hengt á götum úti og konur grýttar í hel. Skora ég hér með á undanríkisráðherra okkar að gera það sama og norrænir kollegar hennar.

Það er ekkert mál að afla sér upplýsinga um óöldina. Horfið á þetta á eigin ábyrgð: http://www.iranfocus.com/modules/news/article.php?storyid=11929

Það er engin Menningarnótt í Íran! Þar ríkir alnætti. 

Ingibjörg Sólrún fór því miður ekki til Íran í annálaðri ferð sinni. Mér skilst að hún telji helst að vandamál vandamálanna liggja í Ísrael. Ferðaglaði ráðherrann hefði líklegast gott af því að fara til Teheran og sjá hvernig það er að vera kona í umhverfi heiftarklerkanna sem eyðilagt hafa merka þjóð og sem hafa gert Íran að ljótum bletti á mannkynssögunni.

Reporters Without Borders  (RSF) hvöttu 15. águst framkvæmdastjóra SÞ, Ban Ki-moon, að blanda sér í mál 11 blaðamanna sem nú sitja í fangelsum í Íran, en tveir þeirra eiga yfir höfði sér snöruna. Hvar eru íslenskir blaðamenn? Ég hef ekki séð neitt eða heyrt um þetta í íslenskum fjölmiðlum. Síðan árið 2000 hafa 4000 fjölmiðlamenn misst störf sín í Íran.

Íslendingar vilja ólmir í Öryggisráð SÞ. Er ekki kominn tími til fyrir utanríkisráðuneytið að sýna í raun hvað í þjóð okkar býr og fyrir lýðræðissinnaða stjórnmálamenn á Íslandi að beina sjónum sínum að versta krabbameinskýlinu í Miðausturlöndum - það er að segja ef menn meina eitthvað með rausi um frelsi, mannréttindi, kvenréttindi, frið og öryggi. Íranska þjóðin hefur ekkert af þeim fríðindum og fasistastjórnin í landinu styður hryðjuverk og eyðileggingu. Eins og Hitler lýsir "leiðtogi"  Írana því yfir að gyðingar og Ísrael sé rót alls vandans í heiminum. Ég er hræddur um að litli Hitler í Íran eigi ansi marga skoðanabræður á Íslandi miðað við yfirlýsingar sem ég hef séð hér á Moggabloggi.

Á Ísland erindi í Öryggisráð SÞ? Ef svo er, þá verðum við að fara að standa okkur.

Athugasemdir

[Árni Gunnarsson, 19.8.2007 kl. 20:21]

Stefna okkar í utanríkismálum mun hér eftir sem hingað til taka mið af því Hvað Okkar Mikla Leiðtoga í Westri hugnast.

[Sigurður M Grétarsson, 19.8.2007 kl. 22:01]

Það er alveg rétt hjá þér Vilhjálmur að ef við ætlum að beita okkur til að bæta frelsi, mannréttindi, frið og öryggi þegar eða ef við förum í Örytggisráð Sameinuðu þjóðanna þá er nauðsynlegt að gera sitt til að bæta ástandið í löndum eins og Íran. Í því efni er hins vegar ekki síður minni ástæða til að taka á hinu grimmilega hernámi Ísrala í Palestínu svo Palestínumenn geti lifað við frelsi, mannréttindi, frið og öryggi. Grimmilegt hernám Ísraela á Palestínumönnum er ekki síðra "krabbaneinskýli" í Miðausturlöndum en ástandið í Íran.

[Vilhjálmur Örn Vilhjálmsson, 20.8.2007 kl. 05:31]

Sæll Árni, erum við ekki sjálfstæð þjóð með sjálfstæða stefnu í utanríkismálum? USA segist vilja frið í heiminum, en Íran segist vilja afmá lönd og þjóðir. Ef ég á að velja vel, hugnast mér frekar það sem stóri bróðir í USA segir.

[Vilhjálmur Örn Vilhjálmsson, 20.8.2007 kl. 05:55]

Margblessaður Sigurður,

Þú ert enn samur við þig. Hvar er mikilvægast að byrja? Þar sem konur eru grýttar og ungmenni hengd fyrir það sem margir Íslendingar kalla tómstundagaman? Eða í því hræðilega vonda landi sem sendir olíu til "óvinanna" í Gaza, þó svo að sé ESB sem hafi stöðvað greiðslur fyrir þá olíu sem fara á til raforkuframleiðslu á Gazaströndinni. Líklegast er ESB þegar búið að velja og það ekki eftir þínu höfði. Finnst þér vera grimmilegt hernám, þegar Ísraelsmenn gefa nýrun sín og önnur líffæri sjúkum palestínskum börnum?

Það er aðeins ein lausn á vandamálum Miðausturlanda. Hinu mikla hatri gegn Vesturlöndum, okkar menningu, gegn gyðingum og yfirleitt öllu því sem ekki beygir 4 sinnum á dag í átt til Mekka verður að linna. Virðing fyrir öðrum er friður. 

Skálmöld sú sem ríkir víða í heimi Múslima er ekki Ísrael að kenna og heldur ekki USA og öðrum ríkjum sem sent hafa heri sína til Miðausturlanda. Minnihlutahópar og hópar innbyrðis í berjast á banaspjót. Trúarbragðastríðið í Írak er ljóslifandi dæmi um þetta. Ofsóknir gegn kristnum er annað dæmi. Ofsóknir í nafni Allah gegn öllu minnihlutahópum í heimi Múslima er reyndar gamall vandi. Ef hann verður leystur fá þjóðirnar frið og velmegun. Sagan sýnir okkur að þar sem þetta gerist, þar sem meirihlutinn ber virðingu fyrir minnihlutanum, þar upphefst menningin og fólk nýtur friðar og frelsis.

[Greta Björg Úlfsdóttir, 20.8.2007 kl. 19:00]

Þetta er rosalegt myndband. Ekki aðeins að sjá þessa opinberu aftöku, heldur bætist við að það er svo illa staðið að henni að konan er spriklandi í snörunni löngu eftir að hún er hífð upp. Svakalegt.

Sammála því að afstaða okkar íslendinga í alþjóðmálum er óttalega grunnfærnisleg (shallow) og hver ráðamaðurinn étur klisjurnar upp eftir öðrum, þar sem gegnum skín að við séum mestu reddarar í heimi sem yrðu ekki lengi að leysa deilumálin á okkar einstaka hátt. 

[Sigurður M Grétarsson, 24.8.2007 kl. 21:10]

Hvar ætti ég að byrja. Í fyrsta lagi er það svo að þær refsingar, sem þú talar þarna um eru algerar undantekningr í þeim löndum, sem Islam er algengustu trúarbrögðin. Það eru aðrina þar, sem verstu ofsatrúarmenn ráða, sem þetta er gert.

Það eru líka til dæmi um að Palestínumenn hafi gefið líffæri fyrir ísraelsk sjúklinga. Ég man meira að segja eftir því í fréttum fyrir nokkru að foreldrar pilts, sem ísraelskir hermenn höfðu drepið gáfu lífæri hans til ísraelsks líffærabanka.

Hernámsveldi ber samkvæmt alþjóðalögum að tryggja að íbúar hernámssvæðis síns geti lifað, sem eðlilegustu lífi. Þetta hafa Ísraelar margbrotið og eru enn að margbrjóta en þeim er þó ekki alls varnað, eins og dæmið með olíuna sýnir. Þett er þó aðeins eitthvað, sem ljóst var að væri ástand í takmarkaðan tíma þannig að greiðsla fyrir olíuna hlaut að koma á endanum. Gleymum ekki því að það er vegna hernáms Ísraela, sem meðal annars felst í því að nánast einangra hernumdu svæðin, sem Palestínumenn geta ekki bjargað sér fjárhagslega og eru upp á aðstoð annarra rikja komnir. Þeir geta meðal annars ekki stundað utanríkisvðskipti, sem neinu nemur vegna herkvíar hins grimma hernámsveldis Ísrael.

[Loftur Altice Þorsteinsson, 28.8.2007 kl. 12:55]

Finnst vinum Al-ilah, að Sharia refsingar séu við hæfi ?

Vill Sigurður M Grétarsson svara því, hvort hægt er að verja þjóðfélög sem hengja 16 ára stúlku fyrir að stunda kynlíf utan hjónabands eða utan kvennabúrs ?

Hver vill verja aftökur, eins og hér er sýnd ?

Komið þið múslimar og vinir Al-ilah úr rottuholunum !